1 ᤀᤠᤸᤗ ᤕᤧᤛᤢᤖᤧ ᤕᤖᤡᤰ ᤔᤏᤠᤜᤠ᤹ ᤏᤡ᤺ᤛᤢᤛᤡᤀᤠᤱ ᤁᤥ᤺ᤰᤔᤠᤀᤥ ᤌᤠ᤺ᤱ ᤐᤣᤀᤠᤱ ᤕᤢᤱᤛᤡᤱ. ᤜᤧᤰᤁᤩᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ᤀᤠᤱ ᤂᤧᤳᤌᤥ ᤔᤧᤒᤣᤀᤠᤱ ᤁᤢᤄᤡᤖᤡ ᤔᤧᤕᤢᤱᤛᤡᤱ॥ 2 ᤜᤧᤰᤁᤩᤠᤱ ᤂᤢᤏᤧ᤹ ᤀᤰᤂᤣᤗ᤹ᤖᤡᤰ ᤂᤧᤱᤜᤠ᤹ ᤜᤢ᤹ᤔᤠ ᤜᤣ᤺ᤰᤋᤢᤛᤡ –

13 ᤂᤡᤏᤡ᤹ᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤀᤥᤒᤠ ᤕᤢᤶᤏᤡᤱᤗᤥ. ᤁᤖ ᤕᤢᤶᤔᤡᤸᤗᤧ ᤁᤢᤗᤡᤶᤔᤧᤴ ᤔᤠ᤺ᤒᤣ᤺ᤰᤏᤧ ᤑᤠ᤹ᤃᤪ ᤕᤠᤶᤔᤥ ᤁᤧᤗᤡᤶᤒᤠ ᤆᤥ᤺ᤰᤔᤠ ᤛᤢᤰᤔᤧᤍᤧᤳᤏᤧᤴᤗᤥ॥ ᤂᤧᤸᤗᤧ ᤁᤢᤕᤠ᤺ᤶᤒᤰ ᤌᤣᤀᤠᤱ ᤜᤥ᤺ᤵᤗᤥ. ᤁᤖ ᤂᤧᤱᤃ ᤗᤠᤵᤑᤢᤔᤠ ᤐᤥ᤺ᤱᤅᤠᤱ ᤔᤏᤠᤜᤠ᤹ᤖᤧ ᤔᤧᤍᤥ᤹ᤖᤢᤖᤥ॥ 14 ᤂᤡᤏᤡ᤹ᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤀᤥ᤺ᤳᤋᤡᤏᤡᤱᤗᤥ॥ ᤁᤥ᤺ᤰᤔᤠᤀᤥᤒᤠ ᤕᤧᤰᤕᤰᤁᤡᤴ ᤌᤣ᤺ᤸᤗᤧᤀᤠᤱ ᤀᤡ᤺ᤵᤔᤠ ᤔᤧᤛᤢᤰᤋᤢᤴ॥ 15 ᤀᤠᤳᤋᤡᤸᤗᤧᤀᤠᤱ ᤛᤣᤔᤡ᤺ᤴ ᤜᤠ᤺ᤴᤍᤢᤀᤠᤱ ᤏᤀᤡᤔᤠᤸᤗᤧ ᤔᤧᤛᤢ᤺ᤵᤋᤢᤴ. ᤁᤖ ᤜᤡᤶ ᤛᤡᤃᤠᤱᤒᤠ ᤁᤧᤖᤧᤰ ᤔᤏᤠᤜᤠ᤹ ᤂᤠᤏᤡ᤺ᤔᤠ ᤔᤧᤛᤢᤰᤗ ᤑᤠ᤹ᤀᤠᤱ ᤌᤥ ᤛᤣᤔᤡ ᤕᤢᤱᤍᤧᤴᤏᤥ ᤕᤢᤰᤂᤢ᤹ᤖᤥ॥ 16 ᤜᤧᤰᤁᤣᤗ᤹ᤖᤡᤰ ᤛᤣᤔᤡ᤺ᤴ ᤀᤥ᤺ᤵᤐᤠ ᤜᤧᤰᤁᤣᤀᤣ ᤂᤡᤏᤡ᤹ ᤁᤧᤈᤥᤃᤢᤶᤒᤠ ᤛᤢᤕᤠ᤺ᤶᤒᤰᤜᤠ᤹ ᤔᤏᤠᤜᤠ᤹ ᤀᤥᤛᤣ᤺ᤴᤎᤠᤰᤋᤧᤶᤛᤡᤶᤔᤧ᤹ᤀᤥ. ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤒᤠ ᤂᤡᤏᤡ᤹ ᤏᤡᤱᤘᤠ᤹ᤑᤢᤐᤠ᤺ᤸᤗᤧ ᤁᤢᤏᤠᤖᤠ ᤔᤧᤓᤥ᤺ᤛᤢ᤹ᤖᤥ॥

21 ᤀᤠᤸᤗ. “ᤀᤢᤴᤇᤣ᤺ᤴ ᤔᤥᤛᤠᤖᤧ ᤁᤢᤛᤠᤶᤕᤥ ᤀᤡᤱᤈᤠ᤺ᤱᤅᤡᤸᤗᤧ ᤀᤰᤂᤣ ᤐᤠ᤺ᤳᤋᤢᤒᤠᤴ ᤂᤡᤏᤡ᤹ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹. ‘ᤔᤏᤠ ᤔᤧᤛᤧᤖᤧᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤔᤏᤠ ᤁᤧᤛᤧᤵᤐᤠᤸᤗᤧ ᤂᤢᤶᤍᤡᤱ ᤂᤥ᤺ᤛᤢ᤹ᤖᤥ.’ 22 ᤁᤖ ᤀᤡᤱᤃᤠ᤹ ᤔᤧᤳᤏᤡᤱ. ᤜᤠ᤺ᤳ ᤁᤢᤴᤛᤠ᤹ᤀᤡᤴᤏᤢ ᤁᤢᤕᤠ᤺ᤰ ᤗᤧ᤹. ᤂᤧᤸᤗᤧ ᤂᤢᤶᤍᤡᤱ ᤂᤥ᤺ᤛᤢ᤹ᤖᤥ॥ ᤕᤠᤶᤔᤥ ᤜᤠ᤺ᤳᤗᤧ ᤁᤢᤴᤛᤠ᤹ᤀᤡᤴ ‘ᤀᤍᤱ’ ᤔᤧᤳᤋᤢ᤹. ᤂᤧᤱᤃ ᤁᤧᤖᤧᤰᤏᤢ᤺ᤸᤗᤧ ᤕᤶᤒᤠ ᤕᤜᤢᤍᤡ ᤂᤠᤛᤧᤴᤗᤥ᤺ᤶᤒᤠᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤔᤧᤕᤧᤵᤛᤢ᤹. ᤁᤖ ᤜᤠ᤺ᤳᤗᤧ ᤁᤢᤴᤛᤠ᤹ᤀᤡᤴ ᤛᤠᤰᤔᤢᤖᤠ ᤔᤧᤳᤋᤢ᤹. ᤂᤧᤱᤃ ᤂᤧᤔᤠᤕᤱᤛᤱᤅᤥᤒᤠ ᤔᤡᤀᤥ ᤐᤣ᤺ᤰᤔᤠ ᤛᤢᤰᤗᤥ॥ 23 ᤜᤧᤰᤁᤣ᤺ᤸᤗᤧ ᤂᤧᤏᤧ᤹ ᤔᤠᤱᤜᤡᤶᤔᤥᤒᤠ ᤗᤧᤳᤋᤡᤱ ᤋᤥ᤺ᤶᤔᤠᤍᤧᤴᤏᤥ ᤗᤧᤳᤋᤡᤱᤅᤡᤴ ᤋᤥ᤺ᤶᤔᤠᤏᤢ᤺ᤸᤗᤧ ᤋᤃᤡ ᤂᤧᤏᤧ᤹ᤏᤢ ᤁᤧᤴᤍᤣ᤺ᤱᤒᤠᤸᤗᤧ ᤁᤢᤏᤡᤱᤘᤠ᤹ ᤋᤢᤃᤧᤀᤠᤱ ᤘᤠ᤹ᤒᤠ ᤁᤧᤏᤡᤱᤘᤠ᤹ ᤛᤢᤶᤔᤥ ᤋᤠᤏᤧ ᤑᤠ᤹ᤃᤪ 24 ᤁᤧᤗᤧᤳᤋᤡᤱᤅᤡᤴ ᤗᤧᤳᤋᤡᤱ ᤋᤥ᤺ᤶᤔᤠᤍᤧᤴᤏᤡᤸᤗᤧ ᤁᤢᤒᤣᤛᤠᤱ ᤏᤧᤛ᤻ᤛᤧ ᤌᤩᤧ᤹ᤀᤠᤱ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤁᤧᤴᤍᤣ᤺ᤱᤒᤠᤸᤗᤥ ᤐᤣᤃᤧ᤹ᤀᤠᤱ ᤏᤠᤍᤱ ᤆᤥᤃᤧᤳᤇᤧ᤹ᤀᤥ॥ ᤜᤧᤰᤁᤩᤠᤱᤗᤰ ᤋᤩᤧ᤹ᤀᤠᤱ ᤁᤧᤗᤧᤳᤋᤡᤱᤅᤡᤴ ᤋᤥ᤺ᤴᤍᤧ᤹ᤀᤥ॥

25 ᤀᤠᤵᤋᤡᤰ ᤁᤧᤃᤢ᤺ᤵᤐᤠᤸᤗᤧ ᤂᤧᤏᤧ᤹ ᤂᤠᤛᤧᤴᤍᤧᤴᤏᤥ ᤋᤣ᤹ᤔᤠᤏᤢ᤺ᤸᤗᤧ ᤋᤃᤡ ᤂᤢᤏᤧ᤹ᤏᤢ ᤏᤠᤍᤱ ᤆᤥᤃᤧ᤹ᤀᤥ. ᤔᤧ᤺ᤴᤏᤧ ᤑᤠ᤹ᤃᤪ ᤂᤧᤏᤧ᤹ ᤂᤠᤛᤧᤴᤗᤥ᤺ᤶᤒᤠᤸᤗᤥ ᤁᤧᤍᤣ᤹ᤀᤠᤱ ᤂᤠᤛᤧᤴᤗᤥ᤺ᤶᤒᤠᤸᤗᤧ ᤋᤡᤗᤡᤱᤃᤠᤜᤠ᤹ᤖᤥ ᤜᤢᤰᤁᤧᤛᤢᤵ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤐᤢᤱᤗᤠᤜᤡᤶᤔᤥ ᤁᤧᤶᤛᤠᤰᤗᤥ॥ 26 ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤧ᤹. ᤂᤧᤵᤔᤥ ᤛᤠᤶᤒᤠ᤺ᤴᤕᤠᤱ ᤁᤧᤖᤧᤰ ᤔᤧᤴᤜᤢᤱᤅᤣ ᤌᤠᤖᤡᤰ ᤂᤧᤵᤔᤥᤀᤣ ᤁᤧᤕᤠᤰᤗᤥ॥”

31 “ᤕᤠᤶᤔᤥ ᤔᤥᤛᤠᤖᤧ ᤁᤢᤛᤠᤶᤕᤥ ᤀᤡᤱᤈᤠ᤺ᤱᤅᤡᤸᤗᤧ ᤀᤰᤂᤣ ᤐᤠ᤺ᤳᤋᤢᤀᤠᤱ ᤘᤠ᤹. ‘ᤀᤠᤳᤋᤡᤸᤗᤧ ᤔᤣᤗᤡᤱᤃᤧᤴ ᤁᤢᤔᤣ᤺ᤳᤋᤡᤴ ᤏᤠ᤹ᤖᤢ. ᤂᤧᤸᤗᤧ ᤏᤠ᤹ᤏᤧᤒᤠᤖᤥ ᤑᤠ᤹ᤀᤠᤱ ᤛᤠᤵᤗᤠ ᤛᤠᤵᤔᤠ ᤐᤡᤔᤠ ᤐᤥ᤺ᤱ॥’ 32 ᤁᤖ ᤀᤡᤱᤃᤠ᤹ ᤂᤡᤏᤡ᤹ ᤔᤧᤳᤏᤡᤱ. ᤜᤠ᤺ᤳᤗᤧ ᤘᤣ᤹ᤜᤠ᤹ᤏᤢ ᤆᤠᤖᤠᤶᤔᤠ ᤕᤠ᤺ᤶᤒᤰ ᤔᤧᤴᤈᤥ᤺ᤰᤁᤣ ᤁᤧᤘᤠ᤹ᤔᤠ ᤔᤣᤗᤡᤱᤃᤧᤴ ᤁᤢᤔᤣ᤺ᤳᤋᤡᤴ ᤏᤠ᤹ᤖᤢ᤹ ᤂᤧᤸᤗᤧ ᤂᤧᤴ ᤁᤢᤔᤣ᤺ᤳᤋᤡᤴ ᤆᤠᤖᤠᤶᤔᤠ ᤕᤠ᤺ᤶᤒᤰ ᤁᤧᤈᤥ᤺ᤰᤔᤠ ᤆᤥᤃᤢ᤹ᤖᤥ॥ ᤜᤧᤰᤁᤩᤠᤱ ᤀᤠᤳᤋᤡᤸᤗᤧ ᤂᤧᤴ ᤔᤧᤴᤇᤢᤔᤠ᤹ᤀᤡᤴᤏᤢ ᤔᤣ᤺ᤰᤂᤡᤶ ᤆᤥᤃᤢ᤹ ᤂᤧᤸᤗᤧᤀᤠᤱ ᤆᤠᤖᤠᤶᤔᤠ ᤕᤠ᤺ᤶᤒᤰ ᤆᤥᤃᤢ᤹ᤖᤥ॥”

38 “ᤔᤥᤛᤠᤖᤧ ᤁᤢᤛᤠᤶᤕᤥ ᤀᤡᤱᤈᤠ᤺ᤱᤅᤡᤸᤗᤧ ‘ᤔᤡᤰᤁᤡᤸᤗᤧ ᤁᤢᤗᤧᤰᤘᤠ ᤔᤡᤰ. ᤜᤧᤰᤁᤩᤠᤱ ᤜᤠᤒᤥ᤹ᤒᤠᤸᤗᤧ ᤁᤢᤗᤧᤰᤘᤠ ᤜᤠᤒᤥ᤹ᤒᤠ’[c] ᤗ᤹ᤖᤡᤰ ᤐᤠ᤺ᤳᤋᤢᤒᤠᤴ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹. 39 ᤁᤖ ᤀᤡᤱᤃᤠ᤹ ᤂᤡᤏᤡ᤹ ᤔᤧᤳᤏᤡᤱ. ᤔᤏᤠᤜᤠ᤹ᤖᤧ ᤋᤠᤵᤑᤧ᤺ᤸᤗᤡᤰ ᤁᤧᤶᤔᤧᤳᤋᤡᤸᤗᤧ ᤂᤧᤱᤜᤠ᤹ ᤋᤠᤵᤑᤧ᤺ᤸᤗᤡᤰ ᤔᤧᤔᤧᤳᤋᤧᤶᤛᤡᤶᤔᤧᤴᤏᤧ᤹॥ ᤀᤠᤳᤋᤡᤸᤗᤧ ᤆᤢᤵᤛᤠᤱ ᤗᤧᤵᤔᤠᤱᤒᤠ ᤁᤧᤏᤧᤍᤧᤱᤒᤠᤴ ᤁᤧᤗᤧᤱ ᤁᤧᤒᤡ᤹. ᤂᤧᤴ ᤘᤣ᤹ᤛ᤻ᤔᤠᤴᤏᤠᤱ ᤋᤥ᤺ᤴᤍᤧ ᤐᤡᤖᤧ᤹॥ 40 ᤜᤧᤰᤁᤩᤠᤱ ᤀᤠᤳᤋᤡᤸᤗᤧ ᤁᤧᤈᤠᤱᤔᤠ ᤋᤣ᤺ᤳᤋᤡᤴ ᤏᤠᤵᤔᤠᤖᤧ ᤗᤠᤃᤡ ᤂᤠᤛᤧᤴᤍᤧᤴᤏᤥ ᤁᤧᤍᤣ᤹. ᤂᤧᤴ ᤁᤧᤄᤠᤶᤔᤠ ᤁᤧᤗᤥᤔᤠᤜᤠ᤹ᤀᤠᤱ ᤐᤡᤖᤧᤍᤣ᤺ᤛᤧ᤹ᤀᤥ॥ 41 ᤌᤰᤛᤢᤒᤠᤸᤗᤧ ᤂᤧᤏᤧ᤹ ᤁᤧᤴᤍᤧᤴᤏᤧᤴᤇᤠᤱ ᤁᤡᤗᤥᤔᤡᤋᤖ ᤌᤡᤰ ᤌᤠᤖᤡᤰ ᤁᤢᤃᤰᤁᤡᤴ ᤁᤢ᤺ᤵᤔᤠ ᤋᤣ᤹ᤔᤠ ᤁᤧᤃᤥ᤺ᤳᤏᤧ ᤑᤠ᤹ᤃᤪ ᤂᤧᤴᤏᤢ ᤁᤡᤗᤥᤔᤡᤋᤖ ᤏᤧᤳᤇᤡ ᤌᤠᤖᤡᤰ ᤐᤣᤃᤧ᤹ᤀᤥ॥ 42 ᤁᤧᤏᤠ᤺ᤰᤐᤠᤜᤠ᤹ ᤂᤧᤏᤧ᤹ ᤐᤡᤖᤧᤛᤧ᤹. ᤀᤠᤳᤋᤡᤸᤗᤧ ᤌᤧᤳᤗᤠ ᤁᤧᤏᤠ᤺ᤰ ᤂᤧᤴ ᤐᤡᤖᤧ᤹ᤀᤥ॥”

43 “ᤔᤥᤛᤠᤖᤧ ᤁᤢᤛᤠᤶᤕᤥ ᤀᤡᤱᤈᤠ᤺ᤱᤅᤡᤸᤗᤧ ᤁᤧᤒᤠᤱᤓᤣ᤹ᤛᤠᤒᤠᤜᤠ᤹ ᤗᤢᤱᤔᤠ᤹ ᤋᤢᤰᤋᤧᤛᤧ᤹ᤀᤠᤱ ᤁᤧᤏᤡᤱᤔᤡᤜᤠ᤹ ᤆᤡ᤺ᤳᤋᤧᤛᤧ᤹[d] ᤗ᤹ᤖᤡᤰ ᤐᤠ᤺ᤳᤋᤢᤒᤠ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹. 44 ᤁᤖ ᤀᤡᤱᤃᤠ᤹ ᤂᤡᤏᤡ᤹ ᤔᤧᤳᤏᤡᤱ. ᤏᤡᤱᤔᤡᤜᤠ᤹ ᤗᤢᤱᤔᤠ᤹ ᤋᤢᤰᤋᤧᤶᤛᤡᤶᤔᤧ᤹ᤀᤠᤱ ᤂᤡᤏᤡ᤹ ᤋᤠᤵᤑᤧ᤺ᤸᤗᤡᤰ ᤁᤧᤔᤧᤵᤐᤠᤜᤠ᤹ ᤋᤢᤘᤠ ᤆᤥᤃᤧᤶ ᤐᤡᤖᤧᤶᤛᤡᤶᤔᤧ᤹ᤀᤥ॥ 45 ᤜᤧᤰᤁᤣᤗ᤹ᤖᤡᤰ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤂᤡᤏᤡ᤹ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛ᤻ᤛᤠ᤺ ᤁᤧᤒᤥ᤺ᤰᤂᤡ᤹ᤖᤥ॥ ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤃ ᤏᤢ᤺ᤒᤠ ᤏᤢ ᤋᤠᤵᤑᤧ᤺ᤶᤒᤠ ᤛᤶᤍᤠᤱ ᤏᤠᤶᤛᤧ᤺ᤰ ᤐᤠᤱᤄᤢᤀᤠᤱ ᤛᤠᤶᤕᤥᤏᤡᤒᤠᤜᤠ᤹ ᤏᤢ ᤗᤠᤕᤥᤒᤠᤜᤠ᤹ᤀᤥ ᤐᤠᤱᤃᤧᤴᤍᤡᤱ ᤘᤠᤜᤡ᤺ᤳ ᤌᤠ᤺ᤔᤠ ᤐᤠᤱᤄᤢᤖᤥ॥ 46 ᤂᤡᤏᤡ᤹ ᤗᤢᤱᤔᤠ᤹ ᤁᤧᤍᤢᤰᤐᤠᤜᤠ᤹ᤖᤰ ᤗᤢᤱᤔᤠ᤹ ᤁᤧᤍᤢᤰᤋᤢᤶᤛᤡᤶᤏᤧ ᤑᤠ᤹ᤃᤪ ᤂᤡᤏᤡ᤹ ᤌᤣ ᤜᤠᤱᤛᤧᤶᤔᤡᤴ ᤁᤧᤄᤥ᤺ᤛᤢᤶᤔᤠᤱᤒᤣ᥅ ᤜᤧᤰᤋᤱᤒᤠ ᤕᤠ᤺ᤶᤒᤰᤁᤡᤱᤃ ᤀᤣ᤺ᤱᤕᤠᤱ ᤁᤧᤓᤥ᤺ᤱᤒᤠᤜᤠ᤹ᤖᤧᤀᤠᤱ ᤔᤧᤈᤥᤃᤢᤖᤥ॥[e] 47 ᤑᤢ᤹ᤏᤢᤛᤠ᤹ᤜᤠ᤹ᤏᤢᤖᤰ ᤂᤡᤏᤡ᤹ ᤛᤣᤘᤠ ᤁᤧᤔ᤺ᤀᤡᤏᤧ ᤑᤠ᤹ᤃᤪ ᤘᤣ᤹ᤜᤠ᤹ᤏᤢ᤺ᤸᤗᤧ ᤌᤣ ᤕᤶᤒᤠ ᤕᤠ᤺ᤶᤒᤰ ᤁᤧᤈᤥᤃᤢᤶᤔᤠᤱᤒᤣ᥅ ᤂᤧᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤢᤛᤡᤱ ᤔᤧᤴᤏᤡ᤺ᤵᤔᤏᤠᤒᤠᤜᤠ᤹ᤖᤧᤀᤠᤱ ᤔᤧᤈᤥᤃᤢᤖᤥ॥ 48 ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤧᤖᤧᤰ ᤐᤠ᤺ᤴᤏᤥ ᤁᤢᤗᤡᤱᤎᤥ ᤁᤧᤃᤧᤵᤐᤠ ᤆᤥ᤺ᤰᤐᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ᤀᤠᤱ ᤜᤧᤰᤋᤱᤒᤠ ᤐᤥ᤺ᤱᤔᤠᤀᤣ ᤐᤥ᤺ᤱᤗᤥ॥”