നിന്റെ പ്രിയൻ എവിടെപ്പോയിരിക്കുന്നു?

അവനെ തെരയാൻ നിന്നോടൊപ്പം ഞങ്ങളും ചേരട്ടെയോ?

സുഗന്ധസസ്യങ്ങളുടെ തടങ്ങളിലേക്കുതന്നെ പോയിരിക്കുന്നു,

ശോശന്നപ്പുഷ്പം ശേഖരിക്കുന്നതിനും പോയിരിക്കുന്നു.

അവൻ ശോശന്നച്ചെടികൾക്കിടയിൽ മന്ദംമന്ദം നടക്കുന്നു.*അഥവാ, ആട്ടിൻപറ്റത്തെ മേയിക്കുന്നു

ജെറുശലേംപോലെ സൗന്ദര്യവതി,

കൊടികളേന്തിയ സൈന്യംപോലെ രാജപ്രൗഢിയാർന്നവൾ.

അവയെന്നെ കീഴടക്കുന്നു.

കോലാട്ടിൻപറ്റംപോലെയാണ് നിന്റെ കാർകൂന്തൽ.

ആട്ടിൻപറ്റംപോലെയാണ് നിന്റെ പല്ലുകൾ.

ഒന്നും ഒറ്റയായി കാണപ്പെടുന്നില്ല.

മാതളപ്പഴത്തിന്റെ പകുതിപോലെയാണ്.

എൺപതു വെപ്പാട്ടികളും

അസംഖ്യം കന്യകമാരും അവിടെയുണ്ടല്ലോ;

അവളുടെ അമ്മയ്ക്ക് ഏകപുത്രിയായവൾ,

അവളെ ചുമന്നവൾക്കേറ്റം പ്രിയങ്കരിതന്നെ.

രാജ്ഞിമാരും വെപ്പാട്ടികളും അവളെ പുകഴ്ത്തി.

ചന്ദ്രികപോലെ സുമുഖി, സൂര്യനെപ്പോലെ പ്രഭാവതി,

താരഗണങ്ങൾപോലെ പ്രസന്നവതി.

താഴ്വരയിലെ പുതുമുകുളങ്ങൾ കാണാൻ,

മാതളനാരകം പൂത്തുലഞ്ഞോ എന്നും നോക്കുന്നതിനായിത്തന്നെ.

എന്റെ അഭിലാഷം എന്നെ എന്റെ ജനത്തിന്റെ രാജകീയ രഥവ്യൂഹത്തിലേക്കെത്തിച്ചു.†അഥവാ, അമ്മീനാദാബിന്റെ രഥവ്യൂഹത്തിലേക്ക്; അഥവാ, പ്രഭുക്കന്മാരുടെ രഥവ്യൂഹത്തിലേക്ക്.

മടങ്ങിവരിക മടങ്ങിവരിക, ഞങ്ങൾ നിന്നെയൊന്നു കണ്ടുകൊള്ളട്ടെ!

ശൂലേംകാരിയെ നിങ്ങൾ എന്തിനു മിഴിച്ചുനോക്കുന്നു?‡ഈ വാക്യത്തിന്റെ അർഥം വ്യക്തമല്ല.