ታ ዓኣፖና ‹ዛጋዓ› ጌይ ታ ጫኣቄኔ።

ጫሪንጫ ዓኣ ቢያ ባኮ ዳንዳዓ ፆኦዛሢዳፓ

ታኣም ጎዖና ባካ ዓይጎዳይ?

ዻቢንቴ ዓሶይዳኣ ባይሲንታ

ሄላሢ ዔርቴያቱዋዓዳ?

ሃሣ ታ ሃንቴ ሃንቲፆዋ ዒ ፓይዱዋዓዳ?»

ዓሲያ ታኣኒ ጌሺባኣያታሢ ታኣኒ ጫኣቃኔ፤

ፒዜሢዳ ጌሢ ታና ዛጎንጎ፤

ታኣኮ ፂሉሞና ዶዲፆዋ ዔሮንጎ።

ዓኣፓ ታኣኮ ዛጌሢ ቢያ ዒና ታኣኮ ዓፃዼያ ማዔቴ

ሃሣ ኩጫኣ ታኣኮ ጎሜና ኪንቄያ ማዔቴ፥

ታ ባቃላ ቢያ ቱጊንቲ ባይቆንጎ።

ዲዒንቲ ዔውቴያ ማዔቴ

ታኣኮ ዓሺናሢ ማቾ ዴንቃኒ

ዒዛኮ ካራ ካቲ ታ ዴዔያ ማዔቴ

ሃሣ ዒዛ ሜሌ ዓቲንቄና ላሆንጎ።

ዼኤፒ ዻቢንቲኬ።

ታኣኒ ዬያ ማዼያ ማዔቴ ታኣኮ ቆልሞ ቢያ

ዬይ ጋፒሴያ ናንዳኔ።»

ታ ዔያቶም ጌስታንዳጉዲ ታኣም ዔያታ ኬኤዜንቴ

ታ ቶኦቼያ ማዔቴ

ዓይጌ ታኣም ኮሽካንዳይ?

ዎጎና ታና ዒ ዖኦጫ ዎዶና

ታና ዖኦጮ ዖኦጪፆም ዎዚ ጌይ ታ ማሃንዳይ?

ታኣኮ ማዻ ዓሶዋ ማዤሢቱዋዓዳ?

ኑና ቢያሢ ኑ ዒንዶንሢ ጎጶይዳ ጎጶይዳ

ማዤሢ ዒዛ ቱዋዓዳ?»

ዜኤሮ ዒንዶንሢያ ዶዲሺሢዳፓ

ጊንሢም ጌይ ታ ዔሩዋሴ፤

ታ ታኣሮ ሙይ ዎርቄ ዎዴ ባኣሴ።

ታ ዔያቶኮ ዓዶ ማዒ ናንጌኔ፤

ታ ናንጎ ዎዶ ቢያይዳ ዜኤሮ ዒንዶንሢ ታ ማኣዴኔ።

ካላዺ፤ ሃሣ ጪኢሺና ዔያታ ሜታዻንቴ ታ ዛጊ

ታ ዔያቶም ዒንጉዋዖ ዓቴ ዎዴ ባኣሴ።

ዬያሮ ዔያታ ጉቤ ዒናፓ ታና ጋጋላታኔ።

ዜኤሮ ናኣቶ ታ ኩጮና ታኣኒ ሌኤቂንሤያ ማዔቴ

ካኣላሢዳፓኣ ሾኦሊንቲ ኬዶንጎ።

ዒዛኮ ዲቃሣ ዼኤፑሞሮ

ዒዛ ቤርታ ዔቃኒ ታ ዳንዳዑዋሢሮኬ።»

ጊንሣ ጌኤሺ ዎርቄያ ታኣኮ ጌኤቂንቶያ ታ ማሂባኣሴ።

ዖርጎቹሞንታ ሚርጌ ሚኢሼንታ ታ ዴንቄኔ›

ጌይ ታ ዎዛዺ ቤቂባኣሴ።

ዓጊኖኮዋ ዖይዺ ፖዒፆ ታኣኒ ዛጊ

ታ ኩጮዋ ታኣኒ ፒሺ ሄርቂሢና

ቦንቾ ታ ዔያቶም ዒንጊባኣሴ።

ጉሙርቂንቱዋያ ማዒሢታሢሮ

ዬንሢ ማዺፃ ሃይቢ ዔኪ ሙካ ጎሜኬ።»

ፑርታ ባኣዚያ ዔያቶ ሄላዛ ታ ኮኦሚባኣሴ፤

ፔቴታዖ ታ ጎሜ ማዺባኣሴ።

ታኣኮ ማዻ ዓሳ ታኣም ማርካዻኔ።

ታ ማኣሪ ዔኪ ዓኣዺ ታ ዔያቶ ዎይሣኔ። »

ሜሌ ዓሶጉዲ ታ ጎሜ ታ ዓኣቺባኣሴ።

ታ ማኣሮ ዓሶኮዋ ቶኦቺፃ ታና ዲቃሤም

ታ ማኣሮይዳ ዻንጋ ባይቂ ታ ዓኣሺንቴ ዎዴ ባኣሴ።»

ታኣኒ ጎኔ ጋዓኔ፤

ቢያ ባኣዚ ዳንዳዓ ጎዳ ታኣም ማሆንጎ!

ታና ዎጎና ዓይሢሳሢ፦ ዒ ዓይሢሳ ባኮ

ፓይዲ ፓይዲ ሺኢሼም ታ ዛጋቴ ዓይጎ!

ቦንቾሮ ቶኦካ ዓጎ ባኮጉዲያኣ ቶኦካ ታ ዓጌያ ናንዳኔ።

ታ ማዼ ባኮ ቢያ ፓይዲ ፓይዲ ኬኤዛንዳንቴኬ።»

ቡሪ ዔኪ ጎሽኬያ ማዔቴ፥

ቡኪሲ ዔኪ ታ ሙዒ ዔያቶ ዖዪሴያ ማዔቴ፥

ዔልዓሢ ቤዞ ሆኦሪ ባቃሎንጎ!» ጌዔኔ።