1 Adina ago gira bi beika baika buni baegedi di vima maka, mina beika baika rama iniye kana bi de. Ye mina ori sisika rena lagani neineiri, bi nivakegi atafu baededi vene toga toga moi ruaka de rigo. 2 Makai bi ori sisika regi biri de riyadu, Sei nivakeyadi vene uru yokoi maka ini uka di mokena moi ruaka riyagadu dada, ye vegu no rofu toga de amutebigedi. 3 Idu ina vene yaku lagani neineiri mina ori sisika regasa ini vegu no rofu mokei ruaka regamadi. 4 Ini adina boromakau rumana ma gouti di dava bi vegu no toga toga koite makugi anua regedi.
5 Mina resi, Keriso konori digasa yomakai niyo:[a]
11 Kamini Sei ma amiye utari naivo vene tau gade meda neineiri, ini naivo regika are resi ori sisika rena bi dudusa dudusa rededi; idu mina vegu bi vegu no koite makugi toga toga anua regedi.[c] 12 Idu Keriso yaku uru yokoi makari meda tau noibanu rofu, vegu no di aira yokoi magasa Sei di vana rama rofu ameinu reyo.[d] 13 Mirona ituari tua redo, ini tuma vene ini yuka aena sana kana rigo mamo. 14 Adina aira yokoi maka manari bi moi akeke rido vene toga toga moi rorobo iniye riyo.
15 Kamini Vima kikifa ka una rofu ninegau redo; ouresi yomakai niyo:
26 Ini adina ago rama diba niyafa, ye gabi uni mokena dada toga vegu no ura resi rebigifa vonisi, ka bi vegu no rofu ori sisika rena yokoi de rego. 27 Idu Sei rofu ruda rededi vene ori dudu, kota rena ma ita yama yama resi ori kamu rego mina tua regedi![h] 28 Amiye kaere Moses di ago gira neidena de reyori, bi amiye remanu o regode di ninegau reyadi ago dudu, amiye tau yaku iriyeduka de resi umuyeyadi.[i] 29 Ye mokeisa ba ide, amiye kaere moi akeke riyo, uka ago di dava moi no risi buni tora gade di Vima nifafana resi Sei di Mida ini yuka gabireri etei riyo, bi ini obini no iniye iniye moigo?[j] 30 Adina una una diba amiye kaere yaku yomakai niyo, “Na yaku vegu no dairisi ini obini magida;[k] mina obini bi nai”; resi ka niyo, “Varika amiye ini vene moi kota aego.”[l] 31 Vegu amedo Sei di vanari yaregi bi ori tora gade nufa!
32 Senagi moi vabara riyo ma esika esika no iniye iniye moina dudu, are rei gira reyadiri meda mokefa. 33 Meda yokoiri ariara ya rofu nifafana resi esika ya maradi; ma meda yokoiri ya bi vegu makai reyadi vene di asini. 34 Adina dibura yavari amegamadi vene[m] rofu iriyeduka resi yi gugura vadumeyadiri ada dudu nimaradi, ya kaya ya diba niyadi, gugura burefe toga toga amego bi ya venesa[n] dada. 35 Mina dada yi mokena buni youfeidena ga refa, bi obini tora nufa dada. 36 Ini adina ya are rei gira regedi bi buni, ye Sei beika ura redo, ya mina regasa beika nitore reyo moigedi dada. 37 Adina:[o]
- a Ps 40.6–8
- b Aiyo; bura bedakai bi Sei nufa.
- c Ex 29.38
- d Ps 110.1
- e Jer 31.33
- f Jer 31.34
- g Lev 8.30; Ezek 36.25
- h Is 26.11
- i Deut 17.6; 19.15
- j Ex 24.8
- k Bura bedakai ka Varika amiye vo niyo nufa.
- l Deut 32.35, 36
- m amegamadi vene; bura bedakai amegamakari na nufa.
- n Bura bedakai ka omari nufa.
- o Hab 2.3, 4
- p nai; bura bedakai mina ago nufa de.