11
Dara Furarira Da Sifoda, Bajari Tumondaore!
1 Na Bajari tumonduse numokena
ambo sose fetarena.
Ágido, na gitofukena eminge saeteni, “Erá gogovara use,
namokena eminge seose: ‘Rika da kaugo edo doririda ghumbu ya jungase!’ ”
2 Ai resira amo, gi! Ari ekoko embo itumuda jungutuse,
nenda goroba fevada fifitige afedo, evetu genembo eveva ava gayari dae kato eraera.
3 Irari isambu beje soesa arira da sifoda genembo eveva nange ari?
4 Bajari nunda kambo kakara jokáda irira,
Bajari nunda anumba vasa utuda irira.
Aminda irise, evetu genembo tano reda reda endada irise,
rejo eraera ava, ditimi gosuse kasama eraira.
5 Nu evetu genembo eveva a eko ava dere gosuse,
mave agho dari bejise, de goroghari uju eraira ava, gari imboe beká eraira.
6 Nu imo buburago, imbosi eko masaghae ava muteari
ari ekoko embokena vose foa gheraira.
Nu yaura veverago aimi avari ghamo baoro dae muturaira.
7 Ainda beká mo, Bajari mo kosasa tefori, nu aito fugari eveva ava dubo buraira.
Mave amingarira aimi, ne nunda dombu gosuse ivuga use irarera.
<- Yaru Divariri 10Yaru Divariri 12 ->