7 [e]E Karisito i tabar dala taktakai ana artabar, arlar ot ana nuknukna. 8 I maining, a Buk Tabu i atongi larne onoi,
14 I maining bel ma dalar arlar ulak ana kakakla ning nunla tortorot i maler, arlar ana utna ning a wuwu pa top i migen taltali utumo pa ute. Bel dalar mur a asaerla anuna tena asasongola, ning la mang sur lar ben rongon a taraila taum ana nunla na namnamin a warwarala. 15 [i]Ika, dalar atong a momol a warwara taum ana marmaris. Dalar gomo ana ututnala rop sur dalar arlar taum oe Karisito, ai a pukulundala. 16 Pa dala a palaona, pa oe Karisito, a kidol a palaona i tugus taum wakak. Pa ning taktakai diah palaona i tol ot anuna titol, a kidol a palaona ir gomo pa ir rakrakai, pa ir bukus ana marmaris.
20 Ika mulo, ning di asaer tar mulo oe Karisito, bel di asaer mulo ana toltolla larne. 21 A tasmani mang di ka asaer tar mulo oe Iesu pa mulo ka longor pasi, pa mulo tasman a momolna ning i kes onoi. 22 [k]Di asaer mulo sur mulor han kusun a ngas a lalaun ning nating mulo murmuri. Mulor pak seni arlar taum ana turai a kaen, anasa i laulau pa i asongo dala sur dalar mur a laulau a nuknukla. 23 [l]Mulor saran tar mulo tetek e God sur ir atona a ingumulo pa nuknukimulo. 24 [m]Pa mulor mermer ana tona lalaun ning e God i akes tari arlar ot ana manarna, sur mulor mur a tostos a toltol momol, pa mulor hanot a totoh a tarai ane God.
25 [n]I maining mulor manah kusun asasongo, pa mulor atong a momolna tetek a halalimulo, anasa dala rop dala na didiah palaona e Karisito. 26 [o]Ning mulo balakut, gong mulo tol a toltol laulau. Pa gong a kamis i sup ning kaning ot mulo balakut, 27 pa gong mulo saran tar ta kolo ta e Satan. 28 Esining i kinkinau, gong ulak ma i kinkinau. I wakak ning ir tol a wakak a titol ana naur a kuna, sur ir tol otnan a utna ning i to pasi, pa ir tabar la otleng onoi ning la kapan.
29 [p]Pa gong ta laulau a warwara i purum miting na pahamulo. Mulor atong ka a warwara ning i wakak sur ir arakrakai a tarai pa ir nangan la ana asaning la kapan suri, sur anumulo a warwara ir awakak la ning la longor mulo. 30 [q]Pa gong mulo abalmaris a Totoh a Inguna e God, a akinalang ning e God ka aslang tar mulo onoi mang mulo anunai, sur a pukakiar ning e God ir alangolango mulo. 31 [r]Mulor kepsen a toltolla larne kusun anumulo a lalaun: a nuknuk laulau, a balakut, a arngaras, a arkabah na balakut, a warwara laulau, pa urmatana toltol laulaula rop otleng. 32 [s]Mulor tol a wakakna tetek mulo pa mulor mang artalai sur mulo. Pa ning tik omulo i tol a laulau tetek mulo, mulor nuk duman seni, arlar larning e God ka kepsen anumulo na toltol laulaula oe Karisito.
<- Epeses 3Epeses 5 ->- a 4:1 Kolosi 1:10
- b 4:2 Kolosi 3:12-13
- c 4:3 Kolosi 3:14-15
- d 4:6 1 Korin 12:6
- e 4:7 Rom 12:3, 6
- f 4:9 Jon 3:13
- g 4:11 1 Korin 12:28
- h 4:13 Kolosi 1:28
- i 4:15 Kolosi 1:18; 2:19
- j 4:17 1 Pita 1:14; Rom 1:21
- k 4:22 Rom 8:13; Kolosi 3:9
- l 4:23 Rom 12:2
- m 4:24 Stat 1:26; Kolosi 3:10
- n 4:25 Kolosi 3:8-9; Sekaraia 8:16
- o 4:26 Buk Song 4:4; Jems 1:19-20
- p 4:29 Kolosi 4:6
- q 4:30 Aisaia 63:10; 1 Tesalonika 5:19; Epeses 1:13-14
- r 4:31 Kolosi 3:8
- s 4:32 Matiu 6:14; 18:22-35; Kolosi 3:12-13