Link to home pageLanguagesLink to all Bible versions on this site
8
1 In finem, pro torcularibus. Psalmus David.[a]
2 [Domine, Dominus noster, quam admirabile est nomen tuum in universa terra ! quoniam elevata est magnificentia tua super cælos.[b]
3 Ex ore infantium et lactentium perfecisti laudem propter inimicos tuos, ut destruas inimicum et ultorem.[c]
4 Quoniam videbo cælos tuos, opera digitorum tuorum, lunam et stellas quæ tu fundasti.[d]
5 Quid est homo, quod memor es ejus? aut filius hominis, quoniam visitas eum?[e]
6 Minuisti eum paulominus ab angelis; gloria et honore coronasti eum;
7 et constituisti eum super opera manuum tuarum.
8 Omnia subjecisti sub pedibus ejus, oves et boves universas, insuper et pecora campi,[f]
9 volucres cæli, et pisces maris qui perambulant semitas maris.[g]
10 Domine, Dominus noster, quam admirabile est nomen tuum in universa terra !]

<- PSALMORUM 7PSALMORUM 9 ->