ጊኢጊሾና ዼኤፒ ሙኡዚሮ ዴይሢፓ

ኮሹሞ ዓኣ ማርካ ሜልዚ ላኣዳ ቡርሺሢ ሙይሢ ቃራኬ።

ዓይሌ ማዒ ማዻ ጪንጮ ዓሲ ፔ ጎዳ ናዖኮ ዑሢ ማዓኔ፤

ዬያ ናማኮ ጌርሲንሢጉዲ ዓዶ ባኮ ዻካላያ ማዓኔ።

ናንጊና ናንጋ ጎዳ ዓሲኮ ዒኔ ዬያይዲ ዛጋኔ።

ሉኡዚ ዓሲያ ሉኡዙሞ ባኣዚ ዒናፓ ዋይዛኔ።

ዔያቶ ማዤ ጎዳ ጫሽኪሢ ማዓኔ፤

ሜሌ ዓሲ ዑስካ ሄላ ሜቶና ኔኤኒ ዎዛዻያ ማዔቴ

ኔኤኒያ ሜቶ ዔካንዳኔ።

ናኣታኣ ፔኤኮ ዓዶንሢና ሄርሺንታኔ።

ቦንቺንታ ዓሲ ሃሣ ሉኡዙሞ ጌኤሲ ጌስታያቱዋሴ።

ዴሚና ዒንጎ ሚኢሼ ዒንጊሢና ቢያ ባካ ኑኡም ጊኢጋንዳኔ ጌይ ዔያታ ጉሙርቃኔ።

ዻቢንቲ ማሂ ማሂ ኬኤዛ ዓሲ ጋዓንቴ ፔኤኮ ዑኬ ላጋሢ ሴካ ዳካኔ።

ማሊ ጶቂሣ ዓሲ ፔቴይዳፓ ዓኣዹዋያና ጎሪ ዞሮ ዞሮና ዔራሢ ባሻያኬ።

ዬያሮ ዒዛም ማኣሪሢ ዔሩዋ ኪኢታ ዓሲ *ማኣሪሢ ዔሩዋ ኪኢታ ዓሲ ጋዓዞ፦ ፔቴ ፔቴ ማፃኣፓ «ሃይቢ» ጋዓኔ። ዳኪንታኔ።

ናይ ዔውቴ ዲቤ ጌይንታ ቦዖና ካኣሚፃ ቃራኬ።

ፑርታ ባኣዚ ቢያ ዎዴ ማኣራፓ ሺኢኩዋሴ።

ዬያሮ ዑራ ማዢንታንዳሢኮ ቤርታ ማርሞ ሃሼ።

ዻቢንቴ ዓሲ ጌኤሺ ማሂ ዎጊሢንታ

ዬንሢ ላምዖ ባኮ ናንጊና ናንጋ ጎዳ ዒፃ ማዾኬ።

ፔኤኮ ሚኢሾ ዔራቶ ሻንቃኒ ኬሴያታቴያ ዬይ ዒዛ ማኣዳንዳ ባኣዚ ባኣሴ።

ጌርሲንሢ ማዒ ሾይንታሢያ ሜቶ ዎሊኮ ኬዳኒኬ።

ፔና ዋኣሴ ማሂያኣ ሺኢሻኔ።

ዼጊዲ ኮሾና ማርሻ ካራጉዲ ፔና ዼጊሳ ዓሲ ሎኦሚሢ ዔኤላኔ።

ጌሺሢ ጌኤሲ ጌስታ ዓሲያኣ ሜቶይዳ ሎኦማኔ።

ፑርታ ናይ ዓዶኮ ዎዛ ባኣሴ።

ዖዪሢ ጋዓንቴ ዓሲኮ ዎልቄ ባይዛኔ።

ዴሜና ዒንጎ ሚኢሾ ዔካኔ።

ዔኤያ ዓሲኮ ዓኣፖ ካራ ጋዓንቴ ቢያ ዛሎ ጉሪ ሊሲ ሊሲ ዛጋኔ።

ፔ ዒንዶማኣ ፑርታ ማሊሢ ዔኪ ሙካኔ።

ሃሣ ጊንሣ ቦንቺንታ ዓሲ ዢራፓና ጳርቂሲሢ ኮይሳያቱዋሴ።

ታሣ ማሊሢ ዓኣ ዓሲ ማሊ ጶቂሣ ዓሲኬ።

ፔቴታዖ ዒዚ ጌስቱዋዖ ዓቴቴ ጪንጫ ዓሲ ማዒ ፓይዲንታኔ።

<- ኮኦኪንሢ ማፃኣፔ 16ኮኦኪንሢ ማፃኣፔ 18 ->