63
Avinagai paila Yaubada
1 Mwa Yaubada! Yoku ulo Yaubada.
Yeigu avinagai paila yoku,
e tomwaidogu goli magigu yoku.
Yeigu makawala viloupakala valu vilouwokuva wala,
e makawala valu magila sopi, yeigu magigu yoku.
2 Bukutagwala bagisaim om Bwala Kwebumaboma,
e mwada bagisaim yoku Topeuligaga e Toguyugwayu.
3 M mitakwai ikalisuwoli momova kala bwaina,
e mauula bayakawolaim.
4 Ogu tuta momova komwaidona, banokagutoki baisa yoku,
e bayosali yamagu banigada baisa yoku.
5 Bilomagu bikam e bikomata,
e deli ulo mwasawa bawosi kam yakaula.
6 Wa bogi akanukwenu e aluluwaim.
Wa bogi kwemwaidona aninamsaim.
7 Paila yoku tuta tuta lokupilasaigu.
Okaikonigulela pinupanemgKugisi Sam 17.8. ausiwosi deli ulo mwasawa.
8 Yeigu akaipapaim,
e yamam ikolaigu.
9 Matausina availa availa mwada bikatumataigusi
bibusisi wala bilosi mapilana Tuma.hBaisa si valu tomata.
10 Bikaligasi wala okabilia,
e ugiwagi nagigasisi bikomasi uwosi.
11 Yaubada bivigaki guyau bitomgwaga,
e mapaila guyau matauna bimwasawa!
Availa availa ikatotilasi omatala Yaubada, matausina goli biyakawolaisi matauna.