1 ዬካፓ ዬሱሴ፦ «ጫሪንጮ ካኣቱማ ፔኤኮ ዎይኖ ጎዦ ጎሽኪሳኒ ጎሽካ ዓሶ ኮዒ ጉቴ'' ዓሚ'' ኬስኬ ዓሲ ማላኔ፤ 2 ዒዚ ፔቴ'' ፔቴ'' ዓሶም ፔቴ'' ፔኤሺኮ ፔቴ'' ኬሊ'' ማዻዛ ዒንጎ ሚኢሾ ጪጋኒ ዓሶና ጌስቲ ጊኢጊ ጎዦ ቤዞ ዓሶ ዳኬኔ» ጌዔኔ። 3 ዬሱሴ ኬኤዛዖ፦ «ዬይ ዓሢ ጉቴ'' ሶኦፓ ዎዴኮ ቤርታ ቦኦኮ'' ቤዞ ኬስኪ ማዾ ባይቄም ዔቂ ዓኣ ዓሲ ዴንቂ፥ 4 ‹ዒንሢ ታኣኮ ዎይኖ ጎዦይዳ ዴንዲ ማዹዋቴ፤ ታ ዒንሢም ኮይሳሢጉዲ ጪጋንዳኔ› ጋዓዛ፥ 5 ዔያታ ዓኣዼኔ። ሃሣ ዓባ'' ሳዛ ሄላ''ኣና ጊንሣ ማሢ ዶምቦልሳ ዎዴ ማዓኣና ኬስኪ ሜሌ'' ማዻንዳ ዓሲ ዴንቄኔ። 6 ዬካፓ ዓባ'' ዒባናኣና ኬስኪ ማዾ ባይቄም ዔቂ ዓኣ ሜሌ'' ዓሲ ዴንቃዖ፥ ‹ማዾ ባኣያ ሃይካ ዒንሢ ዓይጋ ዔቂ ፔኤቃይ?› ጌዒ ዖኦጫዛ፥ 7 ዔያታ ማሃዖ ‹ኑና ማዺሻኒ ጋዓ ዓሲ ባይቄሢሮኬ› ጌዔኔ፤ ዓሢ ዬያ ዋይዛዖ ‹ዒንሢያ ዓኣዺ ታኣኮ ዎይኖ ጎዦይዳ ማዹዋቴ› ጌዔኔ።

8 «ዬካፓ ሳዓ ዓማዛ ጎዦ ዓዳሢ ማዻ ዓሶኮ ሱኡጋሢም ‹ጋፒንፃ ሙኬዞንሢዳፓ ዓርቃዖ ቤርታ ሙኬ ዓሶ ሄላ''ንዳኣና ማዾ'' ዓሶ ቢያ ዔኤሊ'' ዔያታ ማዼሢ ዛሎ'' ዔያቶም ጪጌ› ጌዔኔ። [a] 9 ዒማ''ና ዓባ'' ዒባናኣና ማዻኒ ሙኬ ዓሶንሢ ሚኢሾ ጪጋሢ ኮይላ''ፓ ፔቴ'' ኬሊ'' ማዼም ዒንጎ ሚኢሾ ዔኬኔ። 10 ቤርታ ማዾ'' ዓርቄዞንሢ ዒማ''ና ባሼ ኑም ጪጎንዶኔ ጌዒ ማሌኔ፤ ጋዓንቴ ዔያቶማኣ ፔቴ'' ኬሊ'' ማዼም ዒንጎ ሚኢሻ ዒንጊንቴኔ። 11 ጪጎና ሚኢሾ ዔያታ ዔካዖ ጉንዱሚሢና ጎዦ ዓዶ ኮራ፦ 12 ‹ሃንሢ ዓባ'' ዒባናንቴ ማዾ''ሮ ሙኬዞንሢ ዻካ'' ሌሊ ማዻዛ ሮኦሪ ማዾ''ና ላቢ''ንቲ ዓቦ'' ሩኡጳ ሜታዺ ፔኤቄ ዓሶ፥ ኑኡና ዎላ'' ሄኮ ዎይቲ ኔ ዔያቶም ጪጋይ?› ጌዔኔ።

13 «ጎዦ ዓዴ ዬያ ማዻሢ ኮራ ‹ታ ዒሻሢዮ፥ ታ ፑርታ ኔኤም ማዺባኣሴ፤ ፔቴ'' ኬሊ'' ማዼም ጪጎ ሚኢሾም ማዻኒ ኔ ታኣና ዎላ'' ጌስቲ ጊኢጊባኣዓዳ? 14 ሃኣዛጌ፤ ኔኤሮማ ዔኪ ዓኣዼ፤ ኔኤም ታ ዒንጌሢጉዴያ ጋፒንፃ ሙኬ ዓሢማኣ ታ ዒንጋኒ ኮዓኔ። 15 ታኣኒ ታ ሚኢሾና ኮዔ ባኣዚ'' ማዻኒ ዳንዳዑዋዓዳ? ጊንሣ ሃሣ ሚጪንታያ ታ ማዔሢሮ ኔና ቂኢሪሻ?›

16 «ዬያሮ ቤርታ ማዔ፥ ጎኦቦ'' ማላ ሚርጌ ዓሳ ጊንሢም፤ ጊንፃ ዓቴ'' ላቤ''ያ ማላ ሚርጌ ዓሳ ቤርቲም ማዓንዳኔ» ጌዔኔ። [b]

ዒዛ፦ «ኔ ካኣቱሞ ቤዛ ሃንሢ ታኣኮ ላምዖ ናኣቶ''ንሢ፦ ፔቴ''ሢ ኔኤኮ ሚዛቃ፥ ፔቴ''ሢ ኔኤኮ ሻውሎ'' ዛላ'' ኔኤና ዎላ'' ዎይሣያ ማዓንዳዳጉዲ ማሂ ዴይሤ!» ጌዔኔ።

22 ዬሱሴ ጋዓንቴ፦ «ዓይጎ ሺኢቆንዶቴያ ዒንሢ ዔሩዋሴ፤ ታኣኒ ሃሢ ዑኬ ዔካንዳ ሜታሢ ዒንሢ ዔካኒ ዳንዳዓ? ሃሣ ታ ጌላንዳ ሜታስካ ዒንሢ ጌላኒ ዳንዳዓንዳ?» ጋዓዛ፥ ዔያታኣ፦ «ሂዮ፤ ኑ ዳንዳዓንዳኔ» ጌዔኔ።

23 ዬካፓ ዬሱሴ፦ «ጎኔ ዒንሢ ታ ዔካንዳ ሜታሢ ዔካንዳኔ፤ ጋዓንቴ ታኣኮ ሚዛቆና ሻውሎ''ናይዳ ዴዒ ታኣና ዎላ'' ዎይሣንዳጉዲ ማሃሢ ታናቱዋሴ፤ ዬይ ቤዛ ዒንጊንታሢ ታ ዓዴ ጊኢጊሼዞንሢምኬ» ጌዔኔ።

24 ዬማ''ና ዓቴ'' ታጶ ዒዛኮ ጊንፆ ሃንታዞንሢ ዬያ ዋይዜ ዎዶ''ና ላምዖንሢ ዑፃ ጎሪ''ንቴኔ። 25 ዬሱሴ ጋዓንቴ ቢያሢ ፔ ባንሢ ዔኤላ''ዖ፦ «ዓይሁዴ ማዒባኣ ዓሶኮ ሱኡጎንሢ ዴሮ'' ዎይሣዞንሢኬ፤ ዬያጉዲ ዴሮ'' ሱኡጎንሢኮ ዴሮ'' ዑፃ ቢታንቶ ዓኣሢ ዒንሢ ዔራኔ። 26 ዒንሢ ባኣካ'' ጋዓንቴ ያዺ ማዓንዳያ ኮይሱዋሴ፤ ዒንሢዳፓ ባሼ ማዓኒ ኮዓሢ ዒንሢኮ ዴማ'' ማዻያ ማዖንጎ። [c] 27 ዒንሢዳፓ ዑፃ ማዓኒ ኮዓሢ ዒንሢኮ ዴማ'' ዓይሌ'' ማዖንጎ። [d] 28 ዓሲኮ ናዓሢ ዓሲ ዒዛም ማዻንዳጉዲቱዋንቴ፥ ዓሲም ማዻኒና ሼምፓሢ ፔኤሲ'' ሚርጌ ዓሶ ዛሎ'' ባይዛኒ ሙኬኔ» ጌዔኔ።