81
[Psalm lal Asaph]
Soko On Nu Ke Pacl In Kufwa
1 Srukak pusren engan nu sin God, su loangekut,
Yuk on in kaksak nu sin God lal Jacob!
2 Mutawauk on, ac srital ke tambourine,
Sritalkin pusra wowo lun harp ac lyre.
3 Ukya mwe ukuk ke pacl in kufwa —
Ke pacl in alwut, ac ke pacl in mwesr.Oek 10:10
4 Pa inge ma sap in acn Israel,
Ma oakwuk sin God lal Jacob.
5 El sang ma sap inge nu sin mwet Israel
Ke El mweuni facl Egypt.
Nga lohng sie pusra nga tia etu su fahk,
6 “Nga eisla ma toasr liki finpisowos;
Nga aksukosokye pouwos liki orekma upa.
7 Ke kowos muta in ongoiya kowos pang nu sik, ac nga molikowosla;
Nga topuk kowos liki nien muta lukma luk ke paka,
Ac nga srike kowos ke unon in kof Meribah.Exo 17:7; Oek 20:13
8 Mwet luk, porongo kas in sensenkakin luk,
O Israel, nga kena tuh kowos in porongeyu!
9 Kowos in tiana alu nu sin kutena god saya.Exo 20:2–3; Dut 5:6–7
10 Nga LEUM GOD lowos,
Su uskowosme liki acn Egypt.
Oalngelik oaluwos ac nga fah kite kowos.
11 “Tuh mwet luk elos tiana porongeyu.
Israel tiana akosyu.
12 Ke ma inge nga fuhlela elos in fahsrna ke moul likkeke lalos uh,
Ac oru oana lungse lalos.
13 Nga arulana ke mwet luk in porongeyu,
Ac akosyu.
14 Na nga fah sa in kutangla mwet lokoalok lalos
Ac nga fah sruokya mwet lainulos nukewa.
15 Elos su srungayu fah sangeng ac epasr ye mutuk,
Kai luk nu selos fah oan ma pahtpat.
16 Tusruktu nga ac fah kite kowos ke wheat na wowo,