ዎልቄ ኔ ዒዛም ዒንጌሢሮ ካኣቲ ዎዛዼኔ፤

ኔ ዒዛ ባሺሴሢሮዋ ሚርጌና ዒዚ ዎዛዻኔ።

ዒዚ ኔና ሺኢቄ ባኮዋ ኔ ዒዛ ላኣጊባኣሴ።

ዒዛኮ ቶኦኮይዳ ጌኤሺ ዎርቄና ኮሺንቴ ቦንቾ ባኮ ኔ ዓጌኔ።

ኔኤኒ ዒዛም ዖዶሲ ሌዔንታ

ጋፑዋ ናንጊያኣ ዒንጌኔ።

ቦንቾንታ ዼኤፑሞንታ ኔኤኒ ዒዛም ዒንጌኔ።

ኔኤኒ ዒዛና ዎላ ማዒፆና ዒዛ ኔኤኒ ዎዛሳኔ።

ዼኤፖ ፆኦዛሢ ጋጋፑዋ ናሹሞና

ዒዛ ናሽኬሢሮ ዒዚ ዓጊፂንዱዋሴ።

ኔኤኮ ሚዛቆ ኩጫኣ ኔና ዒፃዞንሢ ቢያ ዓርቃንዳኔ።

ታሚ ላኣፁሚጉዲ ኔ ዔያቶ ሚቻንዳኔ፤

ታማኣ ዔያቶ ሙዓንዳኔ።

ሜሌ ዴሮ ባኣካፓ ዱማሲ ኔ ዔያቶ ዎዺ ኩርሳንዳኔ።

ጌኔ ማሊሢያኣ ማሊ ቱኬቴያ ዔያቶም ጊኢጋዓኬ።

ኔኤኮ ሂኢዦናኣ ዔያቶ ኔ ዱካንዳኔ።

ኔኤኒ ኔ ዶዱሞና ዼግ ዼጊ ጌዔ፤

ዎልቆ ኔኤኮ ኑኡኒ ሄርሻኔ፥ ዓይናዺያ ኑ ዓይናዻኔ።

<- ዓይኑሞ ማፃኣፖ 20ዓይኑሞ ማፃኣፖ 22 ->