PHILEMON Tukakinyen Leta Lal Paul Nu Sel PHILEMON Philemon el sie Christian akilenyuk, sahp el sie mwet in church Colossae, ac ma lal pa mwet kohs se pangpang Onesimus. Mwet kohs se inge kaingla lukel Philemon, na ke kutu sripa el tuh sonol Paul, su tuh muta in presin. Ke kasru lal Paul, Onesimus el ekla sie mwet Christian. In Leta Lal Paul Nu Sel Philemon inge, el kwafe sel elan aolla nunak lal ke mwet kohs se lal ah, su Paul el folokunul nu yorol. El fahk mu elan nunak munas nu sel Onesimus, tia ke sripen el mwet kohs se lal mukena, a mweyen inge el sie pac mwet lili Christian. Takla Lun Koanon Leta Se Inge Kas in tukakunla 1–3 Kaksak kacl Philemon 4–7 Kas in kwafe kacl Onesimus 8–22 Kas in aksafye 23–25
1 Ma sel Paul, sie mwet kapir ke sripen Christ Jesus, ac sel Timothy, sie mwet lulalfongi wiasr —
Nu sel Philemon, su mwet kawuk ac mwet orekma wiasr, 2 ac nu sin mwet in church su tukeni in lohm sum; oayapa Apphia, sie mutan wiasr in lulalfongi, ac Archippus, mwet wiasr in mweuni ma koluk.Col 4:173 Lela God Papa tumasr, ac Leum Jesus Christ in asot nu suwos lungkulang ac misla.
Lungse Ac Lulalfong Lal Philemon 4 Philemon, mwet kawuk luk, pacl nukewa nga pre uh nga esam kom na, ac nga sang kulo nu sin God luk keim. 5 Mweyen nga lohng ke lungse lom nu selos nukewa mwet lun God, ac ke lulalfongi lom ke Leum Jesus. 6 Nga pre tuh sie sin sie lasr kewa mwet lulalfongi, fah mwe akyokye kalem lasr ke mwe insewowo nukewa su kut eis ke sripen moul in asruoki lasr yurin Christ. 7 Mwet kawuk saok luk, lungse lom inge akenganyeyu ac akkeyeyu ma lulap! Kom arulana akpwaryeak insien mwet lun God nukewa. Sie Kwafe Kacl Onesimus 8 Sripa inge oru oasr pulaik luk, oana ke nga mwet lili lom in Christ, in sapkin ma fal kom in oru. 9 Tusruktu ke sripen lungse luk nu sum, nga tia sap, a nga ngisre kom. Nga oru ouinge finne nga pa Paul, mwet tutafpo lun Christ Jesus, ac inge nga oayapa sie mwet kapir ke sripal. 10 Ouinge nga siyuk sum kacl Onesimus,*Onesimus: Kalmen ine se inge in kas Hebrew pa “oasr sripa”. su oana sie wen nutik in Christ; tuh ke nga muta in presin nga oana sie papa tumal in ngun.Col 4:9 11 Sie pacl ah tuh wangin sripal nu sum, tusruktu inge oasr sripal nu sum ac oayapa nu sik.12 Inge nga folokunulot nu yurum, ac nunak luk kacl uh welul fahsrot. 13 Nga kena sruokilya elan wiyu muta inge, ke nga muta in presin ke sripen Wosasu, elan ku in aol kom kasreyu. 14 Tusruktu, nga tia lungse akkohsye kom in kasreyu; a nga ke kom in oru ke lungse na lom. Ke ma inge nga ac tia oru kutena ma kom fin tia insese nu kac.
15 Sahp Onesimus el tuh som liki kom ke kitin pacl tuh kom in mau ku in sifil eisal elan mutana yurum nwe tok. 16 El ne mwet kohs se lom, tuh el tia ana mwet kohs se, mweyen inge el sie mwet lulalfongi saok wiom in Christ. Yohk na pwaye sripal nu sik! Ac el fah arulana yohk pac sripal nu sum, ke el sie mwet foko lom ac oayapa sie mwet lulalfongi wiom in Leum!
17 Ke ma inge, kom fin motko mu kital tukeni in orekma se inge, kom in engan in sifilpa eisal nu yurum oana ke kom ac eisyu uh. 18 El fin tuh orala kutu ma tafongla, ku soemoul nu sum ke kutena ma, kom oakla mu ma nga ac akfalye. 19 Nga fah simis ma inge ke pouk sifacna: Nga, Paul, ac fah moli nu sum. (Nga tia sruk enenu in akesmakinye kom lah kom soemoul nu sik ke moul lom sifacna.) 20 Ouinge, mwet lili luk, nunak munas oru enenu se luk inge Inen Leum. Akpwaryeyuyak, oana ke kital tukeni lulalfongi ke Christ!
21 Ke nga simis ma inge nga etu na lah kom ac fah oru ma nga siyuk uh — aok, nga etu lah kom ac fah laesla in oru yohk liki. 22 Ac oayapa nga siyuk kom in akoela nien muta luk, mweyen nga finsrak mu God El ac fah topuk pre lowos an, ac folokinyuwot nu yuruwos.
Kas In Wilkas 23 Epaphras, su wiyu pac kapir ke sripen Christ Jesus, el supu lung lal nu suwos,Col 1:7; 4:12 24 ac oayapa mwet ma wiyu orekma inge: Mark, Aristarchus, Demas, ac Luke.Orek 12:12, 25; 13:13; 15:37–39; Col 4:10; Orek 19:29; 27:2; Col 4:10; Col 4:14; 2 Tim 4:10; Col 4:14; 2 Tim 4:1125 Lungkulang lun Leum Jesus Christ in wi kowos nukewa.
- ~2~ Onesimus: Kalmen ine se inge in kas Hebrew pa “oasr sripa”.
1:24
Orek 12:12, 25; 13:13; 15:37–39; Col 4:10; Orek 19:29; 27:2; Col 4:10; Col 4:14; 2 Tim 4:10; Col 4:14; 2 Tim 4:11
1 Ma sel Paul, sie mwet kapir ke sripen Christ Jesus, ac sel Timothy, sie mwet lulalfongi wiasr —
3 Lela God Papa tumasr, ac Leum Jesus Christ in asot nu suwos lungkulang ac misla.
12 Inge nga folokunulot nu yurum, ac nunak luk kacl uh welul fahsrot. 13 Nga kena sruokilya elan wiyu muta inge, ke nga muta in presin ke sripen Wosasu, elan ku in aol kom kasreyu. 14 Tusruktu, nga tia lungse akkohsye kom in kasreyu; a nga ke kom in oru ke lungse na lom. Ke ma inge nga ac tia oru kutena ma kom fin tia insese nu kac.
15 Sahp Onesimus el tuh som liki kom ke kitin pacl tuh kom in mau ku in sifil eisal elan mutana yurum nwe tok. 16 El ne mwet kohs se lom, tuh el tia ana mwet kohs se, mweyen inge el sie mwet lulalfongi saok wiom in Christ. Yohk na pwaye sripal nu sik! Ac el fah arulana yohk pac sripal nu sum, ke el sie mwet foko lom ac oayapa sie mwet lulalfongi wiom in Leum!
17 Ke ma inge, kom fin motko mu kital tukeni in orekma se inge, kom in engan in sifilpa eisal nu yurum oana ke kom ac eisyu uh. 18 El fin tuh orala kutu ma tafongla, ku soemoul nu sum ke kutena ma, kom oakla mu ma nga ac akfalye. 19 Nga fah simis ma inge ke pouk sifacna: Nga, Paul, ac fah moli nu sum. (Nga tia sruk enenu in akesmakinye kom lah kom soemoul nu sik ke moul lom sifacna.) 20 Ouinge, mwet lili luk, nunak munas oru enenu se luk inge Inen Leum. Akpwaryeyuyak, oana ke kital tukeni lulalfongi ke Christ!
21 Ke nga simis ma inge nga etu na lah kom ac fah oru ma nga siyuk uh — aok, nga etu lah kom ac fah laesla in oru yohk liki. 22 Ac oayapa nga siyuk kom in akoela nien muta luk, mweyen nga finsrak mu God El ac fah topuk pre lowos an, ac folokinyuwot nu yuruwos.
25 Lungkulang lun Leum Jesus Christ in wi kowos nukewa.
- ~2~ Onesimus: Kalmen ine se inge in kas Hebrew pa “oasr sripa”.
1:24 Orek 12:12, 25; 13:13; 15:37–39; Col 4:10; Orek 19:29; 27:2; Col 4:10; Col 4:14; 2 Tim 4:10; Col 4:14; 2 Tim 4:11