3 लायोबा मनाहाॽरे़ खुने़ॽ कुदक्ले़ङ्ङो मे़दारुबा अक्तङ्बा पाःन्हाॽ के़धम्बा ये़सुःन् निङ्वाॽ इःत्ते़म्मे़ॽओ, हे़क्केःल्ले़ खिनिॽ निङ्वाॽबो नायो के़म्बोःक्खिन्लो, हे़क्क्याङ् खिनिॽ सक्माआङ् मे़बुॽने़न्लो॥
12 खे़ल्ले़ चोगुल्ले़ सोरो के़लॽबा हुक्हाॽ फोःक्खे़म्मे़ॽ हे़क्क्याङ् थे़गक्कक् के़यङ्बा थुङ्बोहाॽ के़धुम्बा चोगे़म्मे़ॽ॥ 13 लाङ्सक्पाहाॽ मे़वेःत्ताङ् मे़न्जोःन्ने मे़ङ्गे़ङ्ङे लाङ्घेःक्मा मे़सुक्ल फाॽआङ् खिनिॽ लाम्मिन् तोःन्दे़म्मे़ॽओ॥
18-19 खिनिॽग सिनाइ कोःक्मा हे़क्तङ्बा सुःमा सुक्के़दे़प्पा दे़न्नो मे़न्दाए के़वयिॽ, हे़क्क्याङ् मि के़दिःप्पा, खागे़दाम्बा, माक्के़लॽबा हे़क्क्याङ् किप्मा के़घुःबा सोरित्केजङ् के़हुबा दे़न्नो, थुत्तुरिःप्पा मुक्ते़बा इक्ला नु किप्मा के़घुबा इक्लाःल्ले़ कुबेसाङ् मे़न्दाए के़वयिॽरो॥ खे़न् के़घे़म्बाहाॽरे़ याम्मो अक्तङ्बा किप्मा के़घुःबा इक्लाओ खुनिॽनु मे़बाःत्ने़न्ल फाॽआङ् पेलि मे़भाक्तुरो॥ 20 थेआङ्भे़ल्ले़ “कन् कोःक्मान् के़सुबा आत्तिन् थक्साःन्छाङ् लुङ्ङिल्ले़ ले़प्ते़म् से़रे़म्मे़ॽ”[b] के़लॽबा इङ्जाःङ्ङिन् खे़ङ्हाॽरे़ थःप्मा मे़न्छुक्तुन्लो॥ 21 कन् नियाराःङ्ग साॽरिक् किप्मा के़घुःबा चोगे़, हे़क्क्याङ् मोसारे़आङ् इङ्गाॽग आगिःमाल्ले़ यङ्ङारो[c] लॽरिक् पाःत्तुरो॥ 22 कर खिनिॽग सियोन कोःक्माओ, आजुनि निङ्वाॽफुमाङ्ङिल्ले़ कुये़क्यक् साङ्ग्राम्पेदाङ्बा यरुसले़म्मो के़द्ये़ॽइआङ् के़वयिरो॥ खिनिॽग हे़न्छिङ् हे़न्छिङ्ङाङ्धो माङ्लाइङ्बाहाॽरे़ खुनिॽ ओमु लॽमारे़ कुधिम्बा खुनिॽ चुम्लुङ्ङो के़द्ये़ॽइआङ् के़वयिॽरो॥ 23 खिनिॽग साङ्ग्राम्पेदाङ्ङो खुनिॽ मिङ्हाॽ साप्ते़आङ् के़वाॽबा तुम्बा लक् के़घोःबाहाॽरे़ खुनिॽ चुम्लुङ्ङो के़द्ये़ॽइआङ् के़वयिॽरो॥ खिनिॽग काक् मनाहाॽरे़ खुनिॽ खासे़न्दाङ्बा निङ्वाॽफुमाङ्ङिल्लो, हे़क्क्याङ् कुलिङ्धो के़गे़प्पा मे़जोगे़बा साम्योनिबाहाॽरे़ खुनिॽ याम्साम्लुम्मो के़द्ये़ॽइआङ् के़वयिॽरो॥ 24 खिनिॽग निङ्वाॽफुमाङ्ङिन् नु मनाहाॽ लुम्मो कुसङ् माङ्हुप्ले़न्पाःन्दङ्साबा ये़सुरो के़द्ये़ॽइआङ् के़वयिॽ॥ हे़क्क्याङ् खिनिॽग हाबिलरे़ कुमाक्खिॽनुःल्ले़आङ् साॽरिक् नुःबा पाःन् के़बाःप्पा साङ्मनाबा ये़सुरे़ कुमाक्खिॽओ के़द्ये़ॽइआङ् के़वयिरो॥[d]
25 खिनिॽनु के़बाःप्पा निङ्वाॽफुमाङ्ङिन् मे़न्नाॽमा फाॽआङ् सिङ्सिङ् लॽरे़म्मे़ॽओ॥ थेआङ्भे़ल्ले़ इक्साबा इङ्गे़साबा मोसाःल्ले़ कुसाम्दिङ्ङिन् खे़म्मा मे़न्दे़म्मनाबा इस्राइलिहाॽ ताङ्मे़न्छे़ःप्ते़न्निल्ले़ साङ्ग्राम्पेदाङ्लाम्बा निङ्वाॽफुमाङ्ङिल्ले़ साम्दिङ् आबिःल्ले़ आनिॽ आनाॽरुम्ने़ फाॽग्र आनिॽआङ् आन्दाङ्ने़न्लो॥ 26 निङ्वाॽफुमाङ्ङिन् सिनाइ कोःक्मालाम् पारे़ल्ले़ कुइक्लाःल्ले़ इक्सादिङ् खाम्बेःक्मान् यक्खु, कर आल्लो खुने़ॽ माङ्हे़क् चोगुआङ् वाॽ, “याम्मो थिक्ले़ङ् कन् इक्सादिङ् खाम्बेःक्मान्लक् मे़ःन्, कर साङ्ग्राम्पेदाङ्ङिन्नाङ् यक्खुङ्लो॥”[e] 27 कन् “याम्मो थिक्ले़ङ्” पाःप्मनाबा सुत्लाःल्ले़ग काक् नावागे़न् चइःत्तिन् यङ्ङाङ् चत्छिङ् पेःक्लो के़लॽबान् ओसेःन्आधाक्लो, कर यङ्मा सुक्मे़न्दे़प्मनाबा पाःन्हाॽरक् ने़याःक्लो॥ 28 खे़ल्ले़ चोगुल्ले़ आनिॽ यङ्मा सुक्मे़न्दे़प्मनाबा हाङ्जुम्मिन् आघोःसुम्ल आवाॽबाल्ले़ चोगुल्ले़ नोगे़न्साबा पोःक्खिरो, हे़क्क्याङ् निङ्वाॽफुमाङ्ङिन् कुनिङ्वाॽ ताःमा फाॽआङ् मिङ्सो इङ्धाःङ् पिइ किरुम्ल सेवा चोगुम्लो॥ 29 थेआङ्भे़ल्ले़ आनिॽ “निङ्वाॽफुमाङ्ङिङ्ग काक् मिदिक्मा के़सुक्पा पाःन्हाॽ खाप्पु थ्यःङ् के़जोःक्पा मिरो॥”[f]
<- हिब्रु 11हिब्रु 13 ->- a सिवादिङ्खाहुन् ३.११-१२
- b लाम्दिःक् १९.१३
- c साम्योथिम्इङ्जाःङ्९.१९
- d उन्छेःन्निङ्वाॽफुसाम्बाल्ले़ इस्राइलिहाॽरे़ खुनिॽ लायोःन्ले़प्मि पिमारे़ लागि माङ्हिम्मोबा सेसे ते़न्नो माक्खिॽ साक्खुबा हे़क्के, आनिॽ लायोःन्ले़प्मि पिमारे़ लागि ये़सुरे़ कुमाक्खिॽइन्वादेःन्दु॥ कर कयिनरे़ से़रुबा कुन्साॽ हाबिलरे़ कुमाक्खिॽइल्ले़ खुम्दिङ्नाःक्तुर अःक्ते़ (तोलिङ्सोमु ४)
- e हाग्गै २.६
- f लाम्दिःक् २४.२६, साम्योथिम्इङ्जाःङ्४.२४