ናንጊና ኔ ኑና ዓይጋ ኬኤሬይ?

ሄንቆ ቦኦሎይዳ ዓኣ ኔ ማራቶይዳ ዻጋ ኔኤኮ ዓይጋ ዔኤቴይ?

ኔ ዒጊኒ ማዓንዳጉዲ ዓይላታፓ ሻንቂ ኔ ኬሴ

ዴሮ ኔኤኮ ማሌ፤

ፂዮኔ ዹኮም ማሌ።

ሞርካ ኔኤኮ ጌኤዦ ማኣራ ዓኣ ባኮ ቢያ ፑርቲሴኔ።

ኔኤኮ ጌኤዦ ማኣሮይዳ ሄርሺንታኔ፤

ሄርጋ ዓርቄ ዓሲ ዔያታ ማላኔ።

ሄርጋና ቆፂ፥ ሞቶሾናኣ ጳርቂ ሜንሤኔ።

ኔ ሱንፆኮ ዎይፆ ቤዞዋ ዒኢሴኔ።

«ጋፒንሢ ሄርቂ ኑ ዔያቶ ዎይሣንዳኔ» ጌዔኔ፤

ሳዔሎይዳ ፆኦሲ ካኣሽኪንታ ቤዞ ቢያ ዔያታ ሚቼኔ።

ፔቴታዖ ፆኦሲ ማሊሢ ኬኤዛኒ ኬስካ ዓሲያ ባኣሴ፤

ሃይ ዎማ ሄላንዳኣና ሃማይዲ ዴዓቴያ

ዔራይ ኑ ባኣካ ባኣሴ።

ኔ ሱንፆ ጫርቂ ዔያታ ቶኦቻሢ ዎማካ ጋፓይ?

ሚዛቆ ኩጮ ኔኤኮ ሾኦጶ ዴማ ዓይጋ ዳካይ?

ሳዖይዳ ኔኤኮ ዓውሲፆ ማዾ ኔ ማዼኔ።

ባዞይዳ ናንጋ ቦዖኮዋ ቶኦኮ ዋኣፆይዳ ኔ ዳኣፄኔ። ኬሲ. ማፃ 14፡21።

ዓሲ ናንጉዋ ዳውሎ ማዢንቶማዋኣ *ዓሲ ናንጉዋ ዳውሎ ማዢንቶማኣ ጋዓዞ፦ ላንካይታሞ ዓሳ ቡሌ ማፃኣፖይዳ «ዒቶጲያ ዓሶማኣ ሙኡዚ ኔ ዒንጌኔ» ጋዓኔ።

ሙኡዚ ማሂ ኔ ዒንጌኔ። ዒዮ. 41፡1፤ ዓይኑ. 104፡26፤ ዒሲ. 27፡1።

ቢያ ዎዴ ዎታ ዎሮ ኔ ሚጪሴኔ።

ዓጊኖና ዓቦና ኔኤኒ ዶዲሺ ዴይሤኔ።

ዖጎፆንታ ባርጎንታ ኔኤኒ ኬሴኔ።

ኔ ሞርካ ኔና ቦሂ ዓማላሢ ዛጌ፤

ዔያታ ዔኤያ ማዔሢሮ ኔ ሱንፆይዳ ጫርቃኔ።

ኔኤም ማዻዞንሢኮ ሜቶ ናንጊና ዋሊፖ!

ዋይዚ ዒፂሢ ቡኬ ቤሲ

ማንቆንታ ሜታዼ ዓሶንታ ሱንፆ ኔኤሲ ጋላቶንጎ።

ኔ ጌኤዞ ዛሎ ሞኦቲንቴ፤

ኔና ቶኦቻሢ ዛጌ።

ቢያ ዎዴ ዺቢ ዺቢ ዓኣዻ ሆኦሊንቶ

ዔያቶኮ ኔኤኒ ዋሊፖ።

<- ዓይኑሞ ማፃኣፖ 73ዓይኑሞ ማፃኣፖ 75 ->