99
God, Tokosra Fulatlana
1 LEUM GOD El tokosra,
Ac mwet uh rarrar.
El muta fin tron lal lucng liki cherub uh,[a]
Ac faclu kusrusrsrusr.[b]
2 LEUM GOD El ku in acn Zion,
Ac El fulat liki mutunfacl nukewa.
3 Mwet nukewa in kaksakin Ine fulat ac ku lal.
El mutal!
4 Tokosra kulana, kom lungse ma suwohs;
Kom oakiya nununku suwohs in Israel,
Ac kom ase suwoswos ac ma wolana.
5 Kaksakin LEUM GOD lasr,
Alu nu sel ye mutun tron lal.
El mutal!
6 Moses ac Aaron eltal mwet tol lal,
Ac Samuel el sie su pre nu sel.
Elos pang nu sin LEUM GOD, ac El topkolos.
7 El kaskas nu selos liki sru in pukunyeng.
Elos akos ma sap ac ma oakwuk lal su El sang nu selos.[c]
8 O LEUM GOD lasr, kom topuk mwet lom.
Kom akkalemye nu selos lah kom sie God su nunak munas,
Kom finne kaelos ke ma koluk lalos.
9 Kaksakin LEUM GOD lasr,
Ac alu nu sel ke eol mutal[d] sel!