1 Wen nutik, ya kom wulela in akfalye soemoul lun siena mwet? 2 Ya kom sremla ke kas lom sifacna, ac sruhu ke wulela lom sifacna? 3 Ke ouinge, wen nutik, kom muta ye ku lun mwet sacn, tusruktu pa inge inkanek se ma ac ku in tulekomla liki uh: sulaklak nu yorol ac kwafe elan tulekomla. 4 Nimet motulla ku mongla nwe ke na kom orala. 5 Srola liki kwasrip sacn oana sie won, ku soko deer ma kaingla liki sie mwet sruh kosro.

6 Mwet alsrangesr uh enenu in lutlut ke ouiyen moul lun mak uh. 7 Wangin mwet kol, mwet fulat, ku mwet leum lalos, 8 a elos etu in elosak mwe mongo nalos ke pacl fol, in akola nu ke pacl mihsrisr. 9 Mwet alsrangesr se ac oan nwe ngac? El ac tukakek ngac? 10 El fahk, “Nga ac motullana kutu srisrik. Nga ac elongak pouk ac monglana kitin pacl.”[a] 11 A ke el motul, ma lal nukewa ac wanginla, oana in pisrapasrla sin sie mwet sulallal.

12 Mwet lusrongten ac mwet koluk elos forfor ac kinauk kas kikiap. 13 Elos kotmwet ac oru mwe akul ke lumahlos in kiapwekom, 14 ac pacl se na elos oru ma inge uh elos akoo in oru pwapa sulallal ma oan selos. Elos pirakak ma koluk yen nukewa. 15 Ke ma inge mwe ongoiya ac fah sikyak nu selos tia suiyak pah, ac elos fah kunausyukla ac wangin kasru ku in orek nu selos.

16 Oasr ma onkosr su LEUM GOD El srunga; aok, itkosr mwe srungayuk nu sel su El tia ku in muteng pa inge:

20 Wen nutik, oru ma papa tomom el fahk nu sum, ac nik kom mulkunla ma nina kiom el luti kom kac. 21 Sruokya kas lalos in oanna insiom pacl nukewa. 22 Mwe luti lalos uh ac kol kom ke pacl kom fufahsryesr, ac karingin kom ke fong, ac akkalemye ma kom in oru ke len. 23 Mwe luti lalos uh sie kalem nu sum, ac kas in kai lalos ac fah luti kom ke ouiyen moul. 24 Ku in sruokkomi liki mutan koluk, ac liki kas in akmunas lun mutan kien kutena mukul saya. 25 Nimet sruhfla ke oasku lalos, nimet sremla ke elos kotmwet nu sum uh. 26 Sie mukul ku in sang na molin lof in bread se in moli sie mutan kosro su eis molin kosro lal, tuh el fin orek kosro nu sin mutan kien siena mukul, ma lal nukewa ac fah wanginla.

27 Ya kom ku in us e iniwom ac nuknuk lom tia firiryak? 28 Ya kom ku in fahsr fin mulut fol ac niom tia folla? 29 Sensen ke ma inge oapana ke kom utyak nu yurin mutan kien siena mukul. Kutena mwet su oru ouinge uh ac sun keok. 30 Mwet uh tia arulana srunga mwet pusr el fin pisrapasr in akkihpyal ke el masrinsral; 31 a el fin koneyukyak, el enenu in akfalye pacl itkosr — el enenu in sang ma lal nukewa. 32 Tusruktu sie mukul su orek kosro nu sin mutan kien siena mukul, wangin etauk lal. El sifacna oru ma ac kunausulla. 33 Ac fah akkolukyeyuk el, anwuk el, ac mwekin lal ac fah tiana wanginla nwe tok. 34 Wangin kasrkusrak lun sie mukul payuk ku in oana kasrkusrak lal ke el lemta; ac fah wangin nunak munas lal nu sin mukul sac ke pacl se el ac orek foloksak kac. 35 El ac fah tia eis kutena mwe moul in akfalye; wangin kutena mwe kite ku in akwoyela kasrkusrak lal uh.

<- SOAKAS 5SOAKAS 7 ->