ዓሳኣ ጌኔ ማዻኒ ዓይጋ ዞርታይ?

ዔያቶ ዎይሣ ዓሳኣ ናንጊና ናንጋ ጎዳና

ዒዚ ዶኦሚ ካኣታሤ ካኣቲናም ጌኔ ማዻኒ

ሂዚ ጌይ ዞርቴኔ፦ ዳኪ. ማዾ 4፡25-26።

ሱዞዋ ዱኡዚ ኑኡኒ ኬኤሮም» ጌዔኔ።

ዬያ ዔያቶኮ ፓሡዋ ማሊፆ ናንጊና ናንጋ ጎዳ ቶኦቻኔ።

ታሞጉዴ ዻጎና ዔያቶ ዒዚ ዒጊቻንዳኔ።

ታኣኒ ዶኦሜ ካኣቲ ታ ካኣታሤኔ» ጋዓንዳኔ።

ዒዚ ታኣም ሂዚ ጌዔኔ፦

‹ኔኤኒ ታኣኮ ናዓሢኬ፤

ታ ኔና ሃኖ ሾዔኔ፤ ዳኪ. ማዾ 13፡33፤ ዔብ. 1፡5፤ 5፡5።

ኔ ቢታንቶ ዴማ ዎርቃንዳጉዲ ታ ማሃንዳኔ፤

ዓጪ ማዔ ካራና ቢያ ኔ ዴኔ ማዓንዳኔ።

ዓጪና ማዢንቴ ሜሄጉዲ ኔ ዔያቶ ጋኣጫንዳኔ› » ጌዔኔ። ዮሃ. ፆፔዻ 2፡26-27፤ 12፡5፤ 19፡15።

ዒንሢ፥ ዓጮ ዎይሣ ዓሳ ዒንሢና ዔሩዋቴ።

ጎጋይቂ ጎጋይቂያኣ ዒዛ ቢታንቶ ዴማ ዎርቁዋቴ።

ዒንሢያ ዒ ባይዙዋንቴ ቤርታ

ጎጋይቂ ጎጋይቂ ናዓሢም ዳዲ ባዑዋቴ፤

ዒዛ ፑኖ ካይዚ ማሃዞንሢ ቢያ ዓንጂንቴያኬ።

<- ዓይኑሞ ማፃኣፖ 1ዓይኑሞ ማፃኣፖ 3 ->