Jonha̱ Nala̱ma Ne̱i̱ Tawale Ta̱ Jon e̱ kuguo tage nala̱mamo͡u, sobo͡u debo͡u e̱ sisigo̱bo͡u kedia̱moko͡u ne̱i̱. Ke̱no͡u si, tewe o ilo kelege tawale ibe, sobo͡u debo͡u e̱ sisigo̱bo͡u kaha̱ sibige̱be sa ta damale̱yodele i o sasa̱i̱ kedia̱dade tawale i. Haba ilo kelegebe damale̱do sobo͡u debo͡u e̱ sisigo̱bo͡u kedia̱moko͡u nala̱ma ne̱i̱dade tawale i. Jonha̱ egei sasafe̱i̱ nala̱i̱ saga̱i̱ ke̱no͡u tefele haba nala̱i̱. Tabe, ni̱ge ni̱o͡u sie yogo tagaiba tagaiba demabeedei ke̱ nala̱i̱. Haba tabe, ogo͡u gai egei tobo͡u di o kedia̱ ta̱ dudamabeedei ke̱ nala̱i̱. Kuguo 2 Jon ko͟͡umaha̱ sibige̱ kaha̱ widio ta̱ hiyebe tano͡u fe̱i̱ dala.
1 A̱me odo, a̱ kuguo ko͟͡u nala̱ma, sobo͡u de na̱bo͡u, ne̱ sisigo̱bo͡u de*1:1 Sobo͡u debo͡u e̱ sisigo̱bo͡u de kaha̱ ta̱ sibige̱be ko͡u gue saga̱i̱, damale̱yodei o sasa̱i̱, sa ta tie kedia̱ sa̱ degei. Na̱ 1:13 kaha̱ tawale ta̱ koko͡u ne dugu. ni̱moko͡u neli̱ kuhe̱. Na̱me Godi yo͟͡u e̱ biyodema makai. A̱ ni̱moko͡u hoho̱ hiyedo degeli. Damale̱do, a̱no͡u mei, damale̱do Godi tewe o sasa̱i̱ olo͡u fe̱i̱ kedia̱ne ni̱ tagale idi. 2 Damale̱do ta̱ ke̱me ifi dibo͡u de dala, habagene tofousogo kegeno͡u dalale kaha̱ degemo͡u, ei ni̱ tagale idi. 3 Di damale̱do ta̱ ko͡u duloba, diyo͡u sie yogo tagaiba tagaiba debabe, Aye Godibo͡u, e̱ Dihi Yesu Kelesubo͡u dilie dimoko͡u solo͡u do dege, habagugueiba, di bologua̱do dalaguale.
Di diyo͡u sie yogo tagaimo͡u tagaimo͡u dedi midiho̱ ke̱ degeme 4 A̱ hoho̱ hiyedo degeli. Yobe, oe tobo͡u mo͡u a̱ dube, ne̱ sisigo̱ ilo kedia̱me ta̱ damale̱do, di Ayeha̱ di dumabeedei ke̱ dulo sesele iliyode tobo͡u mo͡u du kaha̱ degemo͡u. 5 Sobo͡u de, ta̱ a̱ nalolu̱ ko͟͡ume ta gehe̱ mei. Ta̱ ke̱me ko͡u gue, dige diyo͡u sie yogo tagaiba tagaiba deme. Egei ko͟͡ume di ko͡u dumo͡u hagulugi, ifine kegeno͡u dulo ili kuhe̱. 6 Di Godiko͡u hoho̱ degedi midiho̱be ko͡u gue, di ta̱ olo͡u fe̱i̱ e̱ ko͡u tobou ke̱no͡u seseme. Damale̱do, yo͟͡u tobo͡u mo͡u ni̱ dumo͡u hagueibe ko͡u gue, ni̱ ni̱o͡u sie yogo tagaiba tagaiba dema. Di Kelesuha̱ ta̱ ke̱ defe̱i̱do to͡u me 7 Ni̱ duma, o su̱do sa sa olo͡u fe̱i̱ ogo͡u ga tobo͡u mo͡u suluguadi. O kedia̱me damale̱yodili mei, Yesu Kelesube o baga hagueli meiyode tobolo͡u idi. Ogo͡u gai egei tobo͡u di o kegei ke̱me Kelesuha̱ ho o. 8 Kegei degemo͡u, ni̱o͡u tawaibo͡u, ni̱ dabai di degele idi kaha̱ hebe bolofe̱i̱ ke̱ to͡u fogouye. Ni̱ nele̱do dege tafalaguali, hebe bolofe̱i̱ ke̱ olo͡u fe̱i̱ mo͟͡uma. 9 O koyoha̱ Kelesuha̱ hehegiedi ta̱ ke̱ to͡u ho fogo͡u ba, haba ta̱ gehe̱ ta seseibabe, e̱me Godibo͡u de dogo͡u guo dala mei. O taha̱ Kelesuha̱ ta̱ ke̱ to͡u basi, e̱me Aye Godibo͡u e̱ Dihibo͡u de dogo͡u guo dala. 10 O ta ni̱moko͡u haguale kaha̱ge, ta̱ bolofe̱i̱ ke̱ tolo͡u haguyo mei debabe, ni̱ o koko͡u ta agali bolofe̱i̱yodema, ni̱ moso̱ko͡u hobo͡u wolo͡u folodama. 11 O koyoha̱ge o kegei koko͡u bolofe̱i̱yode tobo͡u babe, e̱me o ke̱bo͡u de dogo͡u guo, dabai kasaga̱i̱ o kaha̱ degedi ke̱ degele. Odo Jonha̱ o sasa̱i̱ kedia̱ dugulo saga̱i̱ degeli 12 A̱ ni̱moko͡u ta̱ hiyedo ko͡u tobolo͡u saga̱i̱ye, ke̱no͡u si a̱ kuguono͡u nala̱ma nele̱be dafa. Mayo͟͡uno͡u ile, ni̱ geleguoba, di ta̱ koloba hoho̱ hiyedo degele ke̱ tagali.13 Ne̱ owo͡u,*1:13 Ta̱ ne̱ owo͡u ha̱ sisigo̱yodei kaha̱ sibige̱ ke̱me damale̱yodei o sasa̱i̱ Jon e̱bo͡u de deleiguei kedia̱ tobolo͡u. e̱me Godi yo͟͡u e̱ biyodema makai, e̱ sisigo̱ olo͡u fe̱i̱ dia̱ ni̱moko͡u agali bolofe̱i̱yodili.
1 A̱me odo, a̱ kuguo ko͟͡u nala̱ma, sobo͡u de na̱bo͡u, ne̱ sisigo̱bo͡u de*1:1 Sobo͡u debo͡u e̱ sisigo̱bo͡u de kaha̱ ta̱ sibige̱be ko͡u gue saga̱i̱, damale̱yodei o sasa̱i̱, sa ta tie kedia̱ sa̱ degei. Na̱ 1:13 kaha̱ tawale ta̱ koko͡u ne dugu. ni̱moko͡u neli̱ kuhe̱. Na̱me Godi yo͟͡u e̱ biyodema makai. A̱ ni̱moko͡u hoho̱ hiyedo degeli. Damale̱do, a̱no͡u mei, damale̱do Godi tewe o sasa̱i̱ olo͡u fe̱i̱ kedia̱ne ni̱ tagale idi. 2 Damale̱do ta̱ ke̱me ifi dibo͡u de dala, habagene tofousogo kegeno͡u dalale kaha̱ degemo͡u, ei ni̱ tagale idi. 3 Di damale̱do ta̱ ko͡u duloba, diyo͡u sie yogo tagaiba tagaiba debabe, Aye Godibo͡u, e̱ Dihi Yesu Kelesubo͡u dilie dimoko͡u solo͡u do dege, habagugueiba, di bologua̱do dalaguale.
13 Ne̱ owo͡u,*1:13 Ta̱ ne̱ owo͡u ha̱ sisigo̱yodei kaha̱ sibige̱ ke̱me damale̱yodei o sasa̱i̱ Jon e̱bo͡u de deleiguei kedia̱ tobolo͡u. e̱me Godi yo͟͡u e̱ biyodema makai, e̱ sisigo̱ olo͡u fe̱i̱ dia̱ ni̱moko͡u agali bolofe̱i̱yodili.