17 इङ्गाॽ निःसुङ्बा सुफोओ अन्हाॽ नु अन् के़युक्पाहाॽ अक्तङ्बा मे़जोगे़–खे़ङ्हाॽरे़ खुनिॽ सङ्बेॽ से़ःप्चाङ्ङिन् मि हे़क्के हे़ःत्ताङ्बा, कुभिङ्लुङ् हे़क्के फिङ्दाङ्बा नु कान्धाक् हे़क्के अम्दाङ्बा चोगे़रो॥ हे़क्क्याङ् अन्हाॽरे़ खुनिॽ थे़गेःक्पाङ्ग थे़रिङ्बाल्ले़न् कुइसिःक् चोगे़, हे़क्क्याङ् खे़ङ्हाॽरे़ खुनिॽ मुराओलाम् मि, मिःक्खुॽ नु कान्धाक्किन् लःन्दे़रो॥ 18 इक्सादिङ् खाम्बेःक्मोबा कुलक् सुम्सिओ कुलक् थिक् मे़न्छाम् याप्मिहाॽ कन् अन्हाॽरे़ खुनिॽ मुराहाॽओलाम् के़लःम्बा मि, मिःक्खुॽ नु कान्धाक्ले़न् सुम्सि मिन्देॽओलाम् मे़स्ये़रो॥ 19 अन्हाॽरे़ खुनिॽ मुक्साम्मिङ्ग खुनिॽ मुराहाॽओ नु मेहाॽओ पत्छे़रो॥ खुनिॽ मेहाॽग असेःक्पा कुइसिःक् कुधे़गेःक् के़बप्पा चोगे़रो॥ खे़न् थे़गेःक्हाॽरे़ मे़न्छाम् याप्मिहाॽ खाःम्मासि मुक्साम् मे़गत्तुरो॥
20 हे़क्क्याङ् कन् मिन्देॽलाम् मे़न्छिःमना वेॽ मनाहाॽ आबाङे मे़जोगुबा फे़न् याःम्बक्कोलाम् मे़न्हिन्दे़न्लो॥ आल्लसाङ् खे़ङ्हाॽरे़ फे़न्साम्हाॽ नु मे़म्बाःप्मना, मे़न्निःमना हे़क्क्याङ् लाङ्मे़ङ्घेःक्मना साम्म्याङ्, युप्पा, थथनाबा, लुङ् नु सिङ्ङिल्ले़न्नावाइत्लाहाॽ सेवा चोःक्मा मे़ल्ले़रुन्लो॥ 21 हे़क्क्याङ् खे़ङ्हाॽ मना से़प्मा, कित्चाक् चोःक्मा, याम्बोःप्मा नु खुःम्मालाम् मे़न्हिन्दे़न्लो॥
<- सुफो 8सुफो 10 ->