Yaru Divariri 120

120

Sonemba Dae Banungariri

1 Na darada fetedo ghusena da sifo aminda,

Bajari namo sonembare dae banungedo ghuseni.

Banungeono ningido na nune sonembedo ghusira.

2 Arie Bajari, namoa gungubo kakato

a derari kakato eikena bu darigaso dae resena.

3 Gungubo kakato, God nendae nange ari?

Nu nendae kau nange ari ghamo barevu?

4 Ne taká isoro emboda feva da goroba mendó sighonogo aimi gae babasiguse,

avaraka imo kokoigo beká aimi dungari avareva.

5 Nenda jokáda irari mo, eko bekári, kau esa yavai ya,

evetu genembo nenda otu ekoko reighi Meseki o Keda[a] embo ainda irari da kaugori.

6 Na evetu genembo beisiga tataya kakatode ghousa futo irana,

imboe beká erira.

7 Na dubo jama da genembori,

avata ne nanjigo beisiga tataya dodo iroro dae sarena amo,

ne isoro ari dae sarera.