Link to home pageLanguagesLink to all Bible versions on this site
Zaburi 70
Kuom jatend wer. Kwayo mar Daudi.
1 Ret piyo mondo iresa, yaye Nyasaye;
bi piyo mondo ikonya, yaye Jehova Nyasaye.
 
2 Mad joma dwaro ngimana
yud wichkuot kendo pachgi lal;
mad ji duto ma gombona hinyruok
dog kuma giaye ka giyudo achaya.
3 Mad joma wachona niya, “Haa! Haa!”
Dog kuma giaye ka wichkuot omakogi.
4 To mad ji duto madwari
bed moil kendo mamor kuomi;
mad joma ohero warruok mari osik kawacho niya,
“Jehova Nyasaye mondo oyud duongʼ!”
 
5 Adhier kendo achando;
bi ira piyo, yaye Nyasaye.
In e konyruokna kendo jaresna;
kik ideki, yaye Jehova Nyasaye.

<- Zaburi 69Zaburi 71 ->
  • Zaburi