1 Tenged te subra he kelised nengumew a ziyan te kenikew, Nengazen.

2 Pemineǥa nu is kebpehizuhizu ku kenikew.

3 Nengazen, ke và nu zà inlista is menge salè dey, ne hentei zà buwa is egkesamà diyan te etuvangan nu?

4 Piru mibpesaylu key kenikew, umbe edtehuzen dey sikew.

5 Edtaǥad a iyan kenikew, Nengazen,

wey edsarig a te lalag nu.

6 Edtaǥad a kenikew, Nengazen,

lavew pa te kedtaǥad te perevantey te kebmeselem.

7 Menge tig-Israel, sarig kew te Nengazen,

su veliǥeǥawen sikandin, ne layun sikandin andam te kedluwas.

8 Iyan sikandin edluwas keniyu te langun he menge salè niw.

<- Menge Salmo 129Menge Salmo 131 ->