ላቤሢ ማኣዴያ ኔኤም ማላ?

ኩጫ ላቤሢ ዶዲሼጉዲ ኔኤም ጋዓ?

ዓይጎ ባኣዚ ኔ ዒዛ ዔርዜይ!

ኔና ማሊሲ ዔቂሴሢያ ዖ ዓያናዳይ?» ጌዔኔ።

ዼኤፖ ባዞኮ ዴማ ዓኣዖ

ሚርጌና ዒጊጪሢዳ ዓኣኔ።

ፆኦሲ ቤርታ ፔጋኣኬ፤

ዓይጎ ባኣዚያ ዬያ ዓኣቻኒ ዳንዳዑዋሴ።

ጉሮ ዢባሮይዳ ሂኢሤኔ፤

ዬያጉዲ ሃሣ ሳዖዋ ዢባራ ሱፄኔ።

ዬይ ዋኣፃ ዴኤፂ ሻኣሮ ዳርዙዋሴ።

ዼኤፖ ባዞ ዋኣፆኮ ቤርቶይዳ

ጫሪንጮና ሳዖና ካኣማያ ማላ ቤዞዋ ዛጲ ማሂ ሂኢሤኔ።

ጫሪንጮኮ ቱርቱራ ዲቃቲፆና ዓጊፃኔ።

ፔኤኮ ዔራቶናኣ ሬዓቤ ጌይንታ

ዼኤፖ ቦዓሢ ዎዺ ባይዛኔ።

ፔ ኩጮና ዶርቢንታ ሾኦዣሢያ ጫርጋኔ።

ኑ ዋይዛሢ ዒዛኮ ካሽካሺፆ ሌሊኬ፤

ዒዛኮ ዎልቆ ጉጉንሢፆ ዖኦኒ ማሊ ጶቂሣኒ ዳንዳዓይ?» ጌይ ማሄኔ።

<- ዒዮቤ ማፃኣፖ 25ዒዮቤ ማፃኣፖ 27 ->