PSALM 2

Tokosra Solla Sin God

1 Efu mutanfahl uh ku suk inkanek in alein?

Efu ku mwet uh oru nunak lusrongten lalos?[a]

2 Tokosra lalos elos tuyak in alein,

Ac mwet kol lalos tukeni pwapa in lain LEUM GOD

Ac tokosra se su El sulela.

3 Elos fahk, “Lela kut in srikutla lukelos.

Lela kut in srola liki koko lalos.”

4 LEUM GOD El muta inkusrao isrun

Ac aksruksruki pwapa munas lalos.

5 Na El akesmakyalos ke mulat lal,

Ac aksangengyalos ke kasrkusrak lal.

6 El fahk, “Fin Zion,[b] eol mutal sik,

Nga oakiya tari tokosra luk.”

7 Ac tokosra el fahk, “Nga fah fahkak ma LEUM GOD El sapkin.

El fahk nu sik, ‘Kom wen nutik;

Misenge nga papa lac tomom.[c]

8 Siyuk, ac nga ac fah asot mutunfacl nukewa nu sum;

Faclu nufon ac fah ma lom.

9 Kom ac fah kunauselosla ke osra soko;

Kom ac fah foklolosi nu ke ip srisrik, oana sie ahlu orek ke fohk kle.’ ”[d]

10 Inge, kowos tokosra uh, porongo kas in sensenkakin inge.

Kowos mwet kol lun faclu, lutlut ke mwe luti se inge.

11 Kulansupu LEUM GOD ke sangeng; Rarrar 12 ac epasr nu sel.

Kowos fin tia, na kasrkusrak lal ac fah sa in sikyak,

Ac kowos ac fah misa.

Insewowo elos nukewa su suk nien wikla yorol.