7
1 “Moul lun mwet uh oana sie mwet mweun su akkohsyeyuk ye ma sap upa nu sel —
Oana moul lun sie mwet ma kemkatu ke oru orekma toasr lun pao,
2 Oana sie mwet foko su kena mongla in acn lul uh;
Ac oana sie mwet orekma su soano pacl in eis molin orekma lal.
3 Malem nu ke malem, wanginna sripa nga in moul;
Ac fong nu ke fong nga asor na.
4 Ke nga ona in motulla, pacl uh arulana sumui;
Nga oanna pikpik fong fon se ac kena in tari lenelik.
5 Monuk sessesla ke wet;
Afla ke kolo keke;*kolo keke: kulun palang ma mahla.
Ac sroano koluk sororla ke faf keik uh.
6 Len luk uh somla ac wangin finsrak kac,
Ac fahsr la uh mui liki kutap lun sie mwet tatu nwek.
7 “O God, esam lah moul luk uh oana sie mong,
Ac wanginla tari pwar luk.
8 Kom liyeyu inge, tusruktu kom ac fah tia sifil liyeyu tok.
Kom fin ac sukyu, tuh nga nu somla tari.
9 Oana sie pukunyeng ac sarla ac wanginla,
Ouinge sie mwet misa fah tiana sifil foloko;
10 Mwet nukewa ma etal meet ah, ac tia sifil esamul.
11 Ke ma inge, nga tia ku in tila kaskas!
Nga kasrkusrak ac mwen insiuk.
Enenu na nga in fahkla nunak luk uh.
12 “Efu ku kom sap in taranyuk nga?
Mea, kom nunku mu nga pa soko ma sulallal in meoa uh?
13 Nga ona ac srike ngan mongla;
Nga sukok ma in lusrongla ngal keik uh.
14 A kom — kom aksangengyeyu ke mweme;
Ac supwama aruruma ac mweme na koluk
15 Nwe ke na apkuran ngan ke in isasu kwawuk ngan misa,
Liki nga in muta in mano keok se inge.
16 Nga fuhleak finsrak luk; nga totola ke moul muta uh.
Tari fahla likiyu; wanginla sripen moul luk.
17 “Efu ku kom oru mu yohk sripen mwet uh nu sum?
Efu ku kom lohang nu ke ma el oru uh?Psa 8:4; 144:3
18 Kom tonel ke lotutang nukewa
Ac srikal ke minit nukewa.
19 Mea, kom tia ku in ngetla likiyu ke kitin pacl
Ngan ku in ukumya sronin oalik?
20 Ya kom keok ke ma koluk luk, kom su liyaung mwet kapir?
Efu ku kom tungalyu oana in sie mwe akoalel lom?
Mea, nga mwe toasr se na lom?
21 Mea, kom ac tiana nunak munas nu sik ke ma koluk luk nwe tok?
Kom tiana ku in tulala ma sufal nga orala uh?
Nga akuranna misa, pukpuki,