18
ቢልዳዴ
1 ሹሃ ዓጮ ዓሢ፥ ቢልዳዴ ሂዚ ጌይ ማሄኔ፦
2 «ዔዞ ዒዮቤ! ዓይጎሮ ሃያጉዴ ጌኤሲ ኔ ሚርጊሻይ?
ሂንዳ ኮሺ ዋይዜ፤ ኑዋ ጌስቶም።
3 ዓይጎሮ ኔ ኑና ቆልሞ ማሂ ፓይዳይ?
ሃሣ ዓይጋ ኔ ኑና ዋይዚ ባይቄያ
ማሉዋ ዓሲ ማሂ ዛጋይ?
4 ኔኤኒ ዻጋዼቴ ኔና ኔ ባይዛንዳፓዓቴም
ኔ ዻጎና ሳዓ ዓጊፃዓኬ፤
ጊንሣ ሃሣ ላላኣ ዓኣ ቤዛፓ ዶጫዓኬ።»
5 «ጎሞ ዓሶኮ ፖዓ ባይቃንዳኔ፤
ታማ ዔኤታሢያ ላሚ ጴዻዓኬ።
6 ዔያቶኮ ማኣሮይዳ ዓኣ ፖዓ ሃይቃንዳኔ፤
ዬይ ፖዓ ዹማንዳኔ። ዒዮ. 21፡17።
7 ዔያታ ዶዲ ሄርቂ ታኣኪ ሃንታ ሃንቲፃ
ኬዲ ኬዲ ሙካንዳኔ፤
ዔያቶኮ ጌኖ ቱኡዛኣ ዔያቶ ዔኪ ኬኤራንዳኔ።
8 ፔ ሃንቲፆና ዔያታ ፒሮይዳ ጌላንዳኔ፤
ዔያቶኮ ቶካኣ ሱዞና ቡኡዲንታንዳኔ።
9 ቡኡዶ ፒራሢ ዔያቶኮ ቶኮ ዓርቃንዳኔ፤
ዶንቂ ዓርቃ ፒራሢያ ካራ ባይዚ ዔያቶ ዓርቃንዳኔ።
10 ሳዖይዳ ዔያቶም ቡኡዶ ፒራ ፒሪንቴኔ፤
ጎይፆይዳ ዔያቶም ፒራ ጊኢጊንቴኔ።»
11 «ኮይሎ ዔያቶኮ ዒጊቻ ባኣዚ ማንጌኔ፤
ጊንፆ ዓኣዺ ዓኣዺ ዬይ ዔያቶ ዳውሳኔ።
12 ዎልቃ ዔያቶኮ ናዮና ጋፔኔ፤
ባይዛ ባካ ዔያቶ ባይዛኒ ጊኢጌኔ።
13 ዶርዓሢ ዑፆ ዔያቶኮ ዖኦፒሴኔ፤
ሃይቢ ጋፒንሢ ዔያቶ ዔካንዳኔ።
14 ሂርጋባኣያ ጉሙርቂ ናንጋ ማኣራፓ
ዔያታ ዳውሲንታንዳኔ፤
ዓሲ ቢያ ዎይሣያ ማዔ ሃይቢ ባንሢ ዔያታ ዔውታኔ።
15 ዔያቶኮ ማኣሮይዳ ዓይጎ ባኣዚያ ዔያቶም ዓታዓኬ፤
ዔያታ ናንጋ ማኣሮይዳ ታሚ ሙርቁንሢ ዋሂንታንዳኔ።
16 ፃጳ ካራፓ ሜላያ፤
ካኣፖ ዒላዣኣ ዲኢና ሚሢጉዲ ዔያታ ማዓንዳኔ።
17 ሳዖይዳ ዔያቶ ማሊ ጶቂሣንዳ ዓሲ ጴዺንዱዋሴ።
ዔያቶኮ ዔርቴ ሱንፃ ዓጫፓ ባይቃንዳኔ።
18 ፖዓፓ ዹሞ ባንሢ ዔያታ ዳውሲንታንዳኔ፤
ዓሳ ናንጋ ዓጫፓኣ ዔያታ ባይቃንዳኔ።
19 ዔያቶኮ ዒጊኖ ባኣኮይዳ ዔያቶ ዻካላያ ማዓ
ሾይንቲ ዔያቶም ጴዻዓኬ፤
ዔያቶኮ ማኣሮይዳ ዜርሢ ዓታዓኬ።
20 ዓባ ጌላ ዛሎንታ ኬስካ ባንፆንታይዳ ዓኣ ዓሳ
ዔያቶይዳ ሄሌ ሜታሢና ዒጊጪ ጎጋይቄኔ።
21 ዓይዲ ማዔቴያ ፑርታ ዓሲኮ ጋፒንፃ ያዺኬ፤