1 Dâŋ ojowa sâko arictac eme Paulozi opâ ruac hefârec-joparâ jaza mâzoc erâ Makedonia mâreŋko rawec. 2 Mâreŋ i fotâcnehuc opâ ruac jurambiŋ jaŋe mu keteŋ bocjaha ejare rawec. Raku Grië mâreŋko fisiwec. 3 Ira mosa jahec â moc juku hâwecko hurâ wokeo ferâ Siria mâreŋko razo mume Judaŋic jaŋe somâ râecnepie manarâ Makedonia mâreŋko rawec. 4 Eme ŋic šiŋuczi hatao bâjâpembiŋ: Berea haeonec Sopate, e Pirore ŋokâ, Tesalonike haeonec Aristako â Sekundo, Derebenec Gaio, erâ Timoteo, â Asia masunaonec Tikiko â Trofimo. 5 Ŋic izi bânierâ Troa haeo woŋec-nâŋec jumbiŋ. 6 Nâŋe ine goreŋ sowa hombaŋ tarame Filipi haeo wokeo ferâ šoaŋ 5 raku Troa haeo fisimbeŋ. Ira fisirâ šoaŋ gie bapa 7 jumbeŋ.

7 Eme nâŋe Sondao Ŋafe Tiwâ nanaŋte tumaŋnembeŋ. Ehuc Paulo e hae fureme raocte murâ miti muhuc juhame ŋafe šâŋiŋke-jâmbâŋkewec. 8 Fic maŋne ŋembeŋ ira lambe bocjaha šawec. 9 Ehame motec moc šâŋene Eutiko, e Paulozi miti mume šorame qâqâtâc kataŋko ŋeku guŋ qâmâckewec. Erâ guŋko qâqâtâc kataŋkonec hurâ mâreŋko qarâ fohame bafaharepie hâmocne ewec. Fic maŋne jahec â moc hâŋ bafehuc âke tâcne fekicne irecnec hâcne hurâ qawec. 10 Eme Paulozi hurâ motec fofackerâ hâporâ ŋic šiŋuc jazawec: “Ŋoŋe ki ojowa mi eniŋ, e mâro-ticne fuakac.” 11 Iŋuc murâ ficmaŋko ferâ ŋafe Tiwâ gumec-joparâ nânâ piticne nâwec. Nânâ nârâ jaŋehec mitire muc manac ehuc juhapie hae furewec. Hae fureme behec-joparâ rawec. 12 Ŋic jaŋe ine motec ɋâreme ficticnao jowa rarâ bujeŋic boc urue biaŋ ewec.

13 Gâcne nâŋe Paulozi mume wokeo ferâ Aso haeo rambeŋ. E jahacne ine tiŋko fâwec. 14 Eme Aso haeo fârâ bâfuac-nâporâ wokeo hefârâ qâsuec-nâpome mâmâc rambeŋ. Raku Mitilene haeo rašimbeŋ. 15 Irecnec raku hae fureme Ʒintacko Kio nucko fisirâ jâurumbeŋ. Izi raku Mituoc Samo nucko fisimbeŋ. Eme irecnec raku Sekiqanâcko Milete haeo fisimbeŋ. 16 Paulo e Mâro hombaŋko Jerusalem haeo ra fisiocte muwec. Irec Efeso haeo wokeonec waharâ Asia masunao juhame dameŋ qâtirizacte fofotâc raku Milete haeo fisiwec.

17 Ira fisirâ kiŋaŋ sorec-jopame Efeso haeo rarâ mitire micne bapa jowac-jopapie warembiŋ. 18 Fisipie Paulozi dâŋ šiŋuc jazawec: “No Asia mâreŋko fisirâ izia ŋoŋerao gie-nane fuŋkerâ wiac ehuc jupo, i fuŋnaonecteaŋ mana wareeŋgopieŋ. 19 No hone suŋgiŋnezi ki busâqochec Wofuŋte kiŋaŋ qahuc jupo, ehuc Judaŋic jaŋe keke suec suec enarehapie râsi faio jupo. 20 Erâ dâŋ ŋoŋe ŋaŋazane moc mi bâtiripe fowec, ŋoŋe biaŋkeniŋte mitidâŋ bocjaha hofao â ficne ficne ŋaza qazuc ehuc jupo. 21 Ehuc Judaŋic â Grikŋic Anutu maickerâ Wofuŋ-nâŋec Jesu Kristo manasiŋkeniŋte maŋqaqa eŋarehuc jupo. 22 Eme ši Mârozi maŋnane niŋgiŋko fâreme Jerusalem haeo rakopac. Erâ ocna ra fisipe wiac weniŋucne moc fua-nareocmu i mi mana-hâmokopac. 23 Mâc kâpâcwâru â bušâic ocna woŋec-nane fokac, i hae sâc fisi fisi jupe Tiri Mârozi mufua-nareekac. 24 No ine juju-nanere manape furi sâko mi ekac, mâc hata mušâwe-narekicne i buafec jaha âte tarapemurâ enarekac, â Anutu aki anonoc-ticnere Biŋebiaŋ muiŋnepemurâ Wofuŋ Jesuzi munarewec, gie i baku bâjomirepemurâ maŋnane domakac. 25 Erâ ši moc mupe mananiŋ, no uucmaŋte biŋedâŋ ŋazahuc ŋondeŋ-ŋeŋicko ŋeŋe juju epe honecnueŋgopieŋ izi šâhec šâŋe mai-nane mocwâc mi honeniŋmu. 26 No Anutuzi mitire dâŋ šaeckewec i furu jaha ŋaza-fârepo, moc mi hetarape fowec” 27 irec miŋecgac hazec qâuŋ ŋazape mananiŋ, moc e sipirickeme kiŋticne norao mi foocmu.

28 “Ŋoŋe ŋaŋac soŋaŋ babac ehuc lama gurufâc-ŋeŋic iŋuc jaha sâcne soŋaŋ-jopanšepieŋ. Tiri Mârozi jaŋere micne bapa mucŋopawecte ŋoŋe Wofuŋte kikefuŋfâc, e jahacne soczi kitâc-jopawec, jaŋe hone maiŋ ejarehapie aimuŋ junšepieŋ. 29 No manakopac, no behec-ŋopape kâte qâto mimicne ŋoŋerao fisirâ lama mi akic-jopaniŋmu, 30 erâ wâc ŋaŋacne ŋondeŋko ŋic fuarâ miti bâsifuckerâ opâ ruaczi jaŋacne eniŋte hume gegetâc ejareniŋmu. 31 Irec ŋoŋe rucgereŋ-ŋeŋic junšepieŋ, erâ jara jahec â moc ŋafe furec ki busâqochec uŋsawaŋ buc buc ŋaŋaza i moc mi behepe wahawec, ŋoŋe irec manasuhuc junšepieŋ. 32 Eme ši Anuturao râec-ŋopahuc uruc jauŋ dâŋticnao guruc-ŋopakopac” e tâpiri runezi hofâ ɋâcgie sâcne eŋareocmu, erâ juku maŋfuru bacjopakicne sasawa jaŋehec sambâŋte huhure i tahac-ŋopame rauckenšepieŋ. 33 No moneŋ mafare mubâre mi eŋarepo, 34 no nahacne â ŋicfâc-nane nâŋere wiac piticne mejahec-nane šizi hotâckepe fua-narewec, i manaŋgopieŋ. 35 No wiac fuŋne fuŋne qaŋeŋke-ŋarepo, ehuc gie ɋicwânšâŋ bahuc gegec dodocne jaŋe bâmec bajarezo irec hatane wâc âtehuc ŋowatupo. Eme ŋoŋe ijaha âtehuc Wofuŋ Jesuzi dâŋ kecšiŋuc muwec i manasunšepieŋ: `Bâmec ro nâc eere bubiaŋzi mâcne, bâmec babajare irec bubiaŋzi fârine jâmbâŋ eekac. Ž ”

36 Paulo e dâŋ iŋuc mutararâ dieŋzi herâ jaŋehec numuwec. 37 Numume kio ŋâŋâtâc boc ehuc hâpo mumuduc ecnembiŋ. 38 E dâŋ kecšiŋuc jazawec: “Ŋoŋe šâŋe mai-nane mocwâc mi honeniŋmu”, irec boc mana hâhâtâwembiŋ. Eme wokeo râembiŋ.

<- APOSOLO BINAŊ 19APOSOLO BINAŊ 21 ->