1 Mina usi Sei di naivo vima yaku vegu amena di[a] koru na oteimaro; bi neva dabu dabu garasi rama guta kana ma Sei ma Mamoe mida di ourefeidena amena fata gutuna iyana reyo.[b] 2 Taoni di ida tobori iyana reyo, ma ini eta berou berou rofu, bi vegu amena di yabo ini meko bouna bouna 12 nufa are reyo. Ina bi eyo neinei ini rama meko varego. Mina yabo di iye bi gagani gagani vene di moi buni rina rofu.[c] 3 Beika baika tau Sei yaku kiraini niyo bi koina nigo.[d]
7 “Neidefo, na doba de degika reida! Mina buka Sei di ago niyo neidego amiye bi ada rego!”
8 Na, John, na bi kaere mina neidesi veyaka mini. Mina neidesi vegasa Sei di naivo naivo vima mina na oteimaro nivakegi ini yuka adinari seira rofu raudai reyaka, 9 idu na rofu niyo, “Mina bi ga re![f] Na bi ya ma yi usika ourena Sei di ago niyadi vene ma amiye, kaere mina buka di ago neidededi venesa naivo amiye kana. Sei maka nivakebi!” 10 Ka na niyo, “Mina bukari Sei di ago niyo bi kake risi moi sui ga ri, adina mina beika baika di vata nina meda bi atafu nigo. 11 No redo amiye toga no reyaine, ma mokena no yogo nido amiye toga yogo niyaine, ma mokena rorobo nufa amiye bi toga rama reyaine, ma kikifa redo amiye bi toga kikifa reyaine.”[g]
12 “Neidefo, evade amiye tau noibanu vegu reyadi dada, ini obini magika bi baegida.[h] 13 Na bi ouresi ma gabi‡Na bi ouresi ma gabi: Greek agori mina bi Na bi Alpha ma Omega. Mina bi ini alphabet di ourena ma metona leta. mamo, ouresi ma turi, adina ma metona bi na.”[j]
14 Ini varuka doba koiteyadi[k] vene bi buni tora gade mago, ye vegu ameibobina yabo di rama irigika, di vava moisi taoni di ida vena di biri dui reyaganedi.[l] 15 Ye auna di moke moke vene, ore vene, koa rededi vene, umuyededi vene, ofa sei nivakededi vene ma ofa vegu uka masi rededi vene tau noibanu bi etofarori amededi.
16 “Na Iesu, na bi nai naivo naivo vima mina vegu ekalesia vene ya rofu niokugi moi feideyaka. Na bi David di dava[m] ma ini tutubena amiye yokoi; na bi Magai kinifo redo kana.”[n]
17 Vima ma mego rema yomakai nidedi, “Bae!”[o]
20 Mina vegu rofu niokuyo amiye yomakai niyo, “Rama na evade baegida!”
21 Varika amiye Iesu di buni tora gade bi ya[t] tausa ameyaine. Rama.
<- Niokuna sina 21- a Bura bedakai ka kino de nufa.
- b Ezek 47.1; Zech 14.8
- c Gen 2.9; Ezek 47.12
- d Zech 14.11
- e Is 60.19; Dan 7.18
- f Bura bedakai ka Adina... nufa.
- g Dan 12.10
- h Ps 28.4; Is 40.10; 62.11; Jer 17.10
- i Na bi ouresi ma gabi: Greek agori mina bi Na bi Alpha ma Omega. Mina bi ini alphabet di ourena ma metona leta.
- j Is 44.6; 48.12; Rev 1.8, 17; 2.8
- k ini varuka doba koiteyadi; bura bedakai ago gira neideyadi; nufa.
- l Gen 2.9; 3.22
- m dava: Greek agori mina bi daru.
- n Is 11.1, 10
- o Is 55.1
- p rego; bura bedakai reyaine nufa.
- q Deut 4.2; 12.32
- r yabo; bura bedakai di buka nufa.
- s yakugo; bura bedakai yakuyaine nufa.
- t ya; bura bedakairi Sei di vene; nufa.