136
Ayakoe Sari Da Yaruri.
1 Aiyakoe saore, Bajari dae, ainda susumo nu evevagori, nunda dubo bari evovodae irira.
2 Arie namondeda God, nu god mendeni irera, ainda iká bekáda irira, aikena aiyakoe sevu,
nunda dubo bari evovodae irira.
3 Babojegari isambu ainda Bajari aikena aiyakoe sevu, nunda dubo bari evovodae irira.
4 Nusuka tano babaigo eari gi duduku gheraera, ainda susumo nunda dubo bari evovodae irira.
5 Nunda kotari kasamade aimi utu etiri sirorusira, nundae sakai sevu,
ainda susumo nunda dubo bari evovodae irira.
6 Nune setiri kafuru etoda enda sirorusira, nundae sakai sevu, ainda susumo nunda dubo bari evovodae irira.
7 Iji nengae tambuno ghae nune etiri jaragheraera,
nundae sakai sevu, ainda susumo nunda dubo bari evovodae irira.
8 Iji mo sifo kaifa are dae usira, ainda susumo nunda dubo bari evovodae irira.
9 Tambuno damanade tumba kaifa aore dae usira, ainda susumo nunda dubo bari evovodae irira.
10 Egypt embo vide jamena bebego isambu nune detiri sirivusera,
aindae sakai sevu, ainda susumo nunda dubo bari evovodae irira.
11 Nune giti biri namonde Israel embo Egypt ghedo buvurutuseri, ainda susumo nunda dubo bari evovodae irira.
12 Nunda ungo fakinagoimi namonde unumbetiri buvurutuseri,
ainda susumo nunda dubo bari evovodae irira.
13 Nune setiri eva kokoigo Israel embo da dombuda sarigusira, ainda susumo nunda dubo bari evovodae irira.
14 Sarigetiri, Israel embo nune unumbetiri sefuseri, ainda susumo nunda dubo bari evovodae irira.
15 O Egypt embo da kini fero nunda isoro embode nune fatiri mindi sirivuseri, ainda susumo nunda dubo bari evovodae irira.
16 Nune giti beari, nunda natofo Israel embo evetu genembo a uvu irae vasa aminda deinghedo ghusera,
aindae numokena sakai sevu, ainda susumo nunda dubo bari evovodae irira.
17 Kini mane fakina kakato nanjogo ava, nune detiri sirivusera aindae, sakai sevu,
ainda susumo nunda dubo bari evovodae irira.
18 Kini mane binode binode ava nune detiri sirivuseri, ainda susumo nunda dubo bari evovodae irira.
19 Amo Sihon, Amorite embo da kini avo, ainda susumo nunda dubo bari evovodae irira,
20 kotugo Og, Bashan embo da kini detiri ambududurusira aindae barago sakai sevu,
ainda susumo nunda dubo bari evovodae irira.
21 Kini mane resera, ainda enda nune bambu nunda natofokena soro usira, nunda dubo bari evovodae irira,
22 namondeda natofo Israel embo, nunda saramana kakato, aikena soro etiri nenda tofodae rurusera,
aindae sakai sevu, ainda susumo nunda dubo bari evovodae irira.
23 Namonde gitofu kena gofedo ghusera ainda sifoda, nu namonde itatako jo kotae ae edo ghusira, ainda susumo nunda dubo bari evovodae irira.
24 Namonde gitofukena sainghimbe beari, namonde jebugedo ghusera,
aindae sakai sevu, ainda susumo nunda dubo bari evovodae irira.
25 Evetu genembo isambu a roera isambu endada, utukena a kotugo evada jebuga irera,
ainda uvu bayau nune muturaira, aindae numokena sakai sevu, ainda susumo nunda dubo bari evovodae irira.
26 Arie, God utuda irá gheraira aikena sakai sevu, ainda susumo nunda dubo bari evovodae irira.
<- Yaru Divariri 135Yaru Divariri 137 ->