1 ᤜᤧᤰᤁᤩᤠᤱ ᤕᤧᤛᤢᤖᤧ ᤔᤏᤠᤜᤠ᤹ ᤁᤧᤖᤧᤰ ᤛᤡᤘᤠᤍᤡᤱ ᤂᤠᤜᤢᤴᤜᤠ᤹ ᤔᤧᤳᤋᤢ ᤛᤢᤖᤢᤛᤡᤀᤠᤱ ᤂᤢᤏᤧ᤹ ᤁᤐᤷᤏᤜᤢᤔ ᤐᤠᤱᤈᤢᤶᤔᤥ ᤗᤠ᤺ᤛᤧ॥ 2 ᤂᤧᤵᤔᤥᤒᤠ ᤖᤥᤔᤡ ᤌᤰᤋᤢᤶᤒᤠᤸᤗᤧ ᤁᤧᤖᤧᤰᤏᤢ᤺ᤸᤗᤧ ᤁᤢᤏᤡᤱᤘᤠ᤹ᤀᤡᤖᤧ ᤂᤥ᤺ᤵᤋᤢᤒᤠ ᤁᤢᤕᤥ᤺ᤰᤐᤧᤴ ᤋᤢᤃᤧᤀᤠᤱ ᤛᤡ᤺ᤔᤠᤗᤡᤱᤎᤥᤀᤥ ᤁᤧᤖᤧᤀᤠᤱ ᤏᤧᤛ᤻ᤛᤧᤖᤥ॥ 3 ᤂᤧᤴ ᤌᤰᤋᤢᤶᤒᤠᤸᤗᤧ ᤕᤧᤛᤢ᤺ᤴ ᤐᤠᤱᤈᤢᤶᤔᤥ ᤋᤩᤧᤀᤠᤱ ᤘᤠ᤹ ᤁᤧᤗ᤹ᤒᤠ ᤂᤧᤵᤛᤢᤀᤠᤱ ᤜᤠᤖᤠ᤹ ᤑᤧᤴᤏᤠᤱ ᤁᤢᤕᤥ᤺ᤰᤐᤧᤴ ᤘᤣ᤺ᤴᤍᤢᤖ ᤑᤠ᤹ᤀᤠᤱ ᤕᤜᤢᤍᤡ ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤕᤧᤛᤢᤖᤧ ᤁᤢᤗᤠ᤺ᤛᤧ ᤐᤠᤱᤄᤢᤛᤡᤖᤥ॥ 4 ᤂᤧᤱᤜᤠ᤹ᤀᤠᤱ ᤕᤧᤛᤢᤖᤥ ᤔᤧᤍᤩᤧᤀᤠᤱ ᤀᤰᤂᤣ ᤔᤧᤔᤧᤳᤋᤢᤖ ᤐᤣᤗᤡ ᤔᤧᤓᤠᤰᤋᤢ. “ᤀᤠᤍᤠᤱᤒᤣ. ᤂᤧᤴ ᤌᤰᤋᤢᤶᤒᤧᤴ ᤂᤧᤏᤧ᤹ᤗᤠᤶ ᤁᤢᤓᤠ᤹ ᤂᤥ᤺ᤔᤠ ᤗᤠ᤹ᤖᤢᤖᤥ. 5 ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤀᤠᤏᤡ᤹ ᤕᤜᤢᤍᤡ ᤛᤢᤘᤠᤱᤜᤠ᤹ ᤛᤠ᤹ᤖᤡᤰ ᤗᤢᤱᤔᤠ᤹ ᤀᤠᤍᤢᤰ॥ ᤜᤧᤰᤁᤩᤠᤱ ᤀᤠᤏᤡ᤹ ᤗᤠᤃᤡ ᤕᤜᤢᤍᤡ ᤆᤢᤶᤗᤢᤱᤜᤡᤶᤎᤡᤰ ᤀᤠᤈᤥᤃᤧ ᤀᤠᤒᤡᤖᤧᤀᤠᤱ ᤘᤠ᤹ᤖᤥ॥”
6 ᤜᤧᤰᤁᤩᤠᤱ ᤕᤧᤛᤢ᤺ᤴ ᤂᤧᤱᤜᤠ᤹ᤏᤢ ᤌᤠᤛᤡᤱ॥ ᤂᤧᤱᤜᤠ᤹ ᤂᤧᤴ ᤌᤰᤋᤢᤶᤒᤠᤸᤗᤧ ᤁᤢᤜᤡᤶᤔᤥ ᤁᤧᤵᤔᤠᤏᤢ᤺ᤸᤗᤧ ᤋᤃᤡ ᤂᤧᤴ ᤌᤰᤋᤢᤶᤒᤠᤸᤗᤧ ᤀᤰᤂᤣ ᤐᤠ᤺ᤳᤋᤢᤀᤠᤱ ᤁᤢᤴᤈᤢᤶᤜᤠ᤹ ᤐᤠᤱᤄᤢᤛᤡ. “ᤀᤠᤍᤠᤱᤒᤣ. ᤋᤢᤰᤂᤣ ᤔᤧᤈᤧᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤂᤧᤏᤧ᤹ ᤀᤠᤜᤡᤶᤔᤥ ᤗᤠᤱᤍᤠ᤺ᤰᤔᤠ ᤔᤧᤗᤠ᤹ᤀᤠᤴᤗᤥ॥ 7 ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ ᤀᤠᤒᤠᤅᤣᤀᤠᤱ ᤂᤧᤏᤧ᤹ᤀᤥ ᤋᤠ᤺ᤔᤠ ᤔᤧᤗᤠ᤹ᤀᤠᤴᤗᤥ॥ ᤂᤧᤏᤧ᤹ ᤐᤠ᤺ᤴ ᤛᤢᤳᤗᤠᤎᤡᤰᤗᤰ ᤁᤧᤒᤠ᤺ᤳᤋᤢᤛᤠᤱ ᤀᤠᤕᤥ᤺ᤰᤐᤧᤴ ᤘᤣ᤺ᤳᤗᤥ॥ 8 ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤀᤠᤱ ᤀᤠᤎᤢᤱᤎᤥᤒᤠ ᤛᤢᤜᤠᤱᤕᤢᤰᤐᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤁᤧᤘᤠ᤹ᤒᤠ ᤔᤏᤠᤀᤠᤖᤥ. ᤜᤧᤰᤁᤩᤠᤱ ᤀᤡᤱᤃᤠ᤹ᤀᤠᤱ ᤀᤠᤕᤢᤰᤁᤥ ᤌᤰᤛᤢᤒᤠᤜᤠ᤹ ᤔᤧᤘᤠ᤹ᤖᤥ॥ ᤀᤡᤱᤃᤠ᤹ ᤌᤰᤛᤢᤒᤠᤎᤡᤰᤁᤡᤴ ‘ᤐᤣᤃᤧ᤹’ ᤔᤧᤳᤋᤢᤱᤅᤡᤸᤗᤧ ᤐᤣ᤺ᤰ. ᤜᤧᤰᤁᤩᤠᤱ ᤘᤣ᤹ ᤌᤰᤛᤢᤒᤠᤴ ‘ᤑᤧᤖᤧ᤹’ ᤔᤧᤳᤋᤢᤱᤅᤡᤸᤗᤧ ᤑᤧᤴ॥ ᤜᤧᤰᤁᤣᤗ᤹ᤖᤡᤰᤁᤣ ᤀᤠᤕᤥ᤺ᤰᤐᤧᤴ ‘ᤁᤴ ᤆᤥᤃᤧ᤹’ ᤔᤧᤳᤋᤢᤱᤅᤡᤸᤗᤧ ᤆᤥᤃᤢ᤹ᤖᤥ॥”
9 ᤕᤧᤛᤢᤖᤧ ᤁᤴ ᤂᤧᤵᤛᤢᤀᤠᤱ ᤛᤠ᤹ᤖᤡᤰ ᤁᤢᤏᤡᤱᤘᤠ᤹ ᤔᤕᤧᤀᤠᤱ ᤂᤡᤖᤡ ᤜᤡᤛᤡᤱᤅᤠᤱ ᤂᤢᤏᤧ᤹ ᤁᤧᤍᤡᤶᤒᤠᤜᤠ᤹ ᤔᤧᤳᤋᤢᤛᤡ. “ᤀᤰᤋᤱᤒᤠ ᤕᤶᤒᤠ ᤏᤛᤠ᤺ᤴ ᤁᤧᤃᤵᤐᤠ ᤔᤏᤠ᤺ᤱᤃ ᤀᤡᤛᤪᤠᤀᤡᤗᤀᤥᤀᤠᤱ ᤀᤡᤱᤃᤠ᤹ ᤔᤧᤱᤄᤥᤀᤣ ᤘᤠ᤹ᤀᤠᤖᤥ᥄
10 ᤜᤧᤰᤁᤩᤠᤱ ᤌᤰᤋᤢᤶᤒᤠᤸᤗᤧ ᤐᤠᤱᤄᤢᤛᤡᤒᤠ ᤔᤏᤠᤜᤠ᤹ ᤔᤧᤏᤢ᤺ᤰᤂᤧᤀᤠᤱ ᤜᤡᤶᤔᤥ ᤔᤧᤃᤧᤖᤧᤸᤗᤧ ᤂᤧᤴ ᤕᤥ᤺ᤰᤐᤧᤴ ᤘᤣ᤺ᤳᤋᤧᤀᤠᤱ ᤕᤢᤅᤧᤒᤠ ᤔᤧᤍᤢᤔᤢᤖᤥ॥”
16 ᤜᤧᤰᤁᤩᤠᤱ ᤔᤏᤠᤜᤠ᤹ ᤁᤧᤖᤧᤰ ᤔᤧᤃᤡᤛᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤔᤧᤓᤥ᤺ᤛᤢᤖ ᤀᤰᤂᤣ ᤔᤧᤒᤠ᤺ᤳᤋᤢ. “ᤀᤠᤏᤡ᤹ ᤗᤢᤶᤔᤥᤀᤠᤱ ᤕᤶᤒᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤧᤴ ᤘᤠ᤹ᤖᤥ॥” ᤜᤧᤰᤁᤩᤠᤱ ᤕᤠᤶᤔᤥ ᤂᤧᤱᤜᤠ᤹ᤖᤧ ᤔᤧᤒᤠ᤺ᤳᤋᤢ. “ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤢᤔᤏᤠᤜᤠ᤹ ᤁᤢᤓᤠ᤹ ᤐᤡᤛᤧ ᤏᤢ ᤁᤶᤒᤪᤠᤱ ᤔᤧᤳᤇᤧ ᤕᤧᤖᤥ॥
17 ᤜᤧᤰᤁᤩᤠᤱ ᤁᤴ ᤜᤡᤴᤍᤥ᤺ᤰᤁᤡᤴ ᤁᤧᤖᤧᤰ ᤐᤡᤛᤠᤱ ᤕᤜᤢᤍᤡᤕᤠ ᤏᤢ ᤂᤧᤴ ᤂᤡᤖᤡᤒᤠ ᤌᤢᤶᤔᤥ ᤛᤧ᤺ᤖᤧᤖᤥ॥”
18 ᤒᤵᤋᤡᤛ᤻ᤔᤠ ᤁᤧᤒᤡᤒᤠ ᤕᤢᤜᤢᤴᤏᤠ᤺ᤸᤗᤧᤀᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ᤖᤥᤗᤠᤶ ᤁᤴ ᤐᤠ᤺ᤴᤏᤡᤴ ᤂᤧᤵᤛᤢ॥ 19 ᤜᤧᤰᤁᤩᤠᤱ ᤏᤧᤵᤑᤢ ᤁᤢᤜᤢ᤹ᤛᤠᤶᤒᤠᤜᤠ᤹ ᤀᤢ᤺ᤳᤋᤢᤛᤡᤀᤠᤱ ᤍᤠᤱᤒᤠᤸᤗᤥ ᤁᤴ ᤀᤡᤱᤄᤱᤅᤡᤴ ᤜᤠᤅᤢᤍᤣ᤺ᤛᤢ–“ᤀᤠᤸᤗ ᤁᤧᤍᤠ᤺ᤒᤠ ᤂᤪᤡᤛ᤻ᤋᤧᤴ ᤒᤠ ᤂᤧᤏᤧ᤹ᤀᤣᤒᤡ᥅ ᤀᤡ ᤀᤠᤏᤡᤃᤧ ᤘᤣ᤹ᤛ᤻ᤔᤠᤴ ᤜᤠᤱᤄᤢᤶᤒᤧᤒᤠᤒᤡ᥅” 20 ᤜᤧᤰᤁᤩᤠᤱ ᤂᤧᤴ ᤀᤡᤱᤛᤠᤒᤠᤜᤠ᤹ᤀᤠᤱ ᤕᤧᤛᤢᤖᤥ ᤐᤣᤛᤧᤳᤇᤡᤀᤠᤱ ᤔᤧᤳᤋᤧᤇᤢ. “ᤒᤵᤋᤡᤛ᤻ᤔᤠ ᤁᤧᤒᤡᤒᤠ ᤕᤢᤜᤢᤴᤏᤠ᤺ᤸᤗᤧ ᤀᤰᤂᤣ ᤐᤠ᤺ᤳᤋᤢᤀᤠᤱ ᤕᤠᤵᤔᤡ ᤐᤠᤱᤄᤧᤳᤇᤡᤃᤧᤀᤠᤱ ᤘᤠ᤹ᤛᤡᤃᤧᤖᤥ. ‘ᤀᤠᤸᤗ ᤁᤧᤍᤠ᤺ᤒᤠ ᤂᤪᤡᤛ᤻ᤋᤧᤴ ᤒᤠ ᤂᤧᤏᤧ᤹ᤀᤣᤒᤡ. ᤀᤡ ᤀᤠᤏᤡᤃᤧ ᤘᤣ᤹ᤛ᤻ᤔᤠᤴ ᤜᤠᤱᤄᤢᤶᤒᤧᤒᤠᤒᤡ᥅’ ”
21 ᤜᤧᤰᤁᤩᤠᤱ ᤜᤠᤒᤠ ᤂᤧᤴ ᤕᤧᤶᤔᤥ ᤕᤧᤛᤢᤖᤧ ᤁᤧᤍᤢᤰᤐᤠ ᤁᤧᤕ᤹ᤒᤠᤜᤠ᤹ ᤏᤢ ᤑᤧᤴᤛᤠᤶᤔᤡᤸᤗᤧ ᤋᤖᤢᤛᤡᤒᤠᤜᤠ᤹ ᤏᤢᤛᤢᤛᤡ ᤜᤧᤰᤁᤩᤠᤱ ᤕᤖᤡᤰ ᤔᤡᤰᤑ᤺ᤶᤒᤠᤜᤠ᤹ᤀᤠᤱ ᤂᤠᤏᤡ᤺ᤔᤠ ᤁᤧᤛᤢᤰᤐᤠ ᤆᤥᤃᤢᤛᤡᤖᤥ॥ 22 ᤜᤧᤰᤁᤩᤠᤱ ᤕᤧᤛᤢᤖᤧ ᤕᤢᤜᤢᤴᤏᤠᤗᤠᤶ ᤁᤧᤍᤠ᤺ᤒᤠᤜᤠ᤹ ᤔᤧᤳᤋᤢᤛᤡ. “ᤐᤣᤛᤧᤳᤇᤧ᤹ᤀᤠᤱ ᤁᤴ ᤁᤧᤏᤡ᤺ᤛᤧᤳᤇᤢ. ᤁᤧᤄᤧᤵᤛᤧᤳᤇᤢᤒᤠ ᤐᤠ᤺ᤴᤏᤡᤴ ᤕᤢᤜᤢᤴᤏᤠ᤺ᤴ ᤔᤧᤳᤋᤧᤇᤧ᤹–ᤀᤰᤂᤣᤗ᤹ᤖᤡᤰ ᤔᤡᤰᤑ᤺ᤶᤒᤠᤜᤠ᤹ᤖᤧ ᤏᤡ᤺ᤔᤠ ᤔᤧᤛᤢᤰᤋᤢ᤹. ᤜᤧᤰᤁᤩᤠᤱ ᤗᤠᤱᤛᤰᤐᤠᤜᤠ᤹ ᤗᤠᤱᤔᤧᤄᤣ᤺ᤰ. ᤗᤥᤃᤣ᤹ᤖᤧ ᤋᤖᤢᤛᤡᤒᤠᤜᤠ᤹ ᤔᤧᤘᤣ᤺ᤳ. ᤜᤧᤰᤁᤩᤠᤱ ᤏᤠᤎᤧᤰᤁᤪᤧᤱᤜᤠ᤹ᤖᤧ ᤔᤧᤄᤧᤵᤛᤢ. ᤁᤧᤛᤡ᤺ᤒᤠᤜᤠ᤹ ᤕᤠᤶᤔᤥ ᤔᤧᤜᤡᤱ. ᤜᤧᤰᤁᤩᤠᤱ ᤕᤠᤱᤃᤧᤛᤠ᤹ᤒᤠᤜᤠ᤹ᤖᤧ ᤛᤢᤏᤠᤀᤡᤱᤅᤡᤴ ᤔᤧᤄᤧᤵᤛᤢ᤹ᤖᤥ॥ 23 ᤜᤧᤰᤁᤩᤠᤱ ᤀᤡᤱᤃᤠ᤹ᤏᤢ ᤁᤢᤏᤡᤱᤘᤠ᤹ ᤔᤧᤴᤍᤢᤰᤔᤏᤠᤒᤠᤀᤠᤱ ᤕᤠᤵᤔᤡ ᤆᤵᤆᤡ ᤔᤧᤴᤈᤥ᤺ᤰᤔᤏᤠᤒᤠᤴ ᤔᤢ᤹ᤀᤡᤛᤠᤒᤠᤖᤥ॥”
24 ᤜᤧᤰᤁᤩᤠᤱ ᤕᤢᤜᤢᤴᤏᤠᤖᤧ ᤁᤢᤀᤡᤱᤛᤠᤒᤠᤜᤠ᤹ ᤐᤣᤛᤧᤳᤇᤡᤀᤠᤱ ᤕᤧᤛᤢᤖᤧ ᤂᤧᤴ ᤔᤏᤠᤜᤠ᤹ ᤕᤢᤜᤢᤴᤏᤠᤖᤧ ᤁᤢᤔᤧᤴᤏᤥ ᤔᤧᤳᤋᤢᤛᤡ. “ᤂᤡᤏᤡ᤹ ᤀᤣ᤺ᤰᤛᤠᤍᤧᤴᤏᤥ ᤌᤧᤔᤠ ᤀᤥᤔᤧᤳᤇᤧ ᤁᤧᤒᤣᤃᤡᤒᤠ᥅ ᤛᤢᤖᤡᤳᤔᤠᤸᤗᤧ ᤘᤠ᤺ᤴᤍᤢᤒᤠ ᤌᤡᤱᤏᤧ᤺ᤳᤋᤧᤴᤒᤡ᥅” 25 ᤏᤢ᤺ᤒᤠ ᤆᤠᤱ ᤋᤣ᤺ᤳ ᤁᤧᤈᤠᤱᤒᤠ ᤔᤏᤠ᤺ᤴ ᤀᤥᤔᤧᤳᤇᤧ ᤗᤠ᤺ᤰᤁᤠᤳ ᤁᤧᤒᤣᤃᤡᤒᤡ᥅ ᤜᤧᤰᤋᤱᤒᤠᤜᤠ᤹ ᤏᤢ ᤜᤠᤱᤜᤠᤱ ᤗ᤹ᤖᤡᤰ ᤁᤧᤕᤢᤱᤒᤠᤜᤠ᤹ᤃ ᤜᤠᤱᤜᤡᤶᤔᤥᤖᤰ ᤔᤧᤘᤠ᤹ᤖᤥ॥ 26 ᤌᤧᤔᤠ ᤀᤥᤔᤧᤳᤇᤧ ᤁᤧᤒᤡᤃᤡᤒᤠ᥅ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤧᤴᤒᤡ᥅ ᤛᤧᤰᤂᤠ᤺ᤸᤗᤧ ᤀᤡᤱᤃᤠ᤹ ᤔᤧᤳᤏᤡᤱ. ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤧᤴᤏᤢ᤺ᤸᤗᤧ ᤕᤶᤒᤠ ᤔᤏᤠ᤺ᤴ ᤁᤧᤏᤡ᤺ᤛᤢᤶᤗᤥ॥ 27 ᤒᤵᤋᤡᤛ᤻ᤔᤠ ᤁᤧᤒᤡᤒᤠ ᤕᤢᤜᤢᤴᤏᤠ᤺ᤸᤗᤧ ᤁᤢᤔᤧᤴᤏᤥ. ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ.
29 ᤀᤰᤂᤣᤗ᤹ᤖᤡᤰ ᤁᤧᤖᤧᤰ ᤔᤏᤠᤜᤠ᤹ᤖᤧ ᤜᤧᤰᤁᤩᤠᤱ ᤀᤣ᤺ᤱᤕᤠᤱ ᤁᤧᤓᤥ᤺ᤱᤒᤠᤜᤠ᤹ᤖᤧᤀᤠᤱ ᤕᤧᤛᤢᤖᤧ ᤁᤢᤒᤠ᤺ᤴᤏᤡᤴ ᤔᤧᤄᤧᤵᤛᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤠᤶᤔᤡᤴ ᤏᤢ᤺ᤒᤠ ᤑᤠ᤹ᤀᤠᤱ ᤋᤧᤴᤍᤡᤱ ᤔᤧᤈᤥᤃᤢ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ ᤕᤢᤜᤢᤴᤏᤠᤗᤠᤶ ᤒᤵᤋᤡᤛ᤻ᤔᤠ ᤔᤧᤈᤥ᤺ᤰᤛᤡᤱᤅᤠᤱ ᤔᤧᤘᤕᤧᤖᤥ॥ 30 ᤁᤖ ᤑᤖᤡᤛᤡᤜᤠ᤹ ᤏᤢ ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ᤖᤧ ᤂᤢᤏᤡ᤹ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤛᤣ᤺ᤰᤁᤡᤴ ᤔᤧᤏᤠ᤹ᤖᤢ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ ᤕᤢᤜᤢᤴᤏᤠᤗᤠᤶ ᤒᤵᤋᤡᤛ᤻ᤔᤠ ᤔᤧᤴᤈᤥ᤺ᤰᤛᤡᤱᤅᤡᤴᤗᤥ॥
31 ᤕᤧᤛᤢᤖᤧ ᤕᤠᤶᤔᤥ ᤐᤠ᤺ᤳᤋᤢ. “ᤀᤠᤸᤗ ᤁᤴ ᤕᤧᤶᤔᤥᤒᤠ ᤔᤏᤠᤜᤠ᤹ ᤀᤠᤰᤋᤱᤒᤠ ᤔᤧᤈᤥ᤺ᤰ ᤑᤠ᤹ᤀᤠᤱ ᤌᤧᤔᤠ᤺ᤴᤏᤢ ᤋᤱᤄᤢᤱᤛᤡᤱᤒᤠᤒᤣ᥅ 32 ᤂᤧᤱᤜᤠ᤹ᤃ ᤐᤠᤱᤈᤢᤶᤔᤥ ᤁᤧᤘᤠ᤹ᤒᤠ ᤜᤡᤴᤈᤠ᤹ᤒᤡᤳᤇᤠ ᤁᤢᤀᤡᤛᤡ᤺ᤰ ᤔᤧᤈᤥ᤺ᤰᤗᤥ॥
40 ᤕᤧᤛᤢᤖᤧ ᤂᤧᤴ ᤑᤖᤡᤛᤡ᤺ᤴ ᤔᤧᤳᤋᤢ. “ᤛᤡᤔᤥᤏᤣ. ᤀᤡᤱᤃᤠ᤹ ᤂᤧᤏᤧ᤹ᤏᤢ ᤗᤳᤇᤠ ᤐᤠ᤺ᤴᤎᤡᤰ ᤐᤠ᤺ᤵᤔᤠ ᤁᤳᤋᤢᤱᤗᤥ॥”
41 ᤕᤧᤛᤢᤖᤧ ᤔᤧᤳᤋᤢ. “ᤌᤡᤰ ᤋᤧᤴᤏᤥ ᤏᤧᤵᤑᤢ ᤔᤏᤠᤜᤠ᤹ ᤘᤕᤧᤳᤇᤡ॥ ᤂᤧᤱᤜᤠ᤹ᤖᤧ ᤛᤡᤱᤏᤠ᤺ᤳ ᤕᤠᤱ ᤁᤧᤃᤧᤒᤠᤸᤗᤥᤗᤠᤶ ᤗᤳᤇᤠᤖᤧ ᤅᤠᤃᤡᤵ (᥋᥆) ᤕᤢᤵᤐᤠᤕᤠᤱ ᤏᤢ ᤘᤣ᤹ᤛ᤻ᤔᤠᤸᤗᤧ ᤁᤢᤃᤡᤵ ᤅᤠᤛᤡ (᥋᥆᥆) ᤕᤢᤵᤐᤠᤕᤠᤱ ᤋᤣ᤹ᤖᤧᤳᤇᤢᤀᤠᤱ ᤘᤕᤧᤳᤇᤡ॥ 42 ᤁᤖ ᤂᤧᤴ ᤏᤧᤵᤔᤠᤱᤗᤧ ᤜᤢᤱᤔᤠ ᤔᤧᤴᤇᤢᤰᤁᤣ ᤘᤕᤧᤳᤇᤡ॥ ᤂᤧᤴ ᤛᤡᤱᤏᤠ᤺ᤳ ᤕᤠᤱ ᤁᤧᤃᤧᤒᤠᤸᤗᤧ ᤏᤧᤵᤔᤠᤱᤗᤧ ᤂᤢᤴᤇᤡ᤹ ᤛᤡᤱᤏᤠ᤺ᤳᤋᤡᤴ ᤗᤧᤖᤢ ᤐᤡᤖᤢᤛᤡ॥ ᤜᤧᤰᤁᤣ᤺ᤸᤗᤧ ᤀᤠᤳᤋᤡᤸᤗᤧ ᤂᤧᤴ ᤛᤡᤱᤏᤠ᤺ᤳ ᤕᤠᤱ ᤗᤧᤵᤔᤡ ᤁᤧᤒᤡᤒᤠᤴ ᤕᤖᤡᤰ ᤗᤢᤱᤔᤠ᤹ ᤋᤢᤰᤋᤢᤒᤡᤗᤠ᥅”
43 ᤛᤡᤔᤥᤏᤖᤧ ᤏᤥᤃᤵ ᤐᤡᤖᤢ. “ᤀᤡᤱᤃᤠ᤹ ᤀᤠᤏᤡᤱᤘᤠ᤹ᤀᤥ ᤂᤧᤴ ᤕᤖᤡᤰ ᤛᤡᤱᤏᤠ᤺ᤳ ᤗᤧᤵᤔᤡ ᤁᤧᤄᤥ᤺ᤒᤠᤴᤏᤣ ᤕᤖᤡᤰ ᤗᤢᤱᤔᤠ᤹ ᤋᤢᤰᤋᤢᤒᤡᤗᤠᤖᤥ॥”
48 ᤜᤧᤰᤁᤩᤠᤱ ᤕᤧᤛᤢᤖᤧ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤔᤧᤳᤋᤢ. “ᤂᤧᤏᤧ᤹ ᤁᤧᤗᤠᤕᤥᤗᤠᤶ ᤗᤧᤵᤔᤡ ᤁᤧᤄᤥ᤺ᤛᤢᤀᤠᤱ ᤁᤧᤘᤠ᤹ᤖᤥ॥”
49 ᤜᤧᤰᤁᤣ᤺ᤸᤗᤧ ᤂᤢᤏᤧ᤹ᤏᤢ ᤆᤠ ᤁᤧᤈᤠᤒᤠᤖ ᤁᤧᤕᤢᤱᤒᤠ ᤘᤣ᤹ ᤔᤏᤠᤜᤠ᤹ ᤗᤠᤕᤥᤗᤠᤶ ᤗᤧᤵᤔᤡ ᤁᤧᤒᤡᤒᤠ ᤁᤴ ᤕᤠᤵᤔᤡ᤺ᤴ ᤜᤠ᤺ᤵᤐᤣ ᤑᤠ᤹ᤀᤠᤱ ᤔᤧᤔᤧᤳᤇᤡᤱᤗᤥ॥ 50 ᤁᤖ ᤕᤧᤛᤢᤖᤧ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤔᤧᤳᤋᤢ. “ᤂᤧᤏᤧ᤹ ᤁᤧᤏᤛᤠ᤺ᤴᤏᤡᤸᤗᤧ ᤋᤠᤱᤃᤧᤛᤧ᤺ᤵᤋᤧᤀᤠᤱ ᤁᤧᤘᤠ᤹ᤖᤥ॥ ᤏᤢ᤺ᤖᤡᤰᤁᤠᤱ ᤐᤣᤃᤧ᤹ᤀᤥ॥”
<- ᤗᤢᤁᤠ 6ᤗᤢᤁᤠ 8 ->