1 യഹോവ വാഴുന്നു; അവിടുന്ന് മഹിമ ധരിച്ചിരിക്കുന്നു;

യഹോവ ശക്തികൊണ്ട് അര മുറുക്കിയിരിക്കുന്നു.

ഭൂലോകം ഇളകാതെ ഉറച്ചുനില്ക്കുന്നു.

2 അങ്ങയുടെ സിംഹാസനം പുരാതനമേ സ്ഥാപിക്കപ്പെട്ടിരിക്കുന്നു;

അങ്ങ് അനാദിയായുള്ളവൻ തന്നെ.

3 യഹോവേ, പ്രവാഹങ്ങൾ ഉയർത്തുന്നു;

പ്രവാഹങ്ങൾ ശബ്ദം ഉയർത്തുന്നു;

പ്രവാഹങ്ങൾ തിരമാലകൾ ഉയർത്തുന്നു.

4 സമുദ്രത്തിലെ വൻതിരകളുടെ ശബ്ദത്തെക്കാളും പെരുവെള്ളങ്ങളുടെ മുഴക്കത്തെക്കാളും

ഉയരത്തിൽ യഹോവ മഹിമയുള്ളവൻ.

5 അങ്ങയുടെ സാക്ഷ്യങ്ങൾ എത്രയും ഉറപ്പുള്ളവ;

യഹോവേ, വിശുദ്ധി അങ്ങയുടെ ആലയത്തെ എന്നേക്കും അലങ്കരിക്കുന്നു.

<- സങ്കീർത്തനങ്ങൾ 92സങ്കീർത്തനങ്ങൾ 94 ->