ቢያ ባኮ ዳንዳዓ ፆኦዛሢ ሺባ ዎርቃኔ።

ጊንሣ ሃሣ ጉሙርቆ ፆኦዛሢ ጋዓኔ።

ዎዻኒ ዳንዳዓ ዶርዓሢናይዳፓ

ኔና ካፓኔ።

ዒዛኮ ጋኣዞ ዴማ ዓኣሺንቶ ቤሲ ኔ ዴንቃንዳኔ፤

ጉሙርቂንቲፃ ዒዛሲ ጊቲማጉዲ ኔና ቃዛያ ማዓንዳኔ።»

ሮኦሮናኣ ዱኮ ሂኢዦ ኔ ዒጊጫዓኬ።

ዓቢ ሮኦሪ ሙካ ባይሲንታኣ ኔ ሂርጋዓኬ።»

ሚዛቆ ዛሎና ታጶ ሺያ ሎኦማንዳኔ፤

ጋዓንቴ ዬይ ኔ ባንሢ ዑካዓኬ።

ፑርቶ ዓሳ ሜታሢ ዔካሢ ዛጊ ኔ ዛጋንዳኔ።»

ዼኤፖ ፆኦዛሢያ ፑኖ ካያሢ

ኔኤኒ ማሄኔ።

ባይዛ ሃይቢያ ኔ ማኣሪ ጌላዓኬ።

ኪኢታንቾ ዒዚ ኔኤም ጌዒ ዓይሣንዳኔ። ማቲ. 4፡6፤ ሉቃ. 4፡10።

ዔያታ ፔኤኮ ኩጮና ኔና ኬዲ ዓርቃንዳኔ። ማቲ. 4፡6፤ ሉቃ. 4፡11።

ሃጊ ዔቃ ዓዶ ዞቦንታ ቃራሢያ ኔኤኒ ዒማይዳንዳኔ።» ሉቃ. 10፡19።

«ታና ዒ ናሽኬሢሮ ታ ዒዛ ሄሊ ዓውሳንዳኔ፤

ታ ሱንፆ ዒዚ ዔሬሢሮ ታ ዒዛ ጎኦቢ ዓይሳንዳኔ።

ዒዛኮ ሜታሢ ዎዶና ዒዛና ማዓንዳኔ፤

ታ ዒዛ ዓውሳንዳኔ፥ ቦንቻንዳኔ።

ታኣኮ ዓውሲፆዋ ዒዛም ዻዋንዳኔ።»

<- ዓይኑሞ ማፃኣፖ 90ዓይኑሞ ማፃኣፖ 92 ->