99
Yaubada matauna Giyoumatala
1 Guyau matauna wala Guyau.
Tomota itatatuvasi!
Matauna isisu ola takaikaia odubasi minasina mauna isim pinupanesi,[a]
e deli pwaipwaia immotatina. [b]
2 Matauna Guyau la peuligaga isisu mapilana Saiyoni.[c]
Matauna wala Giyoumatala odubasi komwaidona boda ituwoli ituwoli.
3 Komwaidosi biyakawolaisi matauna Tovakaigaga deli Giyouveka.
Matauna goli Tobumaboma.
4 Mwa! Guyau Topeuligaga, yoku kuyebwaili karaiwaga duwosisia.
Bogwa lokuvitau karaiwaga duwosisia mapilana Isireli.
Yoku bogwa lokumiaki mitukwaibwaila deli kibobuta.
5 Tayakawolaisi Guyau matauna da Yaubadasi.
Tatapwarorusi omatala la takaikaia.[d]
Matauna goli tobumaboma.
6 Mosese sola Eroni matausina la tolula,
e Samwela matauna taitala toninigada baisa matauna.
Matausina idousi baisa Guyau, e matauna ivitakauloki matausina.
7 Matauna ililivala baisa matausina metoya makaina lowa,
e matausina ikabikuwolaisi la karaiwaga kwevakaveka deli kwekikekita
makwaisina bogwa leisaiki matausina. [~5~]
8 Mwa! Guyau ulo Yaubada, lokuvitakauloki m tomota.
Yoku kuvituloki matausina kidamwa yoku goli Yaubada mitugaga kala toligaiwa,
ilagoli yoku lokumipuki matausina paila si mitugaga.
9 Tayakawolaisi Guyau da Yaubadasi,
e deli goli bitatapwarorusi ola koya kwebumaboma.[~6~]