Philemon rofu Ago di ini adina Philemon bi ekalesia amiye gira tora yokoi, Colossae taoni di dubu amiye yokoi. Ma ina ka bi moimai rei tavoi rena amiye yokoi ini roka Onesimus di varika amiye. Mina moimai rei tavoi reyo amiye bi Philemon rofu ori disi Paul diburari amedo mina baku reyo. Paul dada, Onesimus bi ekalesia amiye niyo. Paul di bura Philemon rofu, bi Philemon usa niyo ini moimai rei tavoi reyo amiye uka yokoi maka nisi ina rofu dairiyainedi. Paul yaku Onesimus Philemon rofu moi feideyo, ada dudu moi dairisi ini moimai rei tavoi redo amiye kana de, idu ekalesia amiye ini dubuini kana niyaine. Beika sina ideri Ago di ini adina 1–3 Philemon di uka mana ma mokena vari gira aena 4–7 Philemon yaku Onesimus dairi moigi usa usa niyo 8–22 Metona ago 23–25
1 Mina bura bi na Paul, Iesu Keriso dada, dibura yavari ameida ma uni dubuini Timothy vakoi gutuna—
Uni uka masi vakoi moimai resifa amiye Philemon ya rofu, 2 ma uni tobaini*uni tobaini; bura bedakai uka masifa amiye nufa. Apphia, ma Archippus rofu, kaere bi Sei di unasa iya redo amiye, ma ekalesia vene kaere bi yi yavari egogo rededi:✡Col 4.173 Uni Baba Sei ma Varika amiye Iesu Keriso di buni tora gade ma uka amuta ya maragane.
Philemon di uka mana ma mokena vari gira aena 4 Ari neinei nai usa usa ninari, ya mokesi nai Sei rofu buni tora gade maida, 5 adina bi yi sina neideyaka, ya bi Sei di vene uka masi Varika amiye Iesu rofu mokena vari gira aesi ameisa. 6 Nai usa usa nina ya rofu bi yi mokena vari gira aena rau rena bi rebiyainedi, ye beika buni tau Keriso rofu moiyafa†moiyafa; bura bedakai moiyadi nufa. mina bi diba kotana niyainedi. 7 Nai dubuini, Sei di vene tau noibanu uka maisa dada, ini mokena moi gira risa. Makai dada, na bi ada reida‡ada reida; bura bedakai Sei rofu buni tora gade maida nufa. ma nai uka ka buni amedo! Onesimus moigika usa niyo 8 Mina resi na bi Keriso di rokari uka bubu ma ago gira dudu beika reyainedi ya nida, 9 idu bi uka mana fafau ya usa nigida. Na Paul, kaere ugava niyaka, ma gua ka bi Iesu Keriso di dibura amiye. 10 Nai usa bi yomini: Onesimus rofu di, kaere bi dibura ideri amegamakari, nai mida kana niyo.✡Col 4.9 11 Sena ina bi no iniye iniye ya rofu, idu gua bi ya ma na rofu ka buni iniye§buni iniye: Mina roka Onesimus Greek agori bi “buni iniye”. niyo.12 Ya rofu dairi nifeideida mini, ina kaere bi nai uka meko. 13 Nai ura bi nasa amebiyaine, ye ago buni dada dibura ideri ameidari, bi yi sanari na aedego. 14 Idu ya diba nina koderi na ura reida bi, yi vegu buni beika ura regiya, bi yi mokena dudu regiya, ma nai mokena dada bi de.
15 Mina neituari ya fereyo di adina, bi dairisi kamini toga toga yasa ameibobiyainedi baeko, 16 idu moimai rei tavoi redo amiye kana mirona amei baegamo kana de; gua bi uka mana dubuini kana. Ina bi nai uka maida, idu ya rofu bi mokei vava tora iniye regiya, vakoi amiye kana ma Varika amiye ideri dubuini kana.
17 Ye, ya yaku mokegiya na yi asini vonisi, bi na moi dui regiya kana ina ka makai re. 18 Ye, ya rofu beika no be reyo o beika moiyo, mina de ya mai dairiyo, bi nai rokari ae. 19 Na Paul, na kaya nai vana dudu bura reida. Beika moiyo bi dudusa ya mai dairigida. Ma ya kaya yi vegu bi nai, mina de niokugida. 20 Nai dubuini, nai ura reida na bi ya rofu Varika amiye dudu obini be moigida. Keriso dudu nai uka moi ada revo!
21 Ya rofu bura resi bi yi neidenari ya rofu mokena buni mokeida. Na na diba beika ya usa nida bi ya yaku besa besa regiya dada. 22 Ma sina yokoi ka bi yomini: Nai daiyutu yokoi moi dogo re. Adina nai uka mokena aeda bi Sei yaku yi usa usa nina neidesi na ya rofu moi dairigo.
Metona ago 23 Nai asini Epaphras, kaere bi Iesu Keriso dada nasa dibura yava ideri amedo, ya vene rofu ini yuata nifeidedo.✡Col 1.7; 4.12 24 Nai moimai resifa vene Mark, Aristarchus, Demas ma Luke yaku ka ini yuata nifeidededi.✡Acts 12.12, 25; 13.13; 15.37–39; 19.29; 27.2; Col 4.10, 14; 2 Tim 4.10, 1125 Varika amiye Iesu Keriso di buni tora gade bi ya vene di vimasa amebiyaine.
- a uni tobaini; bura bedakai uka masifa amiye nufa.
- c moiyafa; bura bedakai moiyadi nufa.
- d ada reida; bura bedakai Sei rofu buni tora gade maida nufa.
- ~6~ buni iniye: Mina roka Onesimus Greek agori bi “buni iniye”.
✡1:24:
Acts 12.12, 25; 13.13; 15.37–39; 19.29; 27.2; Col 4.10, 14; 2 Tim 4.10, 11
1 Mina bura bi na Paul, Iesu Keriso dada, dibura yavari ameida ma uni dubuini Timothy vakoi gutuna—
3 Uni Baba Sei ma Varika amiye Iesu Keriso di buni tora gade ma uka amuta ya maragane.
12 Ya rofu dairi nifeideida mini, ina kaere bi nai uka meko. 13 Nai ura bi nasa amebiyaine, ye ago buni dada dibura ideri ameidari, bi yi sanari na aedego. 14 Idu ya diba nina koderi na ura reida bi, yi vegu buni beika ura regiya, bi yi mokena dudu regiya, ma nai mokena dada bi de.
15 Mina neituari ya fereyo di adina, bi dairisi kamini toga toga yasa ameibobiyainedi baeko, 16 idu moimai rei tavoi redo amiye kana mirona amei baegamo kana de; gua bi uka mana dubuini kana. Ina bi nai uka maida, idu ya rofu bi mokei vava tora iniye regiya, vakoi amiye kana ma Varika amiye ideri dubuini kana.
17 Ye, ya yaku mokegiya na yi asini vonisi, bi na moi dui regiya kana ina ka makai re. 18 Ye, ya rofu beika no be reyo o beika moiyo, mina de ya mai dairiyo, bi nai rokari ae. 19 Na Paul, na kaya nai vana dudu bura reida. Beika moiyo bi dudusa ya mai dairigida. Ma ya kaya yi vegu bi nai, mina de niokugida. 20 Nai dubuini, nai ura reida na bi ya rofu Varika amiye dudu obini be moigida. Keriso dudu nai uka moi ada revo!
21 Ya rofu bura resi bi yi neidenari ya rofu mokena buni mokeida. Na na diba beika ya usa nida bi ya yaku besa besa regiya dada. 22 Ma sina yokoi ka bi yomini: Nai daiyutu yokoi moi dogo re. Adina nai uka mokena aeda bi Sei yaku yi usa usa nina neidesi na ya rofu moi dairigo.
25 Varika amiye Iesu Keriso di buni tora gade bi ya vene di vimasa amebiyaine.
- a uni tobaini; bura bedakai uka masifa amiye nufa.
- c moiyafa; bura bedakai moiyadi nufa.
- d ada reida; bura bedakai Sei rofu buni tora gade maida nufa.
- ~6~ buni iniye: Mina roka Onesimus Greek agori bi “buni iniye”.
✡1:24: Acts 12.12, 25; 13.13; 15.37–39; 19.29; 27.2; Col 4.10, 14; 2 Tim 4.10, 11