1 ጎዳ ዬካፓ ሜሌ'' ላንካይታሚ'' ላምዖ [a] ዓሲ ዶኦሪ፥ ዒዚ ዴንዳኒ ማላ ካታሞና ቤዞና ቢያ ዔያታ ቤርታዺ ዓኣዻንዳጉዲ ላምዖ ላምዖ ማሂ ዳኬኔ። 2 ሂዚያ ዔያቶም ጌዔኔ፦ «ቡኩሶንዶ ሃኣካ ሚርጌኬ፥ ሃኣኮ ቡኩሳ ዓሳ ጋዓንቴ ዻካ''ኬ፤ ዬያሮ ሃኣኮኮ ዓዴ ሃኣኮ ቡኩሶ'' ማዾ''ም ቃሲ'' ሜሌ'' ማዻ ዓሲ ዳካንዳጉዲ ሺኢቁዋቴ። [b] 3 ዓካሪ ዓኣዹዋቴ፥ ታ ዒንሢ ማራይጉዲ ያኣያሢ ባኣኮ'' ዳካኔ፤ [c] 4 ዒንሢ ጎይፆኮ ዓይጎ ባኣዚ''ያ ዓርቂፖቴ፤ ሚኢሼ ዓጎ ቡራሻ፥ ጋላ ዓርቆ ሉካ'' ማዔቶ ሃሣ ዱርሲ ማዔቶዋ ዔኪፖቴ፤ ዓሲና ዎላ'' ጎይፃ ካኣማዖ ዔኤሊ''ሢና ናጊፖቴ። [d] 5 ዒንሢ ጌላ ማኣራ ቢያ ቤርታዺ ‹ማኣሪ ዓሲዮ፥ ኮሹሞ ሃኖ' ማኣሮም ማዖም› ጎዑዋቴ፤ 6 ኮሹሞ ናሽካ ዓሲ ዬኖ ማኣራ ዓኣቴ ዒንሢ ጌዔ ኮሹማ ዔያቶም ማዓንዳኔ፤ ያዺ ማዒባኣያታቶ ዒንሢ ጌዔ ኮሹማ ጊንሣ ዒንሢም ማዓንዳኔ። 7 ማዾ'' ማዻ ዓሲም ማዻ ዛሎ'' ዒንጎ ባኣዚ'' ኮይሳኔ፤ ዬያሮ ዒንሢ ጌሌ ማኣሮይዳ ዒንሢም ሺኢሾና ባኮ ሙዒ ሙዒ ሃሣ ዑሽኪ ዑሽኪ ዒኢካ ዴዑዋቴ፤ ዬኖ ማኣራፓ ሜሌ'' ማኣሪ ሃንቲ ሃንቲ ሺሪፖቴ። [e] 8 ዎኖ ካታሞዋ ዒንሢ ጌላኣና ዓሳ ዒንሢ ሾኦጫሲ ዔካዖ ዒንጋ ባኮ ሙዑዋቴ። 9 ዬኖ ካታሜሎይዳ ዓኣ ሃርጊንቴ ዓሶ ፓሡዋቴ፤ ዴሮ''ማኣ ‹ፆኦሲ ካኣቱማ ዒንሢ ባንሢ ዑኬኔ› ጌዒ ኬኤዙዋቴ። 10 ጋዓንቴ ዎኖ ካታሞዋ ዒንሢ ጌላኣና ዓሳ ዒንሢ ዔኩዋያ ማዔቶ ካታሜሎኮ ዙሎ'' ኬስኪጋፓ፦ 11 ‹ሃይሾ፥ ኑኡኮ ቶካ'' ዓኣ ሃኖ' ካታሜሎ ሲላሎ ኑ ዒንሢም ፒፃ''ኔ፤ ጋዓንቴ ፆኦሲ ካኣቱማ ዒንሢ ባንሢ ዑኬሢ ዔሩዋቴ› ዔያቶም ጎዑዋቴ። [f] 12 ጋፒንፆ ዎዶ''ና ፆኦሲ ዬኖ ካታሜሎም ዒንጋንዳ ዎጋ'' ቤርታ ሶዶሜ ካታሞ ሄሌ''ስካፓ ባሼ ማዓንዳኔ ታ ዒንሢም ጋዓኔ» ጌዔኔ። [g]

17 ላንካይታሚ'' ላምዖ ጊንፆ ሃንታዞንሢ ዳኪንቴ ቤዛፓ ሚርጌ ዎዛና ዬሱሴ ባንሢ ማዒ ሙካዖ፦ «ጎዳሢዮ! ኔ ሱንፆና ፑርቶ ዓያና'' ኑም ዓይሢንቲናኣኮቲ» ጌዔኔ።

18 ዬሱሴ ዔያቶም፦ «ፃላሄ ዜኤሊንሢጉዲ ጫሪንጫፓ ኬዳ''ንቴ ታ ዛጌኔ፤ 19 ዬያሮ ዒንሢ ሾኦዦና ኮርናሢና ሄ'ርቃንዳጉዲ፥ ዒንሢ ሞርኮ ዒንሢ ባሻንዳጉዲ ቢታንቶ ዒንሢም ታ ዒንጌኔ፤ ዒንሢ ሄላ''ንዳ ባኣዚ'' ፔቴ''ታዖ ባኣሴ። [k] 20 ጋዓንቴ ፑርቶ ዓያና'' ዒንሢም ዓይሢንቴሢሮ ዒንሢ ዎዛዻሢፓ ባሼ ሱንፃ ዒንሢኮ ጫሪንጮ ማኣራ ፃኣፒንቴም ፆኦሲ ዓሶ ባኣካ'' ዒንሢ ማዔሢሮ ዎዛዹዋቴ» ጌዔኔ።

25 ፔቴ'' ኬሊ'' ሙሴ ዔርዜ ዎጎ ዔርዛ ፔቴ'' ዓሲስኬይ ዬሱሴ ኮራ ሙካዖ ዒ ዎዚ ጋዓቴያ ዛጋኒ ኮዒ፦ «ዔርዛሢዮ! ናንጊና ናንጊ ዴንቃኒ ዓይጌንዴ ማዻንዳያ ታና ኮይሳይ?» ጌይ ዒዛ ዖኦጫዛ፥ [m] 26 ዬሱሴ ማሃዖ፦ «ሙሴ ዔርዜ ዎጎይዳ ዓይጌ ፃኣፒንቴይ? ኔ ናባባዛ ዎዚ ጋዓይ?» ዒዛም ጌዔኔ።

27 ዓሢ ማሃዖ፦ «ዎጋ'' ‹ፆኦሲ ኔ ጎዳሢ ጉቤ ዒናፓ፥ ጉቤ ሼምፓፓ፥ ጉቤ ዎልቃፓ፥ ጉቤ ማሊፃፓ ናሽኬ› ዬያጉዲ ሃሣ ‹ኔ ዓሺኖ ዓዳ'' ኔና ማሂ ናሽኬ› ጋዓኔ» ጌዔኔ። [n]

28 ዬሱሴያ ፒዜ ኔ ማሄኔ፤ «ዓካሪ ኔኤኒ ዬኖ ጎይፆ ማዼ፤ ናንጊና ናንጊያ ኔ ዴንቃንዳኔ» ጌዔኔ። [o]

29 ዎጎ ዔርዛሢ ጋዓንቴ ፔና ጌኤሺ ዓሲ ማሃኒ ኮዓዖ፦ «ያዺ ማዔቶ ታኣኮ ዓሺናሢ ዖናዳይ?» ጌይ ዖኦጬኔ።

30 ዬሱሴ ዒዛም ማሃዖ፦ «ፔቴ'' ዓሲ ዬሩሳላሜፓ ዒያርኮ ኬዳ''ንቴ ጎይፆይዳ ሱላ ዒዛ ዴንቂ ዓፒሎ ዒዛኮ ቡሪ ዔኪ ጳርቄሢኮ ጊንፃ ሃይቃኒ ሳዛ ጋሽካንቴ ሃሺ'' ዓኣዼኔ። 31 ዒዛ ቶኪጉዲ ፔቴ'' ቄኤሴስኬይ ዬኖ ጎይፄሎና ዓኣዺቤቃ ጳዺንቲ ላቢ''፥ ላሂ ዓኣ ዓሢ ዴንቄያታዖ ዚቲ ጌዒ ዒዛኮ ኮርሳ ዓኣዼኔ። 32 ዬያጉዲ ሃሣ ቄኤሶ ፃጳፓ ማዔ ሌዊ ዜርሢስኬይ ዬኖ ጎይፆና ዓኣዺቤቃ ዬያ ዓሢ ዴንቄዖ ኮርሳ ዚቲ ጌዒ ዴንዴኔ። 33 ፔቴ'' ሳማሪያ ዓጪ ዓሲስኬያ ዬኖ ጎይፆና ዓኣዺቤቃ ጳዺንቴ ዓሢ ዴንቂ ሚጪንታዖ፥ 34 ዓሢ ኮይላ'' ሙኪ ዛይቴ ቲሺና ዎይኔፓ ኮሾ''ና ዑሺና ኪፆይዳ ዓሢኮ ዋሂ ቱርጫና ማሪ ቱኬ''ሢኮ ጊንፃ ፔ ሃሮ'' ቶጊሲ ፔቴ'' ሾኦቺ ዎርቃ ማኣሪ ዔኪ ዓኣዼኔ፥ ዒኢካ ዒዛ ዒ ኮሺ'' ዛጊ ማይሤኔ፤ [p] 35 ዚሮ ጉቴ''ሎ ፔቴ'' ዓሲ ላምዖ ኬሊ'' ማዾ ማዼም ጪጎንዶ ቢራጉዴያ ኬሲ'' ዬኖ ሾኦጮ ዎይሣ ማኣሮኮ ዓዶም ዒንጋዖ ‹ሃያ ዓሢ ታኣም ኮሺ'' ዛጊ ማይሤ፤ ጊዳ'' ቃሲ'' ኔ ዒዛ ዛሎ'' ጪጌ ባኣዚ'' ዓኣቶ ታ ማዒ ሙካዖ ኔኤም ማሂ ጪጋንዳኔ› ጌዔኔ።

36 «ዓካሪ ዬንሢ ሃይሦንሢዳፓ ሱሎ''ና ጳዺንቴ ዓሢም ዓሺኖ ማዔሢ ዎያ ኔኤም ማላይ?» ጌዔኔ።

37 ዎጎ ዔርዛሢ «ዬያ ዒዛ ሚጪንቲ ማኣዴ''ሢሾ!» ጌዒ ማሃዛ፥ ዬሱሴ ማሃዖ፦ «ሂዴቶ ኔኤኒያ ዒማ ጎይፆ ማዼ» ጌዔኔ።

38 ዬሱሴ ዒዛኮ ጊንፆ ሃንታዞንሢና ዎላ'' ጎይሢ ዓኣዺ ፔቴ'' ጉርዳስኬኖ ሄላ''ዛ ዒኢካ ማርታ ፔ ማኣራ ዒዛ ሾኦቺንሢ ዔኬኔ፤ 39 ዒዞኮ ማይራሞ ጌይንታ ጌራ ዓኣኔ፤ ዒማ''ና ዬና ማይራማ ዬሱሴኮ ቶኮ'' ዴማ'' ዴዒ ዒዛኮ ጌኤዞ ዋይዛኔ። [q] 40 ማርታ ጋዓንቴ ሙዖ ጊኢጊሺፆና ሚርጌ ላባ''ዖ፥ ዬሱሴ ባንሢ ሙኪ፦ «ጎዳሢዮ! ሃና'' ታ ጌኤዳ ቢያ ማዾ'' ታኣም ሃሼ''ም ታኣኒ ታኣሮ ሌሊ ላባ''ሢ ኔ ዛጋዖ ዚቲ ጋዓ? ሃዳራ ታና ዒዛ ማኣዳ''ንዳጉዲ ዒዞም ኬኤዜቴራ» ጌዔኔ።

41 ጎዳ ዬሱሴ ጋዓንቴ ማሃዖ፦ «ማርታ! ኔኤኒ ሚርጌ ባኣዚ''ና ሜታዺ ጳሽኪ ሺራኔ፤ 42 ጋዓንቴ ኮይሳሢ ፔቴ'' ባኣዚ'' ሌሊኬ፤ ማይራማ ኮዦ ባኮማ ዶኦሬኔ፤ ዬማ ዒዞይዳፓ ዔካንዳያ ባኣሴ» ጌዔኔ።

<- ሉቃሴ 9ሉቃሴ 11 ->