SAM 24

Guyau matauna Giyouveka

1 Valu watanawa deli uvagila komwaidona, baisa Guyau la vavagi.

Valu valu komwaidona deli kala tosisu komwaidosi, baisa matauna la vavagi. [a]

2 Eikaliai valu watanawa odabala sopi osikowala pwaipwaia,[b]

e isaim tumilela[c] otulubwabwau.

3 Ki, availa ibodi[d] bimwena ola koya Guyau,[e]

e availa ibodi bisuvi ola Bwala Kwebumaboma?

4 Kidamwa matauna kweyamigileu yamala e la nanamsa migileuwokuva wala,

kidamwa gala eitapwaroru baisa avai tokolu,

e gala ilivala katotila sasopa, [f]

5 e Guyau bimitukwaii deli bikoli matauna.

Yaubada bidoki matauna tobwaila wala.

6 Tomota makawala matauna[g] ibodi bilokaiasi Yaubada,

deli bisuvisi bimaisi omatala Yekobe la Yaubada.

7 Kuulaimwaisi kalapisila[h] bikabauwaiasi,

e lulu kaduyobubogwa bikapogegasi,

e matauna Giyouveka bogwa bisuvi.

8 Ki, availaga matauna Giyouveka?

Matauna goli Guyau, Topeuligaga sainela.

Matauna Guyau, Tokwalisewa otutala kabilia.

9 Kuulaimwaisi kalapisila bikabauwaiasi,

e lulu kaduyobubogwa bikapogegasi,

e matauna Giyouveka bogwa bisuvi.

10 Ki, availaga matauna Giyouveka?

Matauwena Guyau Totomgwaga, matauwena goli Giyouveka.