1 A ningnigo na tena artabarla rop tetek e God, e God i aslang pas la miting na tarai, pa i suah tar la sur lar tur aslang a tarai na matana. Lar saran a artabarla pa lar tun a inagoila sur e God ir kepsen a toltol laulaula anuna tarai. 2 A ningnigo na tena artabar tetek e God i tolsot pasi sur ir titol ana marmaris tetek a tarai ning bel la tastasmai pa la han rongo, anasa i otleng bel ta rakrakaina sur ir tolsot pas a rakrakaina ana toltol laulau. 3 [a]Ine a kamkamna ot ning i sira tun a artabarla. Bel sur ir kepsen ka a toltol laulaula anuna tarai. Sur ning ir kepsen otleng anuna toltol laulaula.
4 [b]Bel ana nuknukin tik ning ir los pas a leklek a tiniba na ningnigo na tena artabar tetek e God. Ana arkabah ot ane God ning a barsan ir ningnigo na tena artabar, arlar larning i toli tetek e Aron. 5 Mang otleng larning, e Karisito bel i aleklek pasi sur ir ningnigo na tena artabar tetek e God. Ika e God i atongi tana larne,
7 [d]Ning e Iesu i laun te na rakrakan hanua, i kukuk ana nuna niaringla ana luru matana tetek e God, esaning i tolsot sur ir alaun pasi kusun a minat. Pa e God i longori, anasa i anatarna pasi nahaina. 8 I momol kol e Iesu a Nat e God, ika ning i kibas a kankan, a kankan ne i asaeri sur ir mur a warwara ane God. 9 Ning e God ka tolsot pas a titol ning oe Natnalik, e Natnalik i hanot a kama titol na alaun tikin a tarai, tetek la rop ning la mur anuna warwara. 10 Pa e God i suah tari sur i a ningnigo na tena artabar, a ngas a tena artabar arlar oe Melkisedek.
- a 5:3 Wok Pris 9:7; 16:6
- b 5:4 Kisim Bek 28:1
- c 5:6 Hibru 6:20; 7:1
- d 5:7 Matiu 26:36-46; Pilipai 2:6-8
- e 5:12 1 Korin 3:1-3