70
Genembo Eni God Kena Sonemba Dae Banungusira.
1 Arie God, nine namoa dara kena sainghimbe baso jebugaone. Bajari,
oroko nembo foa na sonembase!
2 Gegenembo mendeni namoa daoro ambono dae erera, ava dedo atai dubo da fatido aso,
dubo bunedo meka gaore! Kotugo gegenembo mendeni, na dara jokáda irena aindae,
ivugai jaruterera, ava ondaso jovereghe yaoro, aso nenda binó dadabare!
3 Gegenembo aimi namoa sise dere jido gherera, ava fugaso gofedo meka gaore!
4 O evetu genembo nimokena ya gheraera amo, aso ne dubo jama use vure jasedo ghaore!
Evetu genembo nine saghimbe beso jebugusera aimi,
nindae aiyakoe sise eminge sise irore,
“God nusukako numóa teriagori!”
5 Arie God, na rojari a kotugo na makasi bekári. Ava sedo tavareghe, namokena fu!
Arie Bajari, nanda sonemba kato eni tefori. Erá gaimbo eose, totoigo fu, na sonembase!
<- Yaru Divariri 69Yaru Divariri 71 ->