48
Reighi Jerusalem, Ututu Saion Ghae*Afige, geka eni Saion dae gefusera, tuturo 2:6 duruda tege, garesa! da Yaruri.
1 Bajari mo iká bekádari. God da reighi aminda, nunda doriri kakara aminda fetirise,
numoa sakai sarera, evevari. Amingaore!
2 Saion, God da ututu mo, ikáda a numo bekári. Enda da oro oro isambu,
Kini tomanako ainda bogu begaya gosuse, ivuga eraera.
3 Reighi Jerusalem da furu aminda mave terarira amo,
ambo sose fetari da vasa eveva God kena tambarira ava, nune ijugusira.
4 Kini nanjogo totorugedo, ututu Saion ava sosighi ari dae fuseri.
5 Avata, ne ava gi dudukughedo, beka sari bunise, oju sufuseri.
6-7 Aminda ne ojuimi biri jarutuse, kau evetu mandi sasingu fumbari dae use, mema itatameraira,
o bouti da natofo eva dika kanjijigo da jokáda ise oju eraira, ava useri.
8 O namonde mo, God rea usira ava namonde nininguseri.
Avata, oroko namondeda God, Bajari fakina kato ainda reighida teredo, totofo namondeda ditiimi eregosera.
Reighié, nune evovodae tavo ururari dara eni jo tambae arira.
9 Arie God, ninda kamboda tere irise, namane dubo rurudo refesa ava koteraera.
10-11 Evetu genembo isasambu irera, nindae sakai sise irera.
Ninda binó tomanakoi ivegedo ira utu gambari utu gambari tafusira.
Ni bekáda bekáda use, natofo kaifa eraesa aindae, ututu Saion da natofo ivuga arera!
Natofo ijujuse aito eveva fugeraesa aindae, Judah frovensi aminda reighi nanjogo iritirera ava ivuga arera!
12-13 God da natofo, na nemokena resena, namonde furu fakarago ututu Saion eminda dighi birurughusera,
aminda viti denghe birurughuse, ainda duró ava tege givu!
Aminda birurughuse, isoro embo da jungari vasa nanjogo irira, ava tege gae budo kotise irivu!
Amingaovo dae resena da beká mo, sasingu amboda sirorarera aikena eminge sareva.
14 “God roeraé isambu etiri sirorusira, namondeda God ri. Evovodae irarira.
A namondeda giti evovodae jijighuse irarira.”
<- Yaru Divariri 47Yaru Divariri 49 ->
*^ Afige, geka eni Saion dae gefusera, tuturo 2:6 duruda tege, garesa!