OSIA Poropeta Osia doko poropeta Emosa lenge dokona panda nyuo kiŋinya isingi yuu Isaraele dulurena pii lao kareya. Ee kana 721 W.K. dokopa yuu taone andake Samaria doko isa pyakaya doko dopa pyano yuu gii wambowa dusipa randa palyuo kareya dokopa baa pii lao kareya. Isaraele wambu dupwa Anatu kaepala bange wakale dupwa kingi leyaminyi yulu dokona lao Osia mona kenda piya. Osiana etenge Goma lenge baa kaepala akali wakale nyuo peyamosa dokona opetae Osia mona kendame kumapala paka nao kongwalu ingyuo lamaiya. Nambana enda dokome namba kaepala akali wakale nyuo pelyamo doko suu pyao nakama Anatu kapa ingingi laa nao kamba laminyi doko yulu koo dokoreke ingyuo pelyamo lao leya. Dopa pilyaminyi dokona Anatumi nakama pyao randa jera, lamaiya. Dopa piramopa Anatumi banya wambu dupwa mona reto yaki nyii nange dokome enakana wambu dupwa range layo nyeramopa range pingi doko suu pyao kararami lao leya. Anatumi banya Isaraele wambu dupwasa dapa leya. Isaraele wambu dupwa nambame nakama apa pyuo yaki nyuo kame soo kaeyarose? ... Nambame nakama mona retapu doko mee ketae ketae reta nange dokona nakama pyaro ingya nalyamo (rombo 11:8).
1 Kiŋi Usaya Jotame Easa dee Esekayamoo Juta wambunya kiŋi ingyuo kareyami dee Jeropome Jewasena ikinyingi doko Isaraele wambunya kiŋi ingyuo karo piyamo yuu gii dokopa Berinya ikinyingi Osia keta Kamongo dokome wai pii lamaiyamo dupwana lao buku dakena pyasi palamo.
Osiana Enda Wanepe Dupwa 2 Kamongome wambo kanda soo Osia keta Isaraele wambu dupwa pii lamaiyamo dokopa baa dopa leya. Emba pamuku enda mende nyela puu. Embena enda dokome embapa mondo lao pali naramopa banya wane wanakepe dupwa baa yaleko ingyuo parami. Dokona suu pyao wambu yuu dakena range dupwame namba yaki nyepala bange isa kanape dupwana mona maiyuo pelyaminyi, leya.3 Leyamo dokopa Osiame akali Dipilaimena wanenge Goma lenge doko nyiya. Dokopa enda doko wane paleyamopa wane ane mende mandeya. 4 Banya rora ambasu akali Jiyu baame yuu Jeserele dokona koo piyamo dokona nambame Isaraele wambunya kiŋi doko randa mairunu yuu gii mende mee kore yuu sera ingya nalyamo dokona lao banya kingi Jeserele lena leya Kamongo dokome. Lapala lao Jiyunya rora ambasumi Isaraele rapu pilyaminyi dupwa nambame ote pinyi nembaro, leya. 5 Yuu gii dokopa yuu pau lama lama Jeserele dokona Isaraele wambunya ami dokona porai renge palipyamo renge kuilyaminyi dupwa pyao kokwa sinyi nembaro, leya.
6 Leyamo dokopa enda Goma baa dee kamba wane paleyamopa wanake mende manjo nyiya. Yuu gii dokopa Kamongome Osia lamaiyuo, Nambame Isaraele wambu dupwa mona randame kumuo nakamana koo dupwa nyuo kame sakamiru ingya nalyamo dokona wanake kingi Mona Reta Nange lena leya. 7 Dopa piramopape nambame Juta wambu dupwa kondome kumuo nyisaro. Namba nakamana Kamongo Anatu dokome nakama nyisaro. Nyisarono doko yanda piraminyipa wua gelape yanda kakupimi nyisaronde daa. Dee mena osemepe mena ose matana petenge akali dupwa pipyamo nyisaronde daako.
8 Dokopa Goma baame wanake anju pyakapala wane paleyamopa wane ane mende kamba mandeya. 9 Dokopa Kamongo dokome lao, Wane banya kingi doko Nambana Wambu Daa lare, leya. Doko nakama Isaraele wambu dupwa nambana wambu daa dee namba nakamana Anatu daako, leya.
Isaraele Wambu Dupwa Enenge Ingyuo Dee Range Nyera 10 Isaraele wambu dupwa ipwa kotana kee silyamo dopale ingyuo ando parami. Dokopa yaka laope makande pyuope pii narami. Epapu nakama langyuo lao, Nakama nambana wambu daa. Dopa laronopape yuu gii mende eparamo dokopa nakama kando lao nakama Anatu lete karenge dokona wane wanakepeŋe lara.
OSIA 2 ->
1 Kiŋi Usaya Jotame Easa dee Esekayamoo Juta wambunya kiŋi ingyuo kareyami dee Jeropome Jewasena ikinyingi doko Isaraele wambunya kiŋi ingyuo karo piyamo yuu gii dokopa Berinya ikinyingi Osia keta Kamongo dokome wai pii lamaiyamo dupwana lao buku dakena pyasi palamo.
3 Leyamo dokopa Osiame akali Dipilaimena wanenge Goma lenge doko nyiya. Dokopa enda doko wane paleyamopa wane ane mende mandeya. 4 Banya rora ambasu akali Jiyu baame yuu Jeserele dokona koo piyamo dokona nambame Isaraele wambunya kiŋi doko randa mairunu yuu gii mende mee kore yuu sera ingya nalyamo dokona lao banya kingi Jeserele lena leya Kamongo dokome. Lapala lao Jiyunya rora ambasumi Isaraele rapu pilyaminyi dupwa nambame ote pinyi nembaro, leya. 5 Yuu gii dokopa yuu pau lama lama Jeserele dokona Isaraele wambunya ami dokona porai renge palipyamo renge kuilyaminyi dupwa pyao kokwa sinyi nembaro, leya.
6 Leyamo dokopa enda Goma baa dee kamba wane paleyamopa wanake mende manjo nyiya. Yuu gii dokopa Kamongome Osia lamaiyuo, Nambame Isaraele wambu dupwa mona randame kumuo nakamana koo dupwa nyuo kame sakamiru ingya nalyamo dokona wanake kingi Mona Reta Nange lena leya. 7 Dopa piramopape nambame Juta wambu dupwa kondome kumuo nyisaro. Namba nakamana Kamongo Anatu dokome nakama nyisaro. Nyisarono doko yanda piraminyipa wua gelape yanda kakupimi nyisaronde daa. Dee mena osemepe mena ose matana petenge akali dupwa pipyamo nyisaronde daako.
8 Dokopa Goma baame wanake anju pyakapala wane paleyamopa wane ane mende kamba mandeya. 9 Dokopa Kamongo dokome lao, Wane banya kingi doko Nambana Wambu Daa lare, leya. Doko nakama Isaraele wambu dupwa nambana wambu daa dee namba nakamana Anatu daako, leya.