2 Mulor tai alar a liur a sipsip ane God, ning di saran tari tetek mulo sur mulor tai alari. Gong mulo titol anasa a tarai ka la angongos tar mulo, mulor titol anasa mulo ot mulo mang sur mulor agasgas e God. Gong mulo titol ka sur a mani. Mulor titol ana tnan gasgas. 3 [b]Gong mulo warkurai rakrakai la ning di ka saran tar la sur mulor tai alar la. Anumulo a lalaun ir arlar ana wakak a manar tetek a liur a sipsip. 4 Ning a Ningnigo na tena tai alar anuna sipsipla ir hanot, mulor kibas a kukuh na matatar ning a matatarna bel ir rarop.
5 [c]Mang otleng larning, mulo na barman, mulor sira anatarna pas mulo tetek la ning la nigo tamulo. Mulo rop mulor anatarna pas mulo artalai, ine anumulo a wakak a mermer. Anasa a Buk Tabu i atongi mang,
6 [d]I maining mulor anatarna pas mulo nahai a rakrakai a kuna e God, sur ning a taim ir sot arlar ana nuknukna, ir aleklek mulo. 7 [e]Mulor saran rop tar anumulo na mamahat tetek e God, anasa i sira tai alar mulo.
8 [f]Mulor tumarang pa mulor warkurai tostos anumulo a lalaun, anasa anumulo a hirua, e Satan, i han taltal arlar ana laion, ning i ngur, pa i tai sur al tarai sur ir ien la. 9 [g]Mulor tur rakrakai ana tortorot pa mulor sairasi, anasa mulo tasmani mang na tastasimulo te na rakrakan hanua rop la kilang na kankan arlar omulo.
10 Ika e God i a God na marmaris, pa oe Karisito i kabah pas mulo sur mulor kes taum onoi ana nuna matatar ning bel ir rarop. A kankan ning mulo kilangi, bel ir bongnani, pa lamur i ot ir awakak ulak pas mulo, ir arakrakai mulo pa ir nangan mulo sur mulor tur rakrakai. 11 A rakrakaina ir kes tikin. Amen.
13 [i]A tarai a lotu ning la kes te e Babilon[j], la saran anunla na marmaris tetek mulo. La a tarai na aslang ane God taum omulo. E Mak, a natuklik ana tortorot, i otleng i saran anuna marmaris tetek mulo. 14 Ning mulo arpastek, mulor maris artalai mulo taum ana argoro na marmaris.
- a 5:1 Jon 21:15-17; Aposel 20:28
- b 5:3 2 Korin 1:24; Pilipai 3:17; Taitus 2:7
- c 5:5 Epeses 5:21; Jems 4:6
- d 5:6 Matiu 23:12; Luk 14:11; Jems 4:10
- e 5:7 Matiu 6:25-30
- f 5:8 1 Tesalonika 5:6
- g 5:9 Epeses 6:11-13; Jems 4:7
- h 5:12 Aposel 15:22, 37-40; 12:2, 25; 13:13
- i 5:13 2 Timoti 4:11
- j 5:13 E Babilon i tur aslang e Rom, pa i warwara larlar ana toltol mite na rakrakan hanua ning i bukus tumo e Rom.