4 ᤜᤧᤰᤁᤩᤠᤱ ᤀᤡᤱᤃᤠ᤹ ᤂᤧᤴ ᤋᤠᤱᤛᤠᤰᤐᤠ ᤁᤧᤗᤥ᤺ᤱᤒᤠᤸᤗᤧ ᤁᤢᤒᤠ᤺ᤴᤏᤡᤴ ᤛᤠᤵᤔᤠᤀᤣ ᤀᤡ᤺ᤳᤋᤢᤱᤅᤠᤱ ᤐᤳᤇᤠᤱ. ᤁᤖ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤂᤧᤴ ᤏᤢᤛᤡ ᤂᤧᤖᤧᤱ ᤄᤢᤖᤢᤱ ᤁᤧᤗ᤹ᤒᤠᤸᤗᤧ ᤁᤢᤒᤠ᤺ᤴᤏᤡᤴ ᤔᤧᤛᤠᤵᤋᤧᤴᤏᤧ᤹. ᤁᤖ ᤂᤧᤱᤜᤠ᤹ ᤔᤠ᤹ᤖᤧᤀᤠᤱ ᤁᤳᤋᤧ᤹ᤀᤥ ᤁᤧᤗ᤹ᤒᤠ ᤀᤡᤰᤗᤠᤎᤡᤰ ᤂᤧᤵᤛᤢᤱ॥ 5 ᤜᤧᤰᤁᤩᤠᤱ ᤀᤡᤱᤃᤠ᤹ ᤏᤡ᤺ᤛᤢᤱᤒᤠ ᤂᤧᤴ ᤘᤠᤜᤱᤅᤥ ᤏᤢ ᤂᤠᤶᤒᤣ᤺ᤰᤔᤥ ᤁᤧᤕᤧᤵᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤈᤢᤵᤛᤠᤱ ᤜᤢᤰᤁᤡᤴ ᤛᤠᤱᤃᤪᤠᤶᤐᤣᤍᤠᤱ ᤗᤧᤵᤔᤠᤱ ᤑᤥ᤺ᤰᤂᤢᤖ 6 ᤛᤠᤱᤃᤪᤠᤶᤐᤣᤍᤠᤱ. ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰ ᤏᤢ ᤘᤠᤜᤱ ᤜᤧᤰᤁᤩᤠᤱ ᤂᤧᤵᤔᤥ ᤁᤧᤘᤠ᤹ᤒᤠ ᤁᤠᤰ ᤐᤠ᤺ᤴᤜᤠ᤹ᤖᤧᤴ ᤏᤠᤘᤠᤃᤧᤴ ᤆᤀᤡ᤺ᤳ ᤁᤧᤏᤧᤒᤠ ᤛᤍᤠᤍᤡᤱ ᤁᤢᤜᤡᤱᤘᤧᤳ ᤁᤧᤘᤠ᤹ᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤱᤅᤥ ᤔᤠᤱᤜᤧᤰᤛᤡᤱᤗᤥ॥ ᤂᤧᤴ ᤔᤠᤱᤗᤠᤀᤡᤱᤒᤠᤸᤗᤧ ᤐᤠ᤺ᤳᤋᤢ. “ᤀᤠᤸᤗ ᤂᤧᤴ ᤕᤧᤶᤔᤡᤴ ᤋᤠ᤺ᤔᤠ ᤕᤖᤡᤰ ᤜᤥ᤺ᤵᤗᤥ. 7 ᤁᤖ ᤏᤢᤛᤡᤃᤣ᤺ᤰᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤎᤢᤳᤌᤢᤖᤡ᤺ᤵᤐᤧᤴ ᤔᤢ᤺ᤳᤋᤢᤸᤗᤧ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ[a] ᤁᤢᤛᤣᤘᤠᤖᤥᤒᤠᤜᤠ᤹ ᤋᤃᤡ ᤀᤡᤱᤓᤴ ᤆᤥᤃᤢᤛᤡᤒᤠ ᤁᤢᤀᤡᤛᤡ᤺ᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤡᤒᤡ᤹ ᤐᤠ᤺ᤴᤜᤠ᤹ ᤁᤧᤳᤗᤥ॥”
8 ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤂᤧᤵᤛᤢᤱᤒᤠ ᤀᤡᤰᤗᤠ᤺ᤸᤗᤧ ᤕᤠᤶᤔᤥ ᤀᤰᤂᤣ ᤔᤧᤳᤋᤠᤱ. “ᤐᤣᤃᤧ᤹ᤀᤠᤱ ᤂᤧᤴ ᤘᤠᤜᤱᤅᤥ ᤏᤢ ᤂᤠᤶᤒᤣ᤺ᤰᤔᤥ ᤁᤧᤕᤧᤵᤐᤠ ᤔᤠᤱᤗᤠᤀᤡᤱᤒᤠᤸᤗᤧ ᤁᤢᤜᤢᤰᤁᤥ ᤁᤳᤋᤢᤒᤠ ᤂᤧᤴ ᤁᤧᤒᤠ᤺ᤱᤒᤠ ᤛᤠᤵᤁᤡᤳᤋᤡᤴ ᤋᤠ᤺ᤰᤋᤧ᤹॥”
9 ᤜᤧᤰᤁᤩᤠᤱ ᤀᤡᤱᤃᤠ᤹ᤀᤠᤱ ᤂᤧᤴ ᤔᤠᤱᤗᤠᤀᤡᤱᤒᤠᤸᤗᤥ ᤐᤣᤃᤠᤱᤅᤠᤱ ᤂᤧᤴ ᤆᤢᤰᤛᤠ ᤛᤠᤵᤁᤡᤳᤋᤡᤴ ᤏᤠ᤺ᤰᤋᤢᤱ॥ ᤂᤧᤸᤗᤧ ᤔᤧᤳᤋᤠᤱ. “ᤁᤫᤧ᥄ ᤁᤴ ᤋᤠ᤺ᤰᤋᤧ᤹ᤀᤠᤱ ᤆᤩᤧ᤹. ᤁᤴ ᤁᤧᤈ᤺ᤸᤗᤧ ᤁᤧᤔᤢᤖᤠᤀᤥ ᤛᤰᤘᤠᤄᤢ ᤜᤧᤰᤁᤣ ᤐᤗᤡᤶᤗᤡᤶᤛᤠᤱ ᤁᤧᤛᤠᤵᤐᤥ᤺ᤰᤐᤥ ᤗᤠ᤺ᤳᤋᤠᤱ ᤐᤄᤡ᤺ᤰᤂᤡ᤺ᤰᤗᤥ॥” 10 ᤜᤧᤰᤁᤩᤠᤱ ᤂᤧᤴ ᤆᤢᤰᤛᤠ ᤛᤠᤵᤁᤡᤳᤋᤡᤴ ᤁᤢᤜᤢᤰᤁᤥᤗᤠᤶ ᤋᤠ᤺ᤰᤋᤢᤱᤅᤠᤱ ᤀᤡᤱᤃᤠ᤹ ᤆᤠᤱ॥ ᤂᤧᤴ ᤆᤠᤱᤅᤡᤸᤗᤧ ᤀᤠᤔᤢᤖᤠᤀᤥ ᤐᤗᤡᤶᤗᤡᤶᤍᤧ. ᤁᤖ ᤀᤠᤛᤠᤵᤐᤥ᤺ᤰᤐᤥ ᤗᤠ᤺ᤛᤧᤀᤠᤱ ᤐᤄᤡ᤺ᤰᤂᤡ᤺ᤰᤋᤧᤖᤥ॥ 11 ᤜᤧᤰᤁᤩᤠᤱ ᤂᤢᤏᤧ᤹ ᤀᤰᤂᤣ ᤔᤧᤳᤋᤠᤱ. “ᤂᤧᤏᤧ᤹ ᤕᤖᤡᤰ ᤔᤏᤠᤜᤠ᤹. ᤔᤧᤴᤇᤠᤶ ᤛᤢᤘᤠᤱᤜᤠ᤹. ᤕᤖᤡᤰ ᤐᤠ᤺ᤴᤍᤠᤱᤜᤠ᤹ ᤏᤢ ᤜᤠᤱᤜᤠ᤹ᤖᤧ ᤂᤢᤏᤡ᤹ ᤕᤠ᤺ᤶᤒᤣᤀᤥ ᤕᤠᤶᤔᤥ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤳᤋᤢᤖᤀᤣ ᤐᤥ᤺ᤱᤗᤥ॥”
<- ᤛᤢᤑᤥ 9ᤛᤢᤑᤥ 11 ->- a ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤴ–ᤂᤢᤏᤧ᤹ ᤏᤡᤱᤘᤠ᤹ᤑᤢᤔᤠᤱᤗᤠᤶᤒᤠᤒᤠ ᤀᤡᤱᤄᤱ ᤁᤧᤒᤠ᤺ᤵᤐᤠ ᤔᤏᤠᤖᤥ॥ ᤁᤢᤓᤠ ᤕᤧᤶᤔᤥ ᤋᤠ᤺ᤴᤍᤡ ᤁᤧᤒᤥ᤺ᤱᤒᤠ ᤐᤠ᤺ᤴᤏᤠᤱ ᤂᤢᤏᤧ᤹ ᤐᤠ᤺ᤳᤋᤢᤖᤥ॥