33
Soko On In Kaksak
1 Kowos su suwoswos,
Kowos in sasa a engan ke ma LEUM GOD El oru;
Kaksakunul, kowos nukewa su aksol.
2 Sang kulo nu sin LEUM GOD ke pusren harp,
Ac on nu sel ke pusren mwe on!
3 Yuk soko on sasu nu sel,
Sritalkin harp oana ke etu lom, ac sasa ke engan!
4 Kas lun LEUM GOD pwaye,
Ac orekma lal nukewa lulalfongiyuk.
5 LEUM GOD El lungse ma suwoswos ac pwaye;
Lungse kawil lal nawkla faclu.
6 LEUM GOD El orala kusrao ke sap na lal;
El orala faht, malem, ac itu ke kas lal.
7 El eisani kof nukewa nu sie;
El kaliya acn loal meoa ke nien filma lal.
8 Alu nu sin LEUM GOD, faclu nufon!
Akfulatyal, mwet faclu nufon.
9 Ke El kaskas, faclu orekla;
Ac ke sap lal, ma nukewa sikyak.
10 LEUM GOD El akfohsyauk pwapa lun mutunfacl uh;
El oru tuh elos in tia ku in aksafyela.
11 A pwapa lun God oan ma pahtpat,
Ac nunak lal oan nwe tok.
12 Insewowo mutunfacl se su LEUM GOD El God lalos;
Insewowo elos su God El sulela tu elos in mwet lal.
13 LEUM GOD El ngeti inkusrao me
Ac liye mwet nukewa.
14 El ngeta liki nien muta fulat lal,
Ac liyalos nukewa su muta fin faclu.
15 El lumahla nunak lalos nukewa
Ac El etu ma nukewa elos oru.
16 Sie tokosra el tia kutangla ke sripen mwet mweun ku lal;
Sie mwet mweun el tia kutangla ke sripen ku lal sifacna.
17 Horse in mweun uh, wangin sripa nu ke kutangla;
Ku lulap lalos tia ku in molela.
18 LEUM GOD El liyalosyang su aksol,
Elos su filiya lulalfongi lalos ke lungse kawil lal.
19 El molelosla liki misa;
El sruokyana moul lalos in pacl in sral.
20 Kut filiya finsrak lasr in LEUM GOD;
El mwe lango ac mwe kasru lasr.
21 Ke sripal kut engan;
Kut lulalfongi in Inel mutal.
22 LEUM GOD, lela tuh lungse kawil lom in wi kut,