ዻቂንታ ዔኤታ ኩሻጉዲ ፖዒሳንዳያ ሄላንዳኣና

ታኣኒ ፂዮኔ ዛሎ ዚቲ ጋዓዓኬ፤

ዬሩሳላሜ ዛሎዋ ማሊፆ ሃሺ ሃውሻዓኬ።

ናንጊና ናንጋ ጎዳ ኔኤም ጌሣ ዓኮ ሱንፆና ኔኤኒ ዔኤሊንታንዳኔ።

ካኣታ ቶኦካ ዓጋ ቦንቾ ባኮጉዲ ማዓንዳኔ።

ሳዓኣ ኔኤኮ «ጉሪ ቤሲ» ጌይንቲንዱዋሴ፤

ኔኤኒ ዔኤሊንታንዳ ዓኮ ሱንፃ፦

«ናንጊና ናንጋ ጎዳ ኔኤና ዎዛዻኔ» ጌይንታያ ማዓንዳኔ፤

ሳዔላኣ ኔኤኮ «ዓኒ ዓኣያ» ጌይንታንዳኔ፤

ናንጊና ናንጋ ጎዳ ኔኤና ዎዛዻንዳኔ፤

ሳዔላ ኔኤኮ ዓኒ ዓኣ ላኣሊጉዲ ማዓንዳኔ።

ኔኤኮ ናኣታ ኔና ዔካንዳኔ፤

ሮኦሮንታ ዋኣንቶንታ ፔቴታዖ ዔያታ ዚቲ ጋዓዓኬ፤

ዒንሢ ናንጊና ናንጋ ጎዳ ሺኢቃዞንሢ

ሃውሺ ዚቲ ጌይፖቴ።

ዓጮ ቢያይዳ ዔርቴ ካታማ ዒዞ ዒ ማሃንዳያ ሄላንዳኣና

ሃውሹዋዖ ዒዛም ኬኤዙዋቴ።

«ሃካፓ ሴካ ሃኣኮ ኔኤኮ ሞርካ ሙዓንዳጉዲ ታ ዒንጋዓኬ፤

ኔኤኒ ላቤ ዎይኖ ዑዦ ኔኤኮ ሜሌ ዓጫፓ ሙኬ ዓሳ

ዑሽካንዳጉዲ ታ ማሃዓኬ።

ታና ናንጊና ናንጋ ጎዳ ጋላታንዳኔ፤

ዎይኖ ቲቂ ዔኪ ኮሼ ዎይኖ ዑዦ ዔያታ ፔኤሮ

ዓሳ ቡካ፥ ታኣም ዱማዼ ጶኦካ ዑሽካንዳኔ።

ዓሶም ጎይፆ ጊኢጊሹዋቴ፤

ዳልጎ ጎይፆዋ ኮሹዋቴ፤

ሹጮዋ ቡጊ ኬሱዋቴ፤

ባንዴሮዋ ዴሮም ዼጊዲ ሱፁዋቴ።»

«ዓውሳሢ ኔኤኮ ሙካኔ፤

ማዼሢ ዛሎ ዓሶም ዒዚ ጪጋንዳያና ዒንጋንዳ ባኮ ዔኪ ዬዓኔ

ጌዒ ፂዮኔ ዉዱሮ ናዔሎም ኬኤዙዋቴ» ጌዔኔ።

ናንጊና ናንጋ ጎዳ ዓውሴዞንሢ» ጌይንታንዳኔ፤

ኔኤኒ ኮይንታያ፥ ሃካፓ ሴካ ሃሺንቱዋ ካታማ ጌይንታንዳኔ።

<- ዒሲያሴ ማፃኣፖ 61ዒሲያሴ ማፃኣፖ 63 ->