2 ዬኖ ኬሎና ናንጊና ናንጋ ጎዳ ዓጬሎይዳ ዓኣ ቱኮና ሚፆ ካኣፖኮ ዋዻ ሚዛጴያና ቦንቺንቴያ ማሃንዳኔ፤ ዒስራዔኤሌ ፃጶኮ ባይሲንታፓ ዓቴዞንሢ ቢያ ሳዔላ ካሣ ሃኣኮና ዎዛዺ ዖቶርቃንዳኔ። 3 ዬሩሳላሜይዳ ፒኢጫዺ ዓቴዞንሢና ዒኢካ ናንጋንዳጉዲ ዓይሦናዞንሢ ዖኦሲም ዱማዼ ዴሬ ጌይንቲ ዔኤሊንታንዳኔ። 4 ዬሩሳላሜኮ ዒኢቲፆ ሻቲንሣንዳኔ፤ ዒ ዎጋ ዎጎና ታሞጉዲ ሚቻ ፔኤኮ ዓያኖ ዎልቆና ዓሲ ዎዺሢ ዒዞ ባኣካፓ ባይዛንዳኔ። 5 ዬካፓ ናንጊና ናንጋ ጎዳ ካታሞ ጉቤና፥ ዒኢካ ቡኪንታ ቢያሢዳ ሮኦሮና ዹሜ ሻኣሬ፥ ዋኣንቶና ታሚ ሎስቶ ፖዒ ዳካንዳኔ። ፆኦሲኮ ቦንቻ ካታሜሎ ዼኤፒ ዓፒላፓ ኮሾና ማኣሪጉዲ ካንቂ ካፓንዳኔ። ኬሲ. ማፃ 13፡21፤ 24፡16። 6 ዒዛኮ ቦንቻ ካታሜሎ ሮኦሮና ዓባ ሚቻሢዳፓ ሺባንዳኔ፤ ሃሣ ዒርዚና ጉዶ ዢባሬናይዳፓ ቶሊ ዓቶ ቤሲ ማዓንዳኔ።

<- ዒሲያሴ ማፃኣፖ 3ዒሲያሴ ማፃኣፖ 5 ->