1 Mwet Ephraim elos akola in mweun, na elos fahla sasla Infacl Jordan ac som nu Zaphon ac fahk nu sel Jephthah, “Efu ku kom som mweuni mwet Ammon ac tia suli kut? Kut ac esukak lohm sum an nu fom!”
2 Na Jephthah el topuk ac fahk nu selos, “Nga ac mwet luk uh tuh oru alein na yohk se nu sin mwet Ammon, ac kut pangon kowos, tuh kowos tiana tuku kasrekut. 3 Ke nga akilenak lah kowos ac tia kasreyu, nga pilesrala moul luk ac sifacna som ainulos, ac
7 Jephthah el kol mwet Israel ke yac onkosr. Na el misa, ac pukpuki el inkul sel sifacna in acn Gilead.
8 Tokol Jephthah, Ibzan mwet Bethlehem el kol Israel. 9 Oasr wen tolngoul ac acn tolngoul natul. El sang acn natul inge in payuk sin mwet sayen sruf lal uh, ac use mutan fusr tolngoul liki sruf saya in payuk sin wen natul ah. Ibzan el tuh kol mwet Israel ke yac itkosr, 10 na el misa, ac pukpuki el in acn Bethlehem.
11 Tokol Ibzan, Elon mwet Zebulun, el kol mwet Israel ke yac singoul. 12 Na Elon el misa, ac pukpuki el in acn Aijalon in facl sin mwet Zebulun.
13 Tokol Elon, Abdon, wen natul Hillel mwet Pirathon, el kol mwet Israel. 14 Oasr wen angngaul natul, ac wen tolngoul nutin wen natul su kasrusr fin donkey itngoul. El kol mwet Israel ke yac oalkosr. 15 Na Abdon el misa, ac pukpuki el in acn Pirathon in facl sin mwet Ephraim, infulan eol ma mwet Amalek elos muta we.
<- MWET NUNUNKU 11MWET NUNUNKU 13 ->