67
Wosila nokagutoki
1 Mwa Yaubada! Bukunokapisaimasi e bukumitukwaiyaimasi.
Metoya om ninabwaila bukupilasaimasi,
2 kidamwa valu watanawa komwaidona binikolaisi nanom,
e komwaidona boda ituwoli ituwoli bilumkolaisi m kwatumova.
3 Mwa Yaubada! Ibodi tomota biyakawolaimsi.
Ibodi tomota komwaidosi biyakawolaimsi.
4 Ibodi boda ituwoli ituwoli ninasi bimwamwasila, e deli si mwasawa biusiwosisi goli.
Paila yoku lokuyakali mina watanawa metoya om kwaraiwaga duwosisia,
e yoku wala kasi tovakeda boda kwaitala kwaitala ovalu watanawa.
5 Mwa Yaubada! Ibodi tomota biyakawolaimsi.
Ibodi tomota komwaidosi biyakawolaimsi.
6 Da pwaipwaiasi bogwa ivigaki taluvabwailasi.
E Yaubada, matauna da Yaubadasi goli, bogwa eimitukwaiyaidasi.
7 Ka, Yaubada bogwa eimitukwaiyaidasi.