6
Nigada paila pilasi otutala mwau
1 Mwa Guyau! Gala bukugibuluwaigu[a] deli bukukwavilakaigu!
E gala bukumipukwaigu metoya om gibuluwa! [b]
2 Mwa Guyau! Yeigu bogwa lasomata. Kunokapisaigu!
Kukwatupewolaigukkukwatupewolaigu.Gagabila bitagini “kukwatumovaigu”. paila yeigu mokwita wala bogwa leimata wowogu
3 deli tomwaidogu wala agu lumkola saina mwaugaga.
Mwa! Guyau, ki - ammakawalaga kala woloula bukutulotula e oluviga bukupilasaigu?
4 Mwa Guyau! Kuma kukwatumovaigu,
e om nokapisi bukukolaigu metoya okaliga.
5 Paila gala availa biluluwaim metoya mapilana Tuma,[d]
e gala wala availa biyakawolaim metoya baisa.
6 Yeigu bogwa lasomata valam.
Bogi kwaitala kwaitala kabagu iyopututu wala metoya ogu valam,
e mitilagigu ikota wala ogu kwabaikunu.
7 Gala gagabila bagisibwailaki avaka.
Paila matagu bogwa isupilaki
metoya ogu valam avaka agu tilaula eivigakaigusi.
8 Yokomi tomitugaga, gala wala bukumakaiagusi.
Guyau ililagi ulo valam. [e]
9 Inakaigali ulo dou paila pilasi
e bogwa bimapu ulo nigada.
10 Agu tilaula igau bilumkolaisi saina mmosila paila bogwa bimamasi,
e igau bitakainowasi wala,
paila Yaubada bibokavili e bisakaulasi bilosi.
<- SAM 5SAM 7 ->
- a Idokaisi tomota bibodaisi Yaubada la gibuluwa paila uula si mitugaga.
- b 6.1 Sam 38.1
- c kukwatupewolaigu.Gagabila bitagini “kukwatumovaigu”.
- d Baisa si valu tomata, idokaisi mapilana dudubilawokuva deli pwaipwaiala kabigaga, e gala wala avaka butula tomota kaina mauna. Kugisi Yob 3.17-19; Sam 88.10-12.
- e 6.8 Md 7.23; Lk 13.27