Ma FWACKYUK Nu Sel John Tukakinyen Ma FWACKYUK Nu Sel John Book se inge ke Ma Fwackyuk Nu Sel John tuh simla ke pacl akkeokyeyuk mwet Christian ke sripen lulalfongi lalos ke Jesus Christ, Leum lalos. Mwet se ma sim inge el kena yohk tuh kas lal in akkeye insien mwet su ac riti, ac oru tuh in oasr finsrak ku lalos ke elos ac mutangla mwe keok ac mwe kalya nu selos. Inkaiyen book se inge fahkak ke aruruma ac mwe akul ac lumah pus saya, ma tuh kalem sin mwet Christian in pacl sac, a mwet saya elos tiana kalem kac. In oana soko on ma pusra uh ac aukoki ac kalweniyuk, nunak yohk in book se inge kalkalwen ke ouiya pus ac ke kain in aruruma pus. Finne tia oana sie nunak lun mwet uh ke lungasyen kalmen book se inge, tusruktu sripa yohk uh kalem na: God El ac fah kutangla mwet lokoalok nukewa lal ac oayapa Satan, kacl Christ, Leum lasr; ac nu selos su oaru nwe ke safla, God El ac fah akinsewowoyalos ke sie kusrao sasu ac sie faclu sasu ke pacl se kutangla se inge aksafyeyukla. Takla Lun Koanon Book Se Inge Kas in tukakunla 1:1–8 Aruruma se meet ac leta nu sin church itkosr 1:9—3:22 Book limlim ma oasr sil itkosr kac 4:1—8:1 Mwe ukuk itkosr 8:2—11:19 Dragon soko ac kosro aksangeng lukwa 12:1—13:18 Kutu pac aruruma 14:1—15:8 Ahlu itkosr ke kasrkusrak lun God 16:1–21 Kunausyukla Babylon, ac kutangyukla kosro soko, mwet palu kikiap, ac Devil 17:1—20:10 Nununku safla 20:11–15 Kusrao sasu, faclu sasu, Jerusalem sasu 21:1—22:5 Kas in aksafye 22:6–21
1 Pa inge ma God El fahkak nu sel Jesus Christ, tuh elan ku in fahkak nu sin mwet kulansap lal ke ma su ac fah sa in sikyak. Christ el akkalemye ma inge nu sel John, mwet kulansap lal, ke el supwala lipufan lal nu yorol, 2 ac John el fahkak ma nukewa ma el liye. Pa inge ma el fahkak ke kas ma tuku sin God me, ac ke ma pwaye su fwackyuk sin Jesus Christ. 3 Insewowo mwet su riti book se inge, ac elos su lohng kas in palu inge ac akos ma simla in book se inge! Tuh apkuran me pacl ac sikyak ma inge nukewa.
Kas In Paing Nu Sin Church Itkosr 4 Ma sel John, nu sin church itkosr in acn Asia: Lungkulang ac misla nu suwos sin God, su oasr in pacl inge, ac su nuna oasr oemeet, ac su ac fah oasr ke pacl fahsru; oayapa sin ngun itkosr ye mutun tron lal, 5 ac sin Jesus Christ, mwet loh oaru, su akmoulyeyukyak oemeet liki misa, ac el leum fin tokosra nukewa fin faclu. Christ el lungse kut, ac ke srahl su sororla kacsr el tulekutla liki ma koluk lasr; 6 ac el orekutla in sie tokosrai in mwet tol, tuh kut in kulansupu God, Papa tumal. Wolana ac ku in ma lun Jesus Christ nwe tok ma pahtpat ac ma pahtpat! Amen.7 Liye, el tuku fin pukunyeng uh. Mwet nukewa ac fah liyal, ac elos su faksilya elos ac wi pac liyal. Mwet nukewa fin faclu ac fah tungel. Aok, ac fah ouinge!
8 Leum God Kulana, su oasr inge, ac omeet, ac ke pacl fahsru, El fahk, “Nga Alpha ac Omega.”
Sie Aruruma Ke Christ 9 Nga John, ma liwos su wi kowos fahsr tukun Jesus, ac kut tukeni mongfisrasr in muteng mwe keok su tuku nu sin mwet nukewa in Tokosrai Lal. Utuku nga nu fin tuka Patmos ke sripen nga sulkakin kas lun God ac oayapa ma pwaye su Jesus el fahkak nu sik. 10 Ke len lun Leum, ku lun Ngun ilyak nu in nga, ac nga lohng sie pusra lulap tukuk, oana pusren sie ukuk, 11 su fahk, “Simusla ma kom liye, ac supwala nu sin church itkosr in siti inge: Ephesus, Smyrna, Pergamum, Thyatira, Sardis, Philadelphia, ac Laodicea.”12 Nga tapulla in liye lah su kaskas nu sik, ac nga liye nien lam gold itkosr, 13 ac inmasrlon nien lam uh oasr sie ma su oana luman mwet se, ac el nokomang sie nuknuk loes nu ke nial, ac lolani iniwal ke mwe lohl gold. 14 Aunsifal fasrfasr oana unen sheep ku snow, ac atronmutal firir oana e; 15 ac nial saromrom oana bronze su aknasnasyeyukla ac aksaromromyeyukla, ac pusracl oana pusren kof putat. 16 El sruok itu itkosr ke lac paol layot, ac sie cutlass kosroh ma oasr muta luo kac tume liki oalul. Mutal saromrom oana kalem lun faht ke infulwen len uh. 17 Ke nga liyal nga putati nu ke nial oana mwet misa se. Ac el likiya lac paol layot nu fuk ac fahk, “Nimet kom sangeng! Nga mutawauk ac nga oayapa safla. 18 Nga el su moul! Nga tuh misa, a inge nga moul ma pahtpat ac ma pahtpat. Oasr ku luk fin misa ac fin facl sin mwet misa. 19 Ke ma inge, simusla ma kom liye, kewana ke ma in pacl inge ac ke ma ac fah tuku tok uh. 20 Kalmen ma lukma ke itu itkosr ma kom liye ke lac pouk layot, ac ke nien lam gold itkosr uh pa inge: itu itkosr uh pa lipufan lun church itkosr, ac nien lam itkosr uh pa church itkosr.
FWACKYUK 2 ->
1 Pa inge ma God El fahkak nu sel Jesus Christ, tuh elan ku in fahkak nu sin mwet kulansap lal ke ma su ac fah sa in sikyak. Christ el akkalemye ma inge nu sel John, mwet kulansap lal, ke el supwala lipufan lal nu yorol, 2 ac John el fahkak ma nukewa ma el liye. Pa inge ma el fahkak ke kas ma tuku sin God me, ac ke ma pwaye su fwackyuk sin Jesus Christ. 3 Insewowo mwet su riti book se inge, ac elos su lohng kas in palu inge ac akos ma simla in book se inge! Tuh apkuran me pacl ac sikyak ma inge nukewa.
7 Liye, el tuku fin pukunyeng uh. Mwet nukewa ac fah liyal, ac elos su faksilya elos ac wi pac liyal. Mwet nukewa fin faclu ac fah tungel. Aok, ac fah ouinge!
8 Leum God Kulana, su oasr inge, ac omeet, ac ke pacl fahsru, El fahk, “Nga Alpha ac Omega.”
12 Nga tapulla in liye lah su kaskas nu sik, ac nga liye nien lam gold itkosr, 13 ac inmasrlon nien lam uh oasr sie ma su oana luman mwet se, ac el nokomang sie nuknuk loes nu ke nial, ac lolani iniwal ke mwe lohl gold. 14 Aunsifal fasrfasr oana unen sheep ku snow, ac atronmutal firir oana e; 15 ac nial saromrom oana bronze su aknasnasyeyukla ac aksaromromyeyukla, ac pusracl oana pusren kof putat. 16 El sruok itu itkosr ke lac paol layot, ac sie cutlass kosroh ma oasr muta luo kac tume liki oalul. Mutal saromrom oana kalem lun faht ke infulwen len uh. 17 Ke nga liyal nga putati nu ke nial oana mwet misa se. Ac el likiya lac paol layot nu fuk ac fahk, “Nimet kom sangeng! Nga mutawauk ac nga oayapa safla. 18 Nga el su moul! Nga tuh misa, a inge nga moul ma pahtpat ac ma pahtpat. Oasr ku luk fin misa ac fin facl sin mwet misa. 19 Ke ma inge, simusla ma kom liye, kewana ke ma in pacl inge ac ke ma ac fah tuku tok uh. 20 Kalmen ma lukma ke itu itkosr ma kom liye ke lac pouk layot, ac ke nien lam gold itkosr uh pa inge: itu itkosr uh pa lipufan lun church itkosr, ac nien lam itkosr uh pa church itkosr.
FWACKYUK 2 ->